সূক্ত 1

1.1

ব্রহ্মৌদনম্। ১-৩৭ ব্রহ্ম। ওদনঃ। ত্রিষ্টুপ্, ১ অনুষ্টুব্গর্ভা, ভুরিক্পঙ্ক্তিঃ, ২ বৃহতীগর্ভা বিরাট্, ৩ চতুষ্পদা শাক্বরগর্ভা জগতী, ৪, ১৫-১৬ ভুরিক্, ৫ বৃহতীগর্ভা বিরাট্, ৬ উষ্ণিক্, ৮ বিরাড্ গায়ত্রী, ৯ শাক্বরাতিজাগতগর্ভা জগতী, ১০ বিরাট্ পুরোতিজগতী বিরাড্ জগতী, ১১ জগতী, ১৭, ২১, ২৪-২৬, ২৯ (ভুরিক্), ৩৭ বিরাড্ জগতী, ১৮ অতিজাগতগর্ভা পরাতিজাগতা বিরাডতিজগতী, ২০ অতিজাগতগর্ভা পরা শাক্বরা চতুষ্পদা ভুরিগ্জগতী, ২৭ অতিজাগতগর্ভা জগতী, ৩১ ভুরিক্, ৩৫ চতুষ্পদা ককুম্মত্যুষ্ণিক্, ৩৬ পুরোবিরাড্ (ব্যাঘ্রাদিষ্ববগন্তব্যা)।

অগ্নে জায়স্বাদিতির্নাথিতেয়ং ব্রহ্মৌদনং পচতি পুত্রকামা ।
সপ্তঋষয়ো ভূতকৃতস্তে ত্বা মন্থন্তু প্রজয়া সহেহ ॥১॥

1.2

কৃণুত ধূমং বৃষণঃ সখায়োঽদ্রোঘাবিতা বাচমচ্ছ ।
অয়মগ্নিঃ পৃতনাষাট্ সুবীরো যেন দেবা অসহন্ত দস্যূন্ ॥২॥

1.3

অগ্নেঽজনিষ্ঠা মহতে বীর্যাঽয় ব্রহ্মৌদনায় পক্তবে জাতবেদঃ ।
সপ্তঋষয়ো ভূতকৃতস্তে ত্বাজীজনন্নস্যৈ রয়িং সর্ববীরং নি যচ্ছ ॥৩॥

1.4

সমিদ্ধো অগ্নে সমিধা সমিধ্যস্ব বিদ্বান্ দেবান্ যজ্ঞিয়াঁ এহ বক্ষঃ ।
তেভ্যো হবিঃ শ্রপয়ং জাতবেদ উত্তমং নাকমধি রোহয়েমম্ ॥৪॥

1.5

ত্রেধা ভাগো নিহিতো যঃ পুরা বো দেবানাং পিতৄণাং মর্ত্যানাম্।
অংশান্ জানীধ্বং বি ভজামি তান্ বো যো দেবানাং স ইমাং পারয়াতি ॥৫॥

1.6

অগ্নে সহস্বানভিভূরভীদসি নীচো ন্যুঽব্জ দ্বিষতঃ সপত্নান্।
ইয়ং মাত্রা মীয়মানা মিতা চ সজাতাংস্তে বলিহৃতঃ কৃণোতু ॥৬॥

1.7

সাকং সজাতৈঃ পয়সা সহৈধ্যুদুব্জৈনাং মহতে বীর্যাঽয় ।
ঊর্ধ্বো নাকস্যাধি রোহ বিষ্টপং স্বর্গো লোক ইতি যং বদন্তি ॥৭॥

1.8

ইয়ং মহী প্রতি গৃহ্ণাতু চর্ম পৃথিবী দেবী সুমনস্যমানা ।
অথ গচ্ছেম সুকৃতস্য লোকম্ ॥৮॥

1.9

এতৌ গ্রাবাণৌ সয়ুজা যুঙ্গ্ধি চর্মণি নির্ভিন্ধ্যংশূন্ যজমানায় সাধু।
অবঘ্নতী নি জহি য ইমাং পৃতন্যব ঊর্ধ্বং প্রজামুদ্ভরন্ত্যুদূহ ॥৯॥

1.10

গৃহাণ গ্রাবাণৌ সকৃতৌ বীর হস্ত আ তে দেবা যজ্ঞিয়া যজ্ঞমগুঃ ।
ত্রয়ো বরা যতমাংস্ত্বং বৃণীষে তাস্তে সমৃদ্ধীরিহ রাধয়ামি ॥১০॥

