সূক্ত 2

2.1

রুদ্রঃ। ১-৩১ অথর্বা। ভব-শর্ব রুদ্রাঃ। ত্রিষ্টুপ্, ১ পরাতিজাগতা বিরাড্জগতী, ২ অনুষ্টুব্গর্ভা পঞ্চপদা পথ্যাজগতী, ৩ চতুষ্পদা স্বরাডুষ্ণিক্, ৪-৫, ৭, ১৩, ১৫-১৬, ২১ অনুষ্টুপ্, ৬ আর্ষী গায়ত্রী, ৮ মহাবৃহতী, ৯ আর্ষী, ১০ পুরোকৃতী ত্রিপদা বিরাট্, ১১ পঞ্পদা বিরাড্ জগতীগর্ভা শক্বরী, ১২ ভুরিক্, ১৪, ১৭-১৯, ২৩, ২৬-২৭ বিরাড্গায়ত্রী, ২০ ভুরিগ্গায়ত্রী, ২২ বিষমপাদলক্ষ্মা ত্রিপদা মহাবৃহতী, ২৪, ২৯ জগতী, ২৫ পঞ্পদাতিশক্বরী, ৩০ চতুষ্পদা উষ্ণিক্,৩১ ত্র্যবসানা বিপরীতপাদ লক্ষ্মা ষট্ পদা (জগতী)।

ভবাশর্বৌ মৃডতং মাভি যাতং ভূতপতী পশুপতী নমো বাম্।
প্রতিহিতামায়তাং মা বি স্রাষ্টং মা নো হিংসিষ্টং দ্বিপদো মা চতুষ্পদঃ ॥১॥

2.2

শুনে ক্রোষ্ট্রে মা শরীরাণি কর্তমলিক্লবেভ্যো গৃধ্রেভ্যো যে চ কৃষ্ণা অবিষ্যবঃ ।
মক্ষিকাস্তে পশুপতে বয়াংসি তে বিঘসে মা বিদন্ত ॥২॥

2.3

ক্রন্দায় তে প্রাণায় যাশ্চ তে ভব রোপয়ঃ ।
নমস্তে রুদ্র কৃণ্মঃ সহস্রাক্ষায়ামর্ত্য ॥৩॥

2.4

পুরস্তাৎ তে নমঃ কৃণ্ম উত্তরাদধরাদুত।
অভীবর্গাদ্ দিবস্পর্যন্তরিক্ষায় তে নমঃ ॥৪॥

2.5

মুখায় তে পশুপতে যানি চক্ষূংষি তে ভব ।
ত্বচে রূপায় সংদৃশে প্রতীচীনায় তে নমঃ ॥৫॥

2.6

অঙ্গেভ্যস্ত উদরায় জিহ্বায়া আস্যাঽয় তে ।
দদ্ভ্যো গন্ধায় তে নমঃ ॥৬॥

2.7

অস্ত্রা নীলশিখণ্ডেন সহস্রাক্ষেণ বাজিনা ।
রুদ্রেণার্ধকঘাতিনা তেন মা সমরামহি ॥৭॥

2.8

স নো ভবঃ পরি বৃণক্তু বিশ্বত আপ ইবাগ্নিঃ পরি বৃণক্তু নো ভবঃ ।
মা নোঽভি মাংস্ত নমো অস্ত্বস্মৈ ॥৮॥

2.9

চতুর্নমো অষ্টকৃত্বো ভবায় দশ কৃত্বঃ পশুপতে নমস্তে ।
তবেমে পঞ্চ পশবো বিভক্তা গাবো অশ্বাঃ পুরুষা অজাবয়ঃ ॥৯॥

2.10

তব চতস্রঃ প্রদিশস্তব দ্যৌস্তব পৃথিবী তবেদমুগ্রোর্ব১ন্তরিক্ষম্।
তবেদং সর্বমাত্মন্বদ্ যৎ প্রাণৎ পৃথিবীমনু ॥১০॥

2.11

উরুঃ কোশো বসুধানস্তবায়ং যস্মিন্নিমা বিশ্বা ভুবনান্যন্তঃ ।
স নো মৃড পশুপতে নমস্তে পরঃ ক্রোষ্টারো অভিভাঃ শ্বানঃ পরো যন্ত্বঘরুদো বিকেশ্যঃঽ ॥১১॥

2.12

ধনুর্বিভর্ষি হরিতং হিরণ্যয়ং সহস্রঘ্নি শতবধং শিখণ্ডিনম্।
রুদ্রস্যেষুশ্চরতি দেবহেতিস্তস্যৈ নমো যতমস্যাং দিশী৩তঃ ॥১২॥

2.13

যো৩ভিয়াতো নিলয়তে ত্বাং রুদ্র নিচিকীর্ষতি ।
পশ্চাদনুপ্রয়ুঙ্ক্ষে তং বিদ্ধস্য পদনীরিব ॥১৩॥

