সূক্ত 3

3.1

ওদনঃ। (১) ১-৩১ অথর্বা। ওদনঃ (বার্হস্পত্যৌদনঃ।) ( ত্রয়ঃ পর্যায়া)। ১, ১৪ আসুরী গায়ত্রী, ২ ত্রিপদা সমবিষমা গায়ত্রী, ৩, ৬, ১০ আসুরী পঙ্ক্তিঃ, ৪, ৮ সাম্ন্যনুষ্টুপ্, ৫, ১৩, ১৫, ২৫ সাম্ন্যুষ্ণিক্, ৭, ১৯-২২ প্রাজাপত্যাঽনুষ্টুপ্, ৯, ১৭-১৮ আসুর্যনুষ্টুপ্, ১১ ভুরিগার্চ্নুষ্টুপ্, ১২ যাজুষী জগতী, ১৬ ২৩ আসুরী বৃহতী, ২৪ ত্রিপদা প্রাজাপত্যা বৃহতী, ২৬ আর্চ্যুষ্ণিক্, ২৭-২৯ সাম্নী বৃহতী, (২৮-২৯ ভুরিক্), ৩০ যাজুষী ত্রিষ্টুপ্, ৩১ অল্পশঃ পঙ্ক্তিরুত যাজুষী।

তস্যৌদনস্য বৃহস্পতিঃ শিরো ব্রহ্ম মুখম্ ॥১॥

3.2

দ্যাবাপৃথিবী শ্রোত্রে সূর্যাচন্দ্রমসাবক্ষিণী সপ্তঋষয়ঃ প্রাণাপানাঃ ॥২॥

3.3

চক্ষুর্মুসলং কাম উলূখলম্ ॥৩॥

3.4

দিতিঃ শূর্পমদিতিঃ শূর্পগ্রাহী বাতোঽপাবিনক্ ॥৪॥

3.5

অশ্বাঃ কণা গাবস্তণ্ডুলা মশকাস্তুষাঃ ॥৫॥

3.6

কব্রু ফলীকরণাঃ শরোঽভ্রম্ ॥৬॥

3.7

শ্যামময়োঽস্য মাংসানি লোহিতমস্য লোহিতম্ ॥৭॥

3.8

ত্রপু ভস্ম হরিতং বর্ণঃ পুষ্করমস্য গন্ধঃ ॥৮॥

3.9

খলঃ পাত্রং স্ফ্যাবংসাবীষে অনূক্যেঽ ॥৯॥

3.10

আন্ত্রাণি জত্রবো গুদা বরত্রাঃ ॥১০॥

3.11

ইয়মেব পৃথিবী কুম্ভী ভবতি রাধ্যমানস্যৌদনস্য দ্যৌরপিধানম্ ॥১১॥

3.12

সীতাঃ পর্শবঃ সিকতা ঊবধ্যম্ ॥১২॥

3.13

ঋতং হস্তাবনেজনং কুল্যোঽপসেচনম্ ॥১৩॥

3.14

ঋচা কুম্ভ্যধিহিতার্ত্বিজ্যেন প্রেষিতা ॥১৪॥

3.15

ব্রহ্মণা পরিগৃহীতা সাম্না পর্যূঢা ॥১৫॥

3.16

বৃহদায়বনং রথন্তরং দর্বিঃ ॥১৬॥

3.17

ঋতবঃ পক্তার আর্তবাঃ সমিন্ধতে ॥১৭॥

3.18

চরুং পঞ্চবিলমুখং ঘর্মো৩ভীন্ধে ॥১৮॥

3.19

ওদনেন যজ্ঞবচঃ সর্বে লোকাঃ সমাপ্যাঃ ॥১৯॥

3.20

যস্মিন্ত্সমুদ্রো দ্যৌর্ভূমিস্ত্রয়োঽবরপরং শ্রিতাঃ ॥২০॥

3.21

যস্য দেবা অকল্পন্তোচ্ছিষ্টে ষডশীতয়ঃ ॥২১॥

3.22

তং ত্বৌদনস্য পৃচ্ছামি যো অস্য মহিমা মহান্ ॥২২॥

3.23

