সূক্ত 9

9.1

শত্রুনিবারণম্ । ১-২৬ কাঙ্কায়নঃ। অর্বুদিঃ। অনুষ্টুপ্, ১ সপ্তপদা বিরাট্ শক্বরী ত্র্যবসানা, ৩ পরোষ্ণিক্, ৪ ত্র্যবসানা উষ্ণিগ্বৃহতীগর্ভা পরা ত্রিষ্টুপ্ ষট্ পদাতিজগতী, ৯, ১১, ১৪, ২৩, ২৬ পথ্যাপঙ্ক্তিঃ, ১৫, ২২, ২৪-২৫ ত্র্যবসানা সপ্তপদা শক্বরী, ১৬ ত্র্যবসানা পঞ্চপদা বিরাডুপরিষ্টাজ্জ্যোতিস্ত্রিষ্টুপ্, ১৭ ত্রিপদা গায়ত্রী।

যে বাহবো যা ইষবো ধন্বনাং বীর্যাঽণি চ ।
অসীন্ পরশূনায়ুধং চিত্তাকূতং চ যদ্ধৃদি ।
সর্বং তদর্বুদে ত্বমমিত্রেভ্যো দৃশে কুরূদারাংশ্চ প্র দর্শয় ॥১॥

9.2

উৎ তিষ্ঠত সং নহ্যধ্বং মিত্রা দেবজনা যূয়ম্।
সংদৃষ্টা গুপ্তা বঃ সন্তু যা নো মিত্রাণ্যর্বুদে ॥২॥

9.3

উৎ তিষ্ঠতমা রভেতামাদানসংদানাভ্যাম্।
অমিত্রাণাং সেনা অভি ধত্তমর্বুদে ॥৩॥

9.4

অর্বুদির্নাম যো দেব ঈশানশ্চ ন্যঽর্বুদিঃ ।
যাভ্যামন্তরিক্ষমাবৃতমিয়ং চ পৃথিবী মহী।
তাভ্যামিন্দ্রমেদিভ্যামহং জিতমন্বেমি সেনয়া ॥৪॥

9.5

উৎ তিষ্ঠ ত্বং দেবজনার্বুদে সেনয়া সহ।
ভঞ্জন্নমিত্রাণাং সেনাং ভোগেভিঃ পরি বারয় ॥৫॥

9.6

সপ্ত জাতান্ ন্যঽর্বুদ উদারাণাং সমীক্ষয়ন্।
তেভিষ্ট্বমাজ্যে হুতে সর্বৈরুত্তিষ্ঠ সেনয়া ॥৬॥

9.7

প্রতিঘ্নানাশ্রুমুখী কৃধুকর্ণী চ ক্রোশতু ।
বিকেশী পুরুষে হতে রদিতে অর্বুদে তব ॥৭॥

9.8

সংকর্ষন্তী করূকরং মনসা পুত্রমিচ্ছন্তী ।
পতিং ভ্রাতরমাত্স্বান্ রদিতে অর্বুদে তব ॥৮॥

9.9

অলিক্লবা জাষ্কমদা গৃধ্রাঃ শ্যেনাঃ পতত্রিণঃ ।
ধ্বাঙ্ক্ষাঃ শকুনয়স্তৃপ্যন্ত্বমিত্রেষু সমীক্ষয়ন্ রদিতে অর্বুদে তব ॥৯॥

9.10

অথো সর্বং শ্বাপদং মক্ষিকা তৃপ্যতু ক্রিমিঃ ।
পৌরুষেয়েঽধি কুণপে রদিতে অর্বুদে তব ॥১০॥

9.11

আ গৃহ্ণীতং সং বৃহতং প্রানাপানান্ ন্যর্বুদে ।
নিবাশা ঘোষাঃ সং যন্ত্বমিত্রেষু সমীক্ষয়ন্ রদিতে অর্বুদে তব ॥১১॥

9.12

উদ্ বেপয় সং বিজন্তাং ভিয়ামিত্রান্ত্সং সৃজ ।
উরুগ্রাহৈর্বাহ্বঙ্কৈর্বিধ্যামিত্রান্ ন্যর্বুদে ॥১২॥