2.14

ভবারুদ্রৌ সয়ুজা সংবিদানাবুভাবুগ্রৌ চরতো বীর্যাঽয় ।
তভ্যাং নমো যতমস্যাং দিশী৩তঃ ॥১৪॥

2.15

নমস্তে ঽস্ত্বায়তে নমো অস্তু পরায়তে।
নমস্তে রুদ্র তিষ্ঠত আসীনায়োত তে নমঃ ॥১৫॥

2.16

নমঃ সায়ং নমঃ প্রাতর্নমো রাত্র্যা নমো দিবা ।
ভবায় চ শর্বায় চোভাভ্যামকরং নমঃ ॥১৬॥

2.17

সহস্রাক্ষমতিপশ্যং পুরস্তাদ্ রুদ্রমস্যন্তং বহুধা বিপশ্চিতম্।
মোপারাম জিহ্বয়েয়মানম্ ॥১৭॥

2.18

শ্যাবাশ্বং কৃষ্ণমসিতং মৃণন্তং ভীমং রথং কেশিনঃ পাদয়ন্তম্।
পূর্বে প্রতীমো নমো অস্ত্বস্মৈ ॥১৮॥

2.19

মা নোঽভি স্রা মত্যং দেবহেতিং মা নঃ ক্রুধঃ পশুপতে নমস্তে ।
অন্যত্রাস্মদ্ দিব্যাং শাখাং বি ধূনু ॥১৯॥

2.20

মা নো হিংসীরধি নো ব্রূহি পরি ণো বৃঙ্গ্ধি মা ক্রুধঃ ।
মা ত্বয়া সমরামহি ॥২০॥

2.21

মা নো গোষু পুরুষেষু মা গৃধো নো অজাবিষু ।
অন্যত্রোগ্র বি বর্তয় পিয়ারূণাং প্রজাং জহি ॥২১॥

2.22

যস্য তক্মা কাসিকা হেতিরেকমশ্বস্যেব বৃষণঃ ক্রন্দ এতি ।
অভিপূর্বং নির্ণয়তে নমো অস্ত্বস্মৈ ॥২২॥

2.23

যো৩ন্তরিক্ষে তিষ্ঠতি বিষ্টভিতোঽয়জ্বনঃ প্রমৃণন্ দেবপীয়ূন্।
তস্মৈ নমো দশভিঃ শক্বরীভিঃ ॥২৩॥

2.24

তুভ্যমারণ্যাঃ পশবো মৃগা বনে হিতা হংসাঃ সুপর্ণাঃ শকুনা বয়াংসি ।
তব যক্ষং পশুপতে অপ্স্ব১ন্তস্তুভ্যং ক্ষরন্তি দিব্যা আপো বৃধে ॥২৪॥

2.25

শিশুমারা অজগরাঃ পুরীকয়া জষা মত্স্যা রজসা যেভ্যো অস্যসি ।
ন তে দূরং ন পরিষ্ঠাস্তি তে ভব সদ্যঃ সর্বান্ পরি
পশ্যসি ভূমিং পূর্বস্মাদ্ধংস্যুত্তরস্মিন্সমুদ্রে ॥২৫॥

2.26

মা নো রুদ্র তক্মনা মা বিষেণ মা নঃ সং স্রা দিব্যেনাগ্নিনা ।
অন্যত্রাস্মদ্ বিদ্যুতং পাতয়ৈতাম্ ॥২৬॥

2.27

ভবো দিবো ভব ঈশে পৃথিব্যা ভব আ পপ্র উর্বন্তরিক্ষম্।
তস্মৈ নমো যতমস্যাং দিশী৩তঃ ॥২৭॥

2.28

ভব রাজন্ যজমানায় মৃড পশূনাং হি পশুপতির্বভূথ ।
যঃ শ্রদ্দধাতি সন্তি দেবা ইতি চতুষ্পদে দ্বিপদেঽস্য মৃড ॥২৮॥

2.29

মা নো মহান্তমুত মা নো অর্ভকং মা নো বহন্তমুত মা নো বক্ষ্যতঃ ।
মা নো হিংসীঃ পিতরং মাতরং চ স্বাং তন্বংঽ রুদ্র মা রীরিষো নঃ ॥২৯॥

2.30

রুদ্রস্যৈলবকারেভ্যোঽসংসূক্তগিলেভ্যঃ ।
ইদং মহাস্যেভ্যঃ শ্বভ্যো অকরং নমঃ ॥৩০॥

2.31

নমস্তে ঘোষিণীভ্যো নমস্তে কেশিনীভ্যঃ ।
নমো নমস্কৃতাভ্যো নমঃ সংভুঞ্জতীভ্যঃ ।
নমস্তে দেব সেনাভ্যঃ স্বস্তি নো অভয়ং চ নঃ ॥৩১॥