স য ওদনস্য মহিমানং বিদ্যাৎ ॥২৩॥

3.24

নাল্প ইতি ব্রূয়ান্নানুপসেচন ইতি নেদং চ কিং চেতি ॥২৪॥

3.25

যাবদ্ দাতাভিমনস্যেত তন্নাতি বদেৎ ॥২৫॥

3.26

ব্রহ্মবাদিনো বদন্তি পরাঞ্চমোদনং প্রাশীঃ৩ প্রত্যঞ্চা৩মিতি ॥২৬॥

3.27

ত্বমোদনং প্রাশী৩স্ত্বামোদনা৩ ইতি ॥২৭॥

3.28

পরাঞ্চং চৈনং প্রাশীঃ প্রাণাস্ত্বা হাস্যন্তীত্যেনমাহ ॥২৮॥

3.29

প্রত্যঞ্চং চৈনং প্রাশীরপানাস্ত্বা হাস্যন্তীত্যেনমাহ ॥২৯॥

3.30

নৈবাহমোদনং ন মামোদনঃ ॥৩০॥

3.31

ওদন এবৌদনং প্রাশীৎ ॥৩১॥

3.32

(২)
৩২-৪৯ মন্ত্রোক্তাঃ। ৩২, ৩৮, ৪১ (প্রথমা), ৩২-৪৯ (সপ্তমী) সাম্নী ত্রিষ্টুপ্, ৩২, ৩৫,৪২ (দ্বিতীয়া), ৩২-৪৯ (তৃতীয়া) ৩৩-৩৪, ৪৪-৪৮ (পঞ্চমী) একপদাঽঽসুরী গায়ত্রী, ৩২, ৪১, ৪৩, ৪৭ দৈবী জগতী, ৩৮, ৪৪, ৪৬ (দ্বিo), ৩২, ৩৫-৪৩, ৪৯ (পঞ্চo) একপদাঽঽসুর্যনুষ্টুপ্, ৩২-৪৯ (ষষ্ঠী) সাম্ন্যনুষ্টুপ্, ৩২-৪৯ (প্রo) আর্চ্যনুষ্টুপ্, ৩৭ (প্রo) সাম্নী পঙ্ক্তিঃ, ৩৩, ৩৬, ৪০, ৪৭-৪৮ (দ্বিo) আসুরী জগতী, ৩৪, ৩৭, ৪১, ৪৩, ৪৫ (দ্বিo) আসুরী পঙ্ক্তিঃ, ৩৪ (চo) আসুরী ত্রিষ্টুপ্, ৩৫, ৪৬, ৪৮ (চo) যাজুষী গায়ত্রী, ৩৬-৩৭, ৪০ (চo) দৈবী পঙ্ক্তিঃ ৩৮-৩৯ (চo) প্রাজাপত্যা গায়ত্রী, ৩৯ (দ্বিo) আসুর্যুষ্ণিক্, ৪২, ৪৫, ৪৯ (চo) দৈবী ত্রিষ্টুপ্, ৪৯ (দ্বিo) একপদা ভুরিক্সাম্নী বৃহতী।
ততশ্চৈনমন্যেন শীর্ষ্ণা প্রাশীর্যেন চৈতং পূর্ব ঋষয়ঃ প্রাশ্নন্ ॥১॥

3.33

জ্যেষ্ঠতস্তে প্রজা মরিষ্যতীত্যেনমাহ ॥২॥

3.34

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.35

বৃহস্পতিনা শীর্ষ্ণা ॥৪॥

3.36

তেনৈনং প্রাশিষং তেনৈনমজীগমম্ ॥৫॥

3.37

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.38

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.39

৩২॥
ততশ্চৈনমন্যাভ্যাং শ্রোত্রাভ্যাং প্রাশীর্যাভ্যাং চৈতং পূর্ব ঋষয়ঃ প্রাশ্নন্ ॥১॥