9.13

মুহ্যন্ত্বেষাং বাহবশ্চিত্তাকূতং চ যদ্ধৃদি।
মৈষামুচ্ছেষি কিং চন রদিতে অর্বুদে তব ॥১৩॥

9.14

প্রতিঘ্নানাঃ সং ধাবন্তূরঃ পটূরাবাঘ্নানাঃ ।
অঘারিণীর্বিকেশ্যোঽ রুদত্যঃ১ পুরুষে হতে রদিতে অর্বুদে তব ॥১৪॥

9.15

শ্বঽন্বতীরপ্সরসো রূপকা উতার্বুদে ।
অন্তঃপাত্রে রেরিহতীং রিশাং দুর্ণিহিতৈষিণীম্।
সর্বাস্তা অর্বুদে ত্বমমিত্রেভ্যো দৃশে কুরূদারাংশ্চ প্র দর্শয় ॥১৫॥

9.16

খডূরেঽধিচঙ্ক্রমাং খর্বিকাং খর্ববাসিনীম্।
য উদারা অন্তর্হিতা গন্ধর্বাপ্সরসশ্চ যে ।
সর্পা ইতরজনা রক্ষাংসি ॥১৬॥

9.17

চতুর্দংষ্ট্রাংছ্যাবদতঃ কুম্ভমুষ্কাঁ অসৃঙ্মুখান্।
স্বভ্যসা যে চোদ্ভ্যসাঃ ॥১৭॥

9.18

উদ্ বেপয় ত্বমর্বুদেঽমিত্রাণামমূঃ সিচঃ ।
জয়াংশ্চ জিষ্ণুশ্চামিত্রাং জয়তামিন্দ্রমেদিনৌ ॥১৮॥

9.19

প্রব্লীনো মৃদিতঃ শয়াং হতো৩মিত্রো ন্যর্বুদে ।
অগ্নিজিহ্বা ধূমশিখা জয়ন্তীর্যন্তু সেনয়া ॥১৯॥

9.20

তয়ার্বুদে প্রণুত্তানামিন্দ্রো হন্তু বরংবরম্।
অমিত্রাণাং শচীপতির্মামীষাং মোচি কশ্চন ॥২০॥

9.21

উত্কসন্তু হৃদয়ান্যূর্ধ্বঃ প্রাণ উদীষতু ।
শৌষ্কাস্যমনু বর্ততামমিত্রান্মোত মিত্রিণঃ ॥২১॥

9.22

যে চ ধীরা যে চাধীরাঃ পরাঞ্চো বধিরাশ্চ যে।
তমসা যে চ তূপরা অথো বস্তাভিবাসিনঃ ।
সর্বাংস্তাঁ অর্বুদে ত্বমমিত্রেভ্যো দৃশে কুরূদারাংশ্চ প্রদর্শয় ॥২২॥

9.23

অর্বুদিশ্চ ত্রিষংধিশ্চামিত্রান্ নো বি বিধ্যতাম্।
যথৈষামিন্দ্র বৃত্রহন্ হনাম শচীপতেঽমিত্রাণাং সহস্রশঃ ॥২৩॥

9.24

বনস্পতীন্ বানস্পত্যানোষধীরুত বীরুধঃ ।
গন্ধর্বাপ্সরসঃ সর্পান্ দেবান্ পুণ্যজনান্ পিতৄন্।
সর্বাংস্তাং অর্বুদে ত্বমমিত্রেভ্যো দৃশে কুরূদারাংশ্চ প্র দর্শয় ॥২৪॥

9.25

ঈশাং বো মরুতো দেব আদিত্যো ব্রহ্মণস্পতিঃ ।
ঈশাং ব ইন্দ্রশ্চাগ্নিশ্চ ধাতা মিত্রঃ প্রজাপতিঃ ।
ঈশাং ব ঋষয়শ্চক্রুরমিত্রেষু সমীক্ষয়ন্ রদিতে অর্বুদে তব ॥২৫॥

9.26

তেষাং সর্বেষামীশানা উৎ তিষ্ঠত সং নহ্যধ্বং মিত্রা দেবজনা যূয়ম্।
ইমং সংগ্রামং সংজিত্য যথালোকং বি তিষ্ঠধ্বম্ ॥২৬॥