1.11

ইয়ং তে ধীতিরিদমু তে জনিত্রং গৃহ্ণাতু ত্বামদিতিঃ শূরপুত্রা ।
পরা পুনীহি য ইমাং পৃতন্যবোঽস্যৈ রয়িং সর্ববীরং নি যচ্ছ ॥১১॥

1.12

উপশ্বসে দ্রুবয়ে সীদতা যূয়ং বি বিচ্যধ্বং যজ্ঞিয়াসস্তুষৈঃ ।
শ্রিয়া সমানানতি সর্বান্ত্স্যামাধস্পদং দ্বিষতস্পাদয়ামি ॥১২॥

1.13

পরেহি নারি পুনরেহি ক্ষিপ্রমপাং ত্বা গোষ্ঠোঽধ্যরুক্ষদ্ ভরায় ।
তাসাং গৃহ্ণীতাদ্ যতমা যজ্ঞিয়া অসন্ বিভাজ্য ধীরীতরা জহীতাৎ ॥১৩॥

1.14

এমা অগুর্যোষিতঃ শুম্ভমানা উত্তিষ্ঠ নারি তবসং রভস্ব ।
সুপত্নী পত্যা প্রজয়া প্রজাবত্যা ত্বাগন্ যজ্ঞঃ প্রতি কুম্ভং গৃভায় ॥১৪॥

1.15

ঊর্জো ভাগো নিহিতো যঃ পুরা ব ঋষিপ্রশিষ্টাপ আ ভরৈতাঃ ।
অয়ং যজো গাতুবিন্নাথবিৎ প্রজাবিদুগ্রঃ পশুবিদ্ বীরবিদ্ বো অস্তু ॥১৫॥

1.16

অগ্নে চরুর্যজ্ঞিয়স্ত্বাধ্যরুক্ষচ্ছুচিস্তপিষ্ঠস্তপসা তপৈনম্।
আর্ষেয়া দৈবা অভিসংগত্য ভাগমিমং তপিষ্ঠা ঋতুভিস্তপন্তু ॥১৬॥

1.17

শুদ্ধাঃ পূতা যোষিতো যজ্ঞিয়া ইমা আপশ্চরুমব সর্পন্তু শুভ্রাঃ ।
অদুঃ প্রজাং বহুলান্ পশূন্ নঃ পক্তৌদনস্য সুকৃতামেতু লোকম্ ॥১৭॥

1.18

ব্রহ্মণা শুদ্ধা উত পূতা ঘৃতেন সোমস্যাংশবস্তণ্ডুলা যজ্ঞিয়া ইমে।
অপঃ প্র বিশত প্রতি গৃহ্ণাতু বশ্চরুরিমং পক্ত্বা সুকৃতামেত লোকম্ ॥১৮॥

1.19

উরুঃ প্রথস্ব মহতা মহিম্না সহস্রপৃষ্ঠঃ সুকৃতস্য লোকে।
পিতামহাঃ পিতরঃ প্রজোপজাহং পক্তা পঞ্চদশস্তে অস্মি ॥১৯॥

1.20

সহস্রপৃষ্ঠঃ শতধারো অক্ষিতো ব্রহ্মৌদনো দেবয়ানঃ স্বর্গঃ ।
অমূংস্ত আ দধামি প্রজয়া রেষয়ৈনান্ বলিহারায় মৃডতান্মহ্যমেব ॥২০॥

1.21

উদেহি বেদিং প্রজয়া বর্ধয়ৈনাং নুদস্ব রক্ষঃ প্রতরং ধেহ্যেনাম্।
শ্রিয়া সমানানতি সর্বান্ত্স্যামাধস্পদং দ্বিষতস্পাদয়ামি ॥২১॥

1.22

অভ্যাবর্তস্ব পশুভিঃ সহৈনাং প্রত্যঙেনাং দেবতাভিঃ সহৈধি ।
মা ত্বা প্রাপচ্ছপথো মাভিচারঃ স্বে ক্ষেত্রে অনমীবা বি রাজ ॥২২॥

1.23

ঋতেন তষ্টা মনসা হিতৈষা ব্রহ্মৌদনস্য বিহিতা বেদিরগ্রে ।
অংসদ্রীং শুদ্ধামুপ ধেহি নারি তত্রৌদনং সাদয় দৈবানাম্ ॥২৩॥

