সূক্ত 6

6.1

মণিবন্ধনম্। ১-৩৫ বৃহস্পতিঃ। ফালমণিঃ, বনস্পতিঃ, ৩ আপঃ। অনুষ্টুপ্, ১,৪,২১ গায়ত্রী, ৫ ষট্-পদা জগতী, ৬ সপ্তপদা বিরাট্ শক্বরী, ৭-১০ ত্র্যবসানা অষ্টপদাঽষ্টিঃ (১০ নবপদা ধৃতিঃ), ১১, ২০, ২৩-২৭ পথ্যাপঙ্ক্তিঃ ১২-১৭ ত্র্যবসানা ষট্-পদা শক্বরী, ৩১ ত্র্যবসানা ষট্-পদা জগতী, ৩৫ পঞ্চপদা ত্র্যনুষ্টুব্গর্ভা জগতী।

অরাতীয়োর্ভ্রাতৃব্যস্য দুর্হার্দো দ্বিষতঃ শিরঃ । অপি বৃশ্চাম্যোজসা ॥১॥

6.2

বর্ম মহ্যময়ং মণিঃ ফালাজ্জাতঃ করিষ্যতি ।
পূর্ণো মন্থেন মাগমদ্ রসেন সহ বর্চসা ॥২॥

6.3

যৎ ত্বা শিক্বঃ পরাবধীৎ তক্ষা হস্তেন বাস্যা ।
আপস্ত্বা তস্মজ্জীবলাঃ পুনন্তু শুচয়ঃ শুচিম্ ॥৩॥

6.4

হিরণ্যস্রগয়ং মণিঃ শ্রদ্ধাং যজ্ঞং মহো দধৎ। গৃহে বসতু নোঽতিথিঃ ॥৪॥

6.5

তস্মৈ ঘৃতং সুরাং মধ্বন্নমন্নং ক্ষদামহে ।
স নঃ পিতেব পুত্রেভ্যঃ শ্রেয়ঃশ্রেয়শ্চিকিত্সতু ভূয়োভূয়ঃ শ্বঃশ্বো দেবেভ্যো মণিরেত্য ॥৫॥

6.6

যমবধ্নাদ্ বৃহস্পতির্মণিং ফালং ঘৃতশ্চুতমুগ্রং খদিরমোজসে ।
তমগ্নিঃ প্রত্যমুঞ্চত সো অস্মৈ দুহ আজ্যং ভূয়োভূয়ঃ শ্বঃশ্বস্তেন ত্বং দ্বিষতো জহি ॥৬॥

6.7

যমবধ্নাদ্ বৃহস্পতির্মণিং ফালং ঘৃতশ্চুতমুগ্রং খদিরমোজসে ।
তমিন্দ্রঃ প্রত্যমুঞ্চতৌজসে বীর্যাঽয় কম্।
সো অস্মৈ বলমিদ্ দুহে ভূয়োভূয়ঃ শ্বঃশ্বস্তেন ত্বং দ্বিষতো জহি ॥৭॥

6.8

যমবধ্নাদ্ বৃহস্পতির্মণিং ফালং ঘৃতশ্চুতমুগ্রং খদিরমোজসে ।
তং সোমঃ প্রত্যমুঞ্চত মহে শ্রোত্রায় চক্ষসে ।
সো অস্মৈ বর্চ ইদ্ দুহে ভূয়োভূয়ঃ শ্বঃশ্বস্তেন ত্বং দ্বিষতো জহি ॥৮॥

6.9

যমবধ্নাদ্ বৃহস্পতির্মণিং ফালং ঘৃতশ্চুতমুগ্রং খদিরমোজসে ।
তং সূর্যঃ প্রত্যমুঞ্চত তেনেমা অজয়দ্ দিশঃ ।
সো অস্মৈ ভূতিমিদ্ দুহে ভূয়োভূয়ঃ শ্বঃশ্বস্তেন ত্বং দ্বিষতো জহি ॥৯॥