3.40

বধিরো ভবিষ্যসীত্যেনমাহ ॥২॥

3.41

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.42

দ্যাবাপৃথিবীভ্যাং শ্রোত্রাভ্যাম্ ॥৪॥

3.43

তাভ্যামেনং প্রাশিষং তাভ্যামেনমজীগমম্ ॥৫॥

3.44

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.45

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.46

৩৩॥
ততশ্চৈনমন্যাভ্যামক্ষীভ্যাং প্রাশীর্যাভ্যাং চৈতং পূর্ব ঋষয়ঃ প্রাশ্নন্ ॥১॥

3.47

অন্ধো ভবিষ্যসীত্যেনমাহ ॥২॥

3.48

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.49

সূর্যাচন্দ্রমসাভ্যামক্ষীভ্যাম্ ॥৪॥

3.50

তাভ্যামেনং প্রাশিষং তাভ্যামেনমজীগমম্ ॥৫॥

3.51

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.52

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.53

৩৪॥
ততশ্চৈনমন্যেন মুখেন প্রাশীর্যেন চৈতং পূর্ব ঋষয়ঃ প্রাশ্নন্ ॥১॥

3.54

মুখতস্তে প্রজা মরিষ্যতীত্যেনমাহ ॥২॥

3.55

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.56

ব্রহ্মণা মুখেন ॥৪॥

3.57

তেনৈনং প্রাশিষং তেনৈনমজীগমম্ ॥৫॥

3.58

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.59

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.60

৩৫॥
ততশ্চৈনমন্যয়া জিহ্বয়া প্রাশীর্যয়া চৈতং পূর্ব ঋষয়ঃ প্রাশ্নন্ ॥১॥

3.61

জিহ্বা তে মরিষ্যতীত্যেনমাহ ॥২॥

3.62

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.63

অগ্নের্জিহ্বয়া ॥৪॥

3.64

তয়ৈনং প্রাশিষং তয়ৈনমজীগমম্ ॥৫॥

3.65

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.66

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.67

৩৬॥
ততশ্চৈনমন্যৈর্দন্তৈঃ প্রাশীর্যৈশ্চৈতং পূর্ব ঋষয়ঃ প্রাশ্নন্ ॥১॥

3.68

দন্তাস্তে শত্স্যন্তীত্যেনমাহ ॥২॥

3.69

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.70

ঋতুভির্দন্তৈঃ ॥৪॥

3.71

তৈরেনং প্রাশিষং তৈরেনমজীগমম্ ॥৫॥

3.72

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.73

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.74

৩৭॥
ততশ্চৈনমন্যৈঃ প্রাণাপানৈঃ প্রাশীর্যৈশ্চৈতং পূর্ব ঋষয়ঃ প্রাশ্নন্ ॥১॥

3.75

প্রাণাপানাস্ত্বা হাস্যন্তীত্যেনমাহ ॥২॥

3.76

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.77

সপ্তঋষিভিঃ প্রাণাপানৈঃ ॥৪॥

3.78

তৈরেনং প্রাশিষং তৈরেনমজীগমম্ ॥৫॥

3.79

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.80

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.81

৩৮॥
ততশ্চৈনমন্যেন ব্যচসা প্রাশীর্যেন চৈতং পূর্ব ঋষয়ঃ প্রাশ্নন্ ॥১॥

3.82

রাজয়ক্ষ্মস্ত্বা হনিষ্যতীত্যেনমাহ ॥২॥

3.83

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.84

অন্তরিক্ষেণ ব্যচসা ॥৪॥

3.85

তেনৈনং প্রাশিষং তেনৈনমজীগমম্ ॥৫॥

3.86

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.87

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.88

৩৯॥
ততশ্চৈনমন্যেন পৃষ্ঠেন প্রাশীর্যেন চৈতং পূর্ব ঋষয়ঃ প্রাশ্নন্ ॥১॥

3.89

বিদ্যুৎ ত্বা হনিষ্যতীত্যেনমাহ ॥২॥

3.90

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.91

দিবা পৃষ্ঠেন ॥৪॥

3.92

তেনৈনং প্রাশিষং তেনৈনমজীগমম্ ॥৫॥

3.93

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.94

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.95

৪০॥
ততশ্চৈনমন্যেনোরসা প্রাশীর্যেন চৈতং পূর্ব ঋষয়ঃ প্রাশ্নন্ ॥১॥

3.96

কৃষ্যা ন রাত্স্যসীত্যেনমাহ ॥২॥

3.97

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.98

পৃথিব্যোরসা ॥৪॥

3.99

তেনৈনং প্রাশিষং তেনৈনমজীগমম্ ॥৫॥

3.100

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.101

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.102

৪১॥
ততশ্চৈনমন্যেনোদরেণ প্রাশীর্যেন চৈতং পূর্ব ঋষয়ঃ প্রাশ্নন্ ॥১॥

3.103

উদরদারস্ত্বা হনিষ্যতীত্যেনমাহ ॥২॥

3.104

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.105

সত্যেনোদরেণ ॥৪॥