1.24

অদিতের্হস্তাং স্রুচমেতাং দ্বিতীয়াং সপ্তঋষয়ো ভূতকৃতো যামকৃণ্বন্।
সা গাত্রাণি বিদুষ্যোদনস্য দর্বির্বেদ্যামধ্যেনং চিনোতু ॥২৪॥

1.25

শৃতং ত্বা হব্যমুপ সীদন্তু দৈবা নিঃসৃপ্যাগ্নেঃ পুনরেনান্ প্র সীদ ।
সোমেন পূতো জঠরে সীদ ব্রহ্মণামার্ষেয়াস্তে মা রিষন্ প্রাশিতারঃ ॥২৫॥

1.26

সোম রাজন্ত্সংজ্ঞানমা বপৈভ্যঃ সুব্রাহ্মণা যতমে ত্বোপসীদান্।
ঋষীনার্ষেয়াংস্তপসোঽধি জাতান্ ব্রহ্মৌদনে সুহবা জোহবীমি ॥২৬॥

1.27

শুদ্ধাঃ পূতা যোষিতো যজ্ঞিয়া ইমা ব্রহ্মণাং হস্তেষু প্রপৃথক্ সাদয়ামি ।
যৎ কাম ইদমভিষিঞ্চামি বোঽহমিন্দ্রো মরুত্বান্ত্স দদাদিদং মে ॥২৭॥

1.28

ইদং মে জ্যোতিরমৃতং হিরণ্যং পক্বং ক্ষেত্রাৎ কামদুঘা ম এষা।
ইদং ধনং নি দধে ব্রাহ্মণেষু কৃণ্বে পন্থাং পিতৃষু যঃ স্বর্গঃ ॥২৮॥

1.29

অগ্নৌ তুষানা বপ জাতবেদসি পরঃ কম্বূকাঁ অপ মৃড্ঢি দূরম্।
এতং শুশ্রুম গৃহরাজস্য ভাগমথো বিদ্ম নিরৃতের্ভাগধেয়ম্ ॥২৯॥

1.30

শ্রাম্যতঃ পচতো বিদ্ধি সুন্বতঃ পন্থাং স্বর্গমধি রোহয়ৈনম্।
যেন রোহাৎ পরমাপদ্য যদ্ বয় উত্তমং নাকং পরমং ব্যোঽম ॥৩০॥

1.31

বভ্রেরধ্বর্যো মুখমেতদ্ বি মৃড্ঢ্যাজ্যায় লোকং কৃণুহি প্রবিদ্বান্।
ঘৃতেন গাত্রানু সর্বা বি মৃড্ঢি কৃণ্বে পন্থাং পিতৃষু যঃ স্বর্গঃ ॥৩১॥

1.32

বভ্রে রক্ষঃ সমদমা বপৈভ্যোঽব্রাহ্মণা যতমে ত্বোপসীদান্।
পুরীষিণঃ প্রথমানাঃ পুরস্তাদার্ষেয়াস্তে মা রিষন্ প্রাশিতারঃ ॥৩২॥

1.33

আর্ষেয়েষু নি দধ ওদন ত্বা নানার্ষেয়াণামপ্যস্ত্যত্র ।
অগ্নির্মে গোপ্তা মরুতশ্চ সর্বে বিশ্বে দেবা অভি রক্ষন্তু পক্বম্ ॥৩৩॥

1.34

যজ্ঞং দুহানং সদমিৎ প্রপীনং পুমাংসং ধেনুং সদনং রয়ীণাম্।
প্রজামৃতত্বমুত দীর্ঘমায়ূ রায়শ্চ পোষৈরুপ ত্বা সদেম ॥৩৪॥

1.35

বৃষভোঽসি স্বর্গ ঋষীনার্ষেয়ান্ গচ্ছ ।
সুকৃতাং লোকে সীদ তত্র নৌ সংস্কৃতম্ ॥৩৫॥

1.36

সমাচিনুষ্বানুসম্প্রয়াহ্যগ্নে পথঃ কল্পয় দেবয়ানান্।
এতৈঃ সুকৃতৈরনু গচ্ছেম যজ্ঞং নাকে তিষ্ঠন্তমধি সপ্তরশ্মৌ ॥৩৬॥

1.37

যেন দেবা জ্যোতিষা দ্যামুদায়ন্ ব্রহ্মৌদনং পক্ত্বা সুকৃতস্য লোকম্।
তেন গেষ্ম সুকৃতস্য লোকং স্বঽরারোহন্তো অভি নাকমুত্তমম্ ॥৩৭॥