সূক্ত 10

10.1

শত্রুনাশনম্। ১-২৭ ভৃগ্বঙ্গিরাঃ। ত্রিষন্ধিঃ। অনুষ্টুপ্, ১ বিরাট্ পথ্যাবৃহতী, ২ ত্র্যবসানা ষট্-পদা ত্রিষ্টুব্গর্ভাঽতিজগতী, ৩ বিরাডাস্তারপঙ্ক্তিঃ, ৪ বিরাট্, ৮ বিরাট্ ত্রিষ্টুপ্, ৯ পুরোবিরাট্ পুরস্তাজ্জ্যোতিস্ত্রিষ্টুপ্, ১২ পঞ্চপদা পথ্যাপঙ্ক্তিঃ, ১৩ ষট্-পদা জগতী, ১৬ ত্র্যবসানা ষট্-পদা ককুম্মত্যনুষ্টুপ্ত্রিষ্টুব্গর্ভা শক্বরী, ১৭ পথ্যাপঙ্ক্তিঃ, ২১ ত্রিপদা গায়ত্রী, ২২ বিরাট্ পুরস্তাদ্বৃহতী, ২৫ ককুপ্, ২৬ প্রস্তারপঙ্ক্তিঃ।

উৎ তিষ্ঠত সং নহ্যধ্বমুদারাঃ কেতুভিঃ সহ।
সর্পা ইতরজনা রক্ষাংস্যমিত্রাননু ধাবত ॥১॥

10.2

ঈশাং বো বেদ রাজ্যং ত্রিষংধে অরুণৈঃ কেতুভিঃ সহ।
যে অন্তরিক্ষে যে দিবি পৃথিব্যাং যে চ মানবাঃ।
ত্রিষংধেস্তে চেতসি দুর্ণামান উপাসতাম্ ॥২॥

10.3

অয়োমুখাঃ সূচীমুখা অথো বিকঙ্কতীমুখাঃ ।
ক্রব্যাদো বাতরংহসঃ আ সজন্ত্বমিত্রান্ বজ্রেণ ত্রিষংধিনা ॥৩॥

10.4

অন্তর্ধেহি জাতবেদ আদিত্য কুণপং বহু।
ত্রিষংধেরিয়ং সেনা সুহিতাস্তু মে বশে ॥৪॥

10.5

উৎ তিষ্ঠ ত্বং দেবজনার্বুদে সেনয়া সহ।
অয়ং বলির্ব আহুতস্ত্রিষংধেরাহুতিঃ প্রিয়া ॥৫॥

10.6

শিতিপদী সং দ্যতু শরব্যে৩য়ং চতুষ্পদী ।
কৃত্যেঽমিত্রেভ্যো ভব ত্রিষংধেঃ সহ সেনয়া ॥৬॥

10.7

ধূমাক্ষী সং পততু কৃধুকর্ণী চ ক্রোশতু ।
ত্রিষংধেঃ সেনয়া জিতে অরুণাঃ সন্তু কেতবঃ ॥৭॥

10.8

অবায়ন্তাং পক্ষিণো যে বয়াংস্যন্তরিক্ষে দিবি যে চরন্তি ।
শ্বাপদো মক্ষিকাঃ সং রভন্তামামাদো গৃধ্রাঃ কুণপে রদন্তাম্ ॥৮॥

10.9

যামিন্দ্রেণ সংধাং সমধত্থা ব্রহ্মণা চ বৃহস্পতে ।
তয়াহমিন্দ্রসংধয়া সর্বান্ দেবানিহ হুব ইতো জয়ত মামুতঃ ॥৯॥

10.10

বৃহস্পতিরাঙ্গিরস ঋষয়ো ব্রহ্মসংশিতাঃ ।
অসুরক্ষয়ণং বধং ত্রিষংধিং দিব্যাশ্রয়ন্ ॥১০॥

10.11

যেনাসৌ গুপ্ত আদিত্য উভাবিন্দ্রশ্চ তিষ্ঠতঃ।
ত্রিষংধি দেবা অভজন্তৌজসে চ বলায় চ ॥১১॥