3.106

তেনৈনং প্রাশিষং তেনৈনমজীগমম্ ॥৫॥

3.107

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.108

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.109

৪২॥
ততশ্চৈনমন্যেন বস্তিনা প্রাশীর্যেন চৈতং পূর্ব ঋষয়ঃ প্রাশ্নন্ ॥১॥

3.110

অপ্সু মরিষ্যসীত্যেনমাহ ॥২॥

3.111

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.112

সমুদ্রেণ বস্তিনা ॥৪॥

3.113

তেনৈনং প্রাশিষং তেনৈনমজীগমম্ ॥৫॥

3.114

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.115

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.116

৪৩॥
ততশ্চৈনমন্যাভ্যামূরুভ্যাং প্রাশীর্যাভ্যাং চৈতং পূর্ব ঋষয়ঃ প্রাশ্নন্ ॥১॥

3.117

ঊরূ তে মরিষ্যত ইত্যেনমাহ ॥২॥

3.118

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.119

মিত্রাবরুণয়োরূরুভ্যাম্ ॥৪॥

3.120

তাভ্যামেনং প্রাশিষং তাভ্যামেনমজীগমম্ ॥৫॥

3.121

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.122

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.123

৪৪॥
ততশ্চৈনমন্যাভ্যামষ্ঠীবদ্ভ্যাং প্রাশীর্যাভ্যাং চৈতং পূর্ব ঋষয়ঃ প্রাশ্নন্ ॥১॥

3.124

স্রামো ভবিষ্যসীত্যেনমাহ ॥২॥

3.125

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.126

ত্বষ্টুরষ্ঠীবদ্ভ্যাম্ ॥৪॥

3.127

তাভ্যামেনং প্রাশিষং তাভ্যামেনমজীগমম্ ॥৫॥

3.128

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.129

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.130

৪৫॥
ততশ্চৈনমন্যাভ্যাং পাদাভ্যাং প্রাশীর্যাভ্যাং চৈতং পূর্ব ঋষয়ঃ প্রাশ্নন্ ॥১॥

3.131

বহুচারী ভবিষ্যসীত্যেনমাহ ॥২॥

3.132

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.133

অশ্বিনোঃ পাদাভ্যাম্ ॥৪॥

3.134

তাভ্যামেনং প্রাশিষং তাভ্যামেনমজীগমম্ ॥৫॥

3.135

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.136

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.137

৪৬॥
ততশ্চৈনমন্যাভ্যাং প্রপদাভ্যাং প্রাশীর্যাভ্যাং চৈতং পূর্ব ঋষয়ঃ প্রাশ্নন্ ॥১॥

3.138

সর্পস্ত্বা হনিষ্যতীত্যেনমাহ ॥২॥

3.139

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.140

সবিতুঃ প্রপদাভ্যাম্ ॥৪॥

3.141

তাভ্যামেনং প্রাশিষং তাভ্যামেনমজীগমম্ ॥৫॥

3.142

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.143

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.144

৪৭॥
ততশ্চৈনমন্যাভ্যাং হস্তাভ্যাং প্রাশীর্যাভ্যাং চৈতং পূর্ব ঋষয়ঃ প্রাশ্নন্ ॥১॥

3.145

ব্রাহ্মণং হনিষ্যসীত্যেনমাহ ॥২॥

3.146

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.147

ঋতস্য হস্তাভ্যাম্ ॥৪॥

3.148

তাভ্যামেনং প্রাশিষং তাভ্যামেনমজীগমম্ ॥৫॥

3.149

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.150

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.151

৪৮॥
ততশ্চৈনমন্যয়া প্রতিষ্ঠয়া প্রাশীর্যয়া চৈতং পূর্ব ঋষয়ঃ প্রাশ্নন্ ॥১॥

3.152

অপ্রতিষ্ঠানোঽনায়তনো মরিষ্যসীত্যেনমাহ ॥২॥

3.153

তং বা অহং নার্বাঞ্চং ন পরাঞ্চং ন প্রত্যঞ্চম্ ॥৩॥

3.154

সত্যে প্রতিষ্ঠায় ॥৪॥

3.155

তয়ৈনং প্রাশিষং তয়ৈনমজীগমম্ ॥৫॥

3.156

এষ বা ওদনঃ সর্বাঙ্গঃ সর্বপরুঃ সর্বতনূঃ ॥৬॥

3.157

সর্বাঙ্গ এব সর্বপরুঃ সর্বতনূঃ সং ভবতি য এবং বেদ ॥৭॥

3.158

৪৯॥
(৩)
৫০-৫৬ মন্ত্রোক্তাঃ। ৫০ আসুর্যনুষ্টুপ্, ৫১ আর্চ্যুষ্ণিক্, ৫২ ত্রিপদা ভুরিক্সাম্নী ত্রিষ্টুপ্, ৫৩ আসুরী বৃহতী, ৫৪ দ্বিপদা ভুরিক্সাম্নী বৃহতী, ৫৫ সাম্ন্যুষ্ণিক্, ৫৬ প্রাজাপত্যা বৃহতী।
এতদ্ বৈ ব্রধ্নস্য বিষ্টপং যদোদনঃ ॥৫০॥

3.159

ব্রধ্নলোকো ভবতি ব্রধ্নস্য বিষ্টপি শ্রয়তে য এবং বেদ ॥৫১॥

3.160

এতস্মাদ্ বা ওদনাৎ ত্রয়স্ত্রিংশতং লোকান্ নিরমিমীত প্রজাপতিঃ ॥৫২॥

3.161

তেষাং প্রজ্ঞানায় যজ্ঞমসৃজত ॥৫৩॥

3.162

স য এবং বিদুষ উপদ্রষ্টা ভবতি প্রাণং রুণদ্ধি ॥৫৪॥

3.163

ন চ প্রাণং রুণদ্ধি সর্বজ্যানিং জীয়তে ॥৫৫॥

3.164

ন চ সর্বজ্যানিং জীয়তে পুরৈনং জরসঃ প্রাণো জহাতি ॥৫৬॥