6.10

যমবধ্নাদ্ বৃহস্পতির্মণিং ফালং ঘৃতশ্চুতমুগ্রং খদিরমোজসে ।
তং বিভ্রচ্চন্দ্রমা মণিমসুরাণাং পুরোঽজয়দ্ দানবানাং হিরণ্যয়ীঃ ।
সো অস্মৈ শ্রিয়মিদ্ দুহে ভূয়োভূয়ঃ শ্বঃশ্বস্তেন ত্বং দ্বিষতো জহি ॥১০॥

6.11

যমবধ্নাদ্ বৃহস্পতির্বাতায় মণিমাশবে ।
সো অস্মৈ বাজিন দুহে ভূয়োভূয়ঃ শ্বঃশ্বস্তেন ত্বং দ্বিষতো জহি ॥১১॥

6.12

যমবধ্নাদ্ বৃহস্পতির্বাতায় মণিমাশবে । তেনেমাং মণিনা কৃষিমশ্বিনাবভি রক্ষতঃ ।
স ভিষগ্ভ্যাং মহো দুহে ভূয়োভূয়ঃ শ্বঃশ্বস্তেন ত্বং দ্বিষতো জহি ॥১২॥

6.13

যমবধ্নাদ্ বৃহস্পতির্বাতায় মণিমাশবে ।
তং বিভ্রৎ সবিতা মণিং তেনেদমজয়ৎ স্বঃ ।
সো অস্মৈ সূনৃতাং দুহে ভূয়োভূয়ঃ শ্বঃশ্বস্তেন ত্বং দ্বিষতো জহি ॥১৩॥

6.14

যমবধ্নাদ্ বৃহস্পতির্বাতায় মণিমাশবে ।
তমাপো বিভ্রতীর্মণিং সদা ধাবন্ত্যক্ষিতাঃ ।
স আভ্যোঽমৃতমিদ্ দুহে ভূয়োভূয়ঃ শ্বঃশ্বস্তেন ত্বং দ্বিষতো জহি ॥১৪॥

6.15

যমবধ্নাদ্ বৃহস্পতির্বাতায় মণিমাশবে ।তং রাজা বরুণো মণিং প্রত্যমুঞ্চত শংভুবম্।
সো অস্মৈ সত্যমিদ্ দুহে ভূয়োভূয়ঃ শ্বঃশ্বস্তেন ত্বং দ্বিষতো জহি ॥১৫॥

6.16

যমবধ্নাদ্ বৃহস্পতির্বাতায় মণিমাশবে ।
তং দেবা বিভ্রতো মণিং সর্বাংল্লোকান্ যুধাজয়ন্।
স এভ্যো জিতিমিদ্ দুহে ভূয়োভূয়ঃ শ্বঃশ্বস্তেন ত্বং দ্বিষতো জহি ॥১৬॥

6.17

যমবধ্নাদ্ বৃহস্পতির্বাতায় মণিমাশবে ।
তমিমং দেবতা মণিং প্রত্যমুঞ্চন্ত শংভুবম্।
স আভ্যো বিশ্বমিদ্ দুহে ভূয়োভূয়ঃ শ্বঃশ্বস্তেন ত্বং দ্বিষতো জহি ॥১৭॥

6.18

ঋতবস্তমবধ্নতার্তবাস্তমবধ্নত । সংবত্সরস্তং বদ্ধ্বা সর্বং ভূতং বি রক্ষতি ॥১৮॥

6.19

অন্তর্দেশা অবধ্নত প্রদিশস্তমবধ্নত ।
প্রজাপতিসৃষ্টো মণির্দ্বিষতো মেঽধরাঁ অকঃ ॥১৯॥

6.20

অথর্বাণো অবধ্নতাথর্বণা অবধ্নত ।
তৌর্মেদিনো অঙ্গিরসো দস্যূনাং বিভিদুঃ পুরস্তেন ত্বং দ্বিষতো জহি ॥২০॥

6.21

তং ধাতা প্রত্যমুঞ্চত স ভূতং ব্যঽকল্পয়ৎ।
তেন ত্বং দ্বিষতো জহি ॥২১॥

6.22

যমবধ্নাদ্ বৃহস্পতির্দেবেভ্যো অসুরক্ষিতিম্।
স মায়ং মণিরাগমদ্ রসেন সহ বর্চসা ॥২২॥

6.23

যমবধ্নাদ্ বৃহস্পতির্দেবেভ্যো অসুরক্ষিতিম্।
স মায়ং মণিরাগমৎ সহ গোভিরজাবিভিরন্নেন প্রজয়া সহ ॥২৩॥

6.24

যমবধ্নাদ্ বৃহস্পতির্দেবেভ্যো অসুরক্ষিতিম্।
স মায়ং মণিরাগমৎ সহ ব্রীহিয়বাভ্যাং মহসা ভূত্যা সহ ॥২৪॥

6.25

যমবধ্নাদ্ বৃহস্পতির্দেবেভ্যো অসুরক্ষিতিম্।
স মায়ং মণিরাগমন্মধোর্ঘৃতস্য ধারয়া কীলালেন মণিঃ সহ ॥২৫॥

6.26

যমবধ্নাদ্ বৃহস্পতির্দেবেভ্যো অসুরক্ষিতিম্।
স মায়ং মণিরাগমদূর্জয়া পয়সা সহ দ্রবিণেন শ্রিয়া সহ ॥২৬॥

6.27

যমবধ্নাদ্ বৃহস্পতির্দেবেভ্যো অসুরক্ষিতিম্।
স মায়ং মণিরাগমৎ তেজসা ত্বিষ্যা সহ যশসা কীর্ত্যাঽ সহ ॥২৭॥

6.28

যমবধ্নাদ্ বৃহস্পতির্দেবেভ্যো অসুরক্ষিতিম্।
স মায়ং মণিরাগমৎ সর্বাভির্ভূতিভিঃ সহ ॥২৮॥

6.29

তমিমং দেবতা মণিং মহ্যং দদতু পুষ্টয়ে ।
অভিভুং ক্ষত্রবর্ধনং সপত্নদম্ভনং মণিম্ ॥২৯॥

6.30

ব্রহ্মণা তেজসা সহ প্রতি মুঞ্চামি মে শিবম্।
অসপত্নঃ সপত্নহা সপত্নান্ মেঽধরাং অকঃ ॥৩০॥

6.31

উত্তরং দ্বিষতো মাময়ং মণিঃ কৃণোতু দেবজাঃ ।
যস্য লোকা ইমে ত্রয়ঃ পয়ো দুগ্ধমুপাসতে ।
স মায়মধি রোহতু মণিঃ শ্রৈষ্ঠ্যায় মূর্ধতঃ ॥৩১॥

6.32

যং দেবাঃ পিতরো মনুষ্যাঽ উপজীবন্তি সর্বদা।
স মায়মধি রোহতু মণিঃ শ্রৈষ্ঠ্যায় মূর্ধতঃ ॥৩২॥

6.33

যথা বীজমুর্বরায়াং কৃষ্টে ফালেন রোহতি ।
এবা ময়ি প্রজা পশবোঽন্নমন্নং বি রোহতু ॥৩৩॥

6.34

যস্মৈ ত্বা যজ্ঞবর্ধন মণে প্রত্যমুচং শিবম্।
তং ত্বং শতদক্ষিণ মণে শ্রৈষ্ঠ্যায় জিন্বতাৎ ॥৩৪॥

6.35

এতমিধ্মং সমাহিতং জুষাণো অগ্নে প্রতি হর্য হোমৈঃ ।
তস্মিন্ বিদেম সুমতিং স্বস্তি প্রজাং চক্ষুঃ পশূন্ত্সমিদ্ধে জাতবেদসি ব্রহ্মণা ॥৩৫॥