10.12

সর্বাংল্লোকান্ত্সমজয়ন্ দেবা আহুত্যানয়া ।
বৃহস্পতিরাঙ্গিরসো বজ্রং যমসিঞ্চতাসুরক্ষয়ণং বধম্ ॥১২॥

10.13

বৃহস্পতিরাঙ্গিরসো বজ্রং যমসিঞ্চতাসুরক্ষয়ণং বধম্।
তেনাহমমূং সেনাং নি লিম্পামি বৃহস্পতেঽমিত্রান্ হন্ম্যোজসা ॥১৩॥

10.14

সর্বে দেবা অত্যায়ন্তি যে অশ্নন্তি বষট্ কৃতম্ ।
ইমাং জুষধ্বমাহুতিমিতো জয়ত মামুতঃ ॥১৪॥

10.15

সর্বে দেবা অত্যায়ন্তু ত্রিষন্ধেরাহুতিঃ প্রিয়া।
সংধাং মহতীং রক্ষত যয়াগ্রে অসুরা জিতাঃ ॥১৫॥

10.16

বায়ুরমিত্রাণামিষ্বগ্রাণ্যাঞ্চতু ।
ইন্দ্র এষাং বাহূন্ প্রতি ভনক্তু মা শকন্ প্রতিধামিষুম্।
আদিত্য এষামস্ত্রং বি নাশয়তু চন্দ্রমা যুতামগতস্য পন্থাম্ ॥১৬॥

10.17

যদি প্রেয়ুর্দেবপুরা ব্রহ্ম বর্মাণি চক্রিরে।
তনূপানং পরিপাণং কৃণ্বানা যদুপোচিরে সর্বং তদরসং কৃধি ॥১৭॥

10.18

ক্রব্যাদানুবর্তয়ন্মৃত্যুনা চ পুরোহিতম্।
ত্রিষন্ধে প্রেহি সেনয়া জয়ামিত্রান্ প্র পদ্যস্ব ॥১৮॥

10.19

ত্রিষন্ধে তমসা ত্বমমিত্রান্ পরি বারয় ।
পৃষদাজ্যপ্রণুত্তানাং মামীষাং মোচি কশ্চন ॥১৯॥

10.20

শিতিপদী সং পতত্বমিত্রাণামমূঃ সিচঃ ।
মুহ্যন্ত্বদ্যামূঃ সেনাঃ অমিত্রানাং ন্যর্বুদে ॥২০॥

10.21

মূঢা অমিত্রা ন্যর্বুদে জহ্যেঽষাং বরংবরম্।
অনয়া জহি সেনয়া ॥২১॥

10.22

যশ্চ কবচী যশ্চাকবচো৩মিত্রো যশ্চাজ্মনি ।
জ্যাপাশৈঃ কবচপাশৈরজ্মনাভিহতঃ শয়াম্ ॥২২॥

10.23

যে বর্মিণো যেঽবর্মাণো অমিত্রা যে চ বর্মিণঃ ।
সর্বাংস্তাং অর্বুদে হতাংছ্বানোঽদন্তু ভূম্যাম্ ॥২৩॥

10.24

যে রথিনো যে অরথা অসাদা যে চ সাদিনঃ ।
সর্বানদন্তু তান্ হতান্ গৃধ্রাঃ শ্যেনাঃ পতত্রিণঃ ॥২৪॥

10.25

সহস্রকুণপা শেতামামিত্রী সেনা সমরে বধানাম্।
বিবিদ্ধা ককজাকৃতা ॥২৫॥

10.26

মর্মাবিধং রোরুবতং সুপর্ণৈরদন্তু দুশ্চিতং মৃদিতং শয়ানম্।
য ইমাং প্রতীচীমাহুতিমমিত্রো নো যুয়ুত্সতি ॥২৬॥

10.27

যাং দেবা অনুতিস্ঠন্তি যস্যা নাস্তি বিরাধনম্।
তয়েন্দ্রো হন্তু বৃত্রহা বজ্রেণ ত্রিষংধিনা ॥২৭॥