সূক্ত 1

1.1

কৃত্যাদূষণম্। ১-৩২ প্রত্যঙ্গিরসঃ। কৃত্যাদূষণম্। অনুষ্টুপ্, ১ মহাবৃহতী, ২ বিরাণ্নাম গায়ত্রী, ৯ পথ্যাপঙ্ক্তিঃ, ১২ পঙ্ক্তিঃ, ১৩ উরোবৃহতী, ১৫ চতুষ্পদা বিরাড্-জগতী, ১৭, ২০, ২৪ প্রস্তারপঙ্ক্তিঃ (২০ বিরাট্), ১৬, ১৮ ত্রিষ্টুপ্, ১৯ চতুষ্পদা জগতী, ২২ একাবসানা দ্বিপদার্চী উষ্ণিক্, ২৩ ত্রিপদা ভুরিগ্বিষমা গায়ত্রী,২৮ ত্রিপদা গায়ত্রী ২৯ মধ্যে জ্যোতিষ্মতী জগতী, ৩২ দ্ব্যনুষ্টুব্গর্ভা পঞ্চপদাতিজগতী।

যাং কল্পয়ন্তি বহতৌ বধূমিব বিশ্বরূপাং হস্তকৃতাং চিকিত্সবঃ ।
সারাদেত্বপ নুদাম এনাম্ ॥১॥

1.2

শীর্ষণ্বতী নস্বতী কর্ণিনী কৃত্যাকৃতা সংভৃতা বিশ্বরূপা ।
সারাদেত্বপ নুদাম এনাম্ ॥২॥

1.3

শূদ্রকৃতা রাজকৃতা স্ত্রীকৃতা ব্রহ্মভিঃ কৃতা।
জায়া পত্যা নুত্তেব কর্তারং বন্ধ্বৃচ্ছতু ॥৩॥

1.4

অনয়াহমোষধ্যা সর্বাঃ কৃত্যা অদূদুষম্।
যাং ক্ষেত্রে চক্রুর্যাং গোষু যাং বা তে পুরুষেষু ॥৪॥

1.5

অঘমস্ত্বঘকৃতে শপথঃ শপথীয়তে।
প্রত্যক্ প্রতিপ্রহিণ্মো যথা কৃত্যাকৃতং হনৎ ॥৫॥

1.6

প্রতীচীন আঙ্গিরসোঽধ্যক্ষো নঃ পুরোহিতঃ ।
প্রতীচীঃ কৃত্যা আকৃত্যামূন্ কৃত্যাকৃতো জহি ॥৬॥

1.7

যস্ত্বোবাচ পরেহীতি প্রতিকূলমুদায্যঽম্।
তং কৃত্যেঽভিনিবর্তস্ব মাস্মানিচ্ছো অনাগসঃ ॥৭॥

1.8

যস্তে পরূংষি সংদধৌ রথস্যেবর্ভুর্ধিয়া।
তং গচ্ছ তত্র তেঽয়নমজ্ঞাতস্তেঽয়ং জনঃ ॥৮॥

1.9

যে ত্বা কৃত্বালেভিরে বিদ্বলা অভিচারিণঃ ।
শংভ্বি