সূক্ত 4

4.1

সর্পবিষদূরীকরণম্। ১-২৬ গরুত্মান্। তক্ষকঃ। অনুষ্টুপ্, ১ পথ্যাপঙ্ক্তিঃ, ২ ত্রিপদা যবমধ্যা গায়ত্রী, ৩-৪ পথ্যাবৃহতী, ৮ উষ্ণিগ্গর্ভা পরা ত্রিষ্টুপ্, ১২ ভুরিগ্গায়ত্রী, ১৬ ত্রিপদা প্রতিষ্ঠাগায়ত্রী, ২১ ককুম্মতী, ২৩ ত্রিষ্টুপ্, ২৬ ত্র্যবসানা ষট্-পদা বৃহতীগর্ভা ককুম্মতী ভুরিক্ ত্রিষ্টুপ্।

ইন্দ্রস্য প্রথমো রথো দেবানামপরো রথো বরুণস্য তৃতীয় ইৎ।
অহীনামপমা রথ স্থাণুমারদথার্ষৎ ॥১॥

4.2

দর্ভঃ শোচিস্তরূণকমশ্বস্য বারঃ পরুষস্য বারঃ । রথস্য বন্ধুরম্ ॥২॥

4.3

অব শ্বেত পদা জহি পূর্বেণ চা পরেণ চ । উদপ্লুতমিব দার্বহীনামরসং বিষং বারুগ্রম্ ॥৩॥

4.4

অরংঘুষো নিমজ্যোন্মজ্য পুনরব্রবীৎ। উদপ্লুতমিব দার্বহীনামরসং বিষং বারুগ্রম্ ॥৪॥

4.5

পৈদ্বো হন্তি কসর্ণীলং পৈদ্বঃ শ্বিত্রমুতাসিতম্। পৈদ্বো রথর্ব্যাঃ শিরঃ সং বিভেদ পৃদাক্বাঃ ॥৫॥

4.6

পৈদ্ব প্রেহি প্রথমোঽনু ত্বা বয়মেমসি । অহীন্ ব্যঽস্যতাৎ পথো যেন স্মা বয়মেমসি ॥৬॥

4.7

ইদং পৈদ্বো অজায়তেদমস্য পরায়ণম্। ইমান্যর্বতঃ পদাহিঘ্ন্যো বাজিনীবতঃ ॥৭॥

4.8

সংয়তং ন বি ষ্পরদ্ ব্যাত্তং ন সং যমৎ।
অস্মিন্ ক্ষেত্রে দ্বাবহী স্ত্রী চ পুমাংশ্চ তাবুভাবরসা ॥৮॥

4.9

অরসাস ইহাহয়ো যে অন্তি যে চ দূরকে। ঘনেন হন্মি বৃশ্চিকমহিং দণ্ডেনাগতম্ ॥৯॥

4.10

অঘাশ্বস্যেদং ভেষজমুভয়ো স্বজস্য চ । ইন্দ্রো মেঽহিমঘায়ন্তমহিং পৈদ্বো অরন্ধয়ৎ ॥১০॥

4.11

পৈদ্বস্য মন্মহে বয়ং স্থিরস্য স্থিরধাম্নঃ। ইমে পশ্চা পৃদাকবঃ প্রদীধ্যত আসতে ॥১১॥

4.12

নষ্টাসবো নষ্টবিষা হতা ইন্দ্রেণ বজ্রিণা । জঘানেন্দ্রো জঘ্নিমা বয়ম্ ॥১২॥

4.13

হতাস্তিরশ্চিরাজয়ো নিপিষ্টাসঃ পৃদাকবঃ । দর্বিং করিক্রতং শ্বিত্রং দর্ভেষ্বসিতং জহি ॥১৩॥

4.14

কৈরাতিকা কুমারিকা সকা খনতি ভেষজম্। হিরণ্যয়ীভিরভ্রিভির্গিরীণামুপ সানুষু ॥১৪॥

4.15

আয়মগন্ যুবা ভিষক্ পৃশ্নিহাপরাজিতঃ । স বৈ স্বজস্য জম্ভন উভয়োর্বৃশ্চিকস্য চ ॥১৫॥

4.16

ইন্দ্রো মেঽহিমরন্ধয়ন্মিত্রশ্চ বরুণশ্চ । বাতাপর্জন্যো৩ভা ॥১৬॥

4.17

ইন্দ্রো মেঽহিমরন্ধয়ৎ পৃদাকুং চ পৃদাক্বম্। স্বজং তিরশ্চিরাজিং কসর্ণীলং দশোনসিম্ ॥১৭॥

4.18

ইন্দ্রো জঘান প্রথমং জনিতারমহে তব । তেষামু তৃহ্যমাণানাং কঃ স্বিৎ তেষামসদ্ রসঃ ॥১৮॥

4.19

সং হি শীর্ষাণ্যগ্রভং পৌঞ্জিষ্ঠ ইব কর্বরম্। সিন্ধোর্মধ্যং পরেত্য ব্যঽনিজমহের্বিষম্ ॥১৯॥

4.20

অহীনাং সর্বেষাং বিষং পরা বহন্তু সিন্ধবঃ । হতাস্তিরশ্চিরাজয়ো নিপিষ্টাসঃ পৃদাকবঃ ॥২০॥

4.21

ওষধীনামহং বৃণ উর্বরীরিব সাধুয়া। নয়াম্যর্বতীরিবাহে নিরৈতু তে বিষম্ ॥২১॥

4.22

যদগ্নৌ সূর্যে বিষং পৃথিব্যামোষধীষু যৎ। কান্দাবিষং কনক্নকং নিরৈত্বৈতু তে বিষম্ ॥২২॥

4.23

যে অগ্নিজা ওষধিজা অহীনাং যে অপ্সুজা বিদ্যুত আবভূবুঃ ।
যেষাং জাতানি বহুধা মহান্তি তেভ্যঃ সর্পেভ্যো নমসা বিধেম ॥২৩॥

4.24

তৌদী নামাসি কন্যাঽঘৃতাচী নাম বা অসি । অধস্পদেন তে পদমা দদে বিষদূষণম্ ॥২৪॥

4.25

অঙ্গাদঙ্গাৎ প্র চ্যাবয় হৃদয়ং পরি বর্জয় । অধা বিষস্য যৎ তেজোঽবাচীনং তদেতু তে ॥২৫॥

4.26

আরে অভূদ্ বিষমরৌদ্ বিষে বিষমপ্রাগপি ।অগ্নির্বিষমহের্নিরধাৎ সোমো নিরণয়ীৎ।
দংষ্টারমন্বগাদ্ বিষমহিরমৃত ॥২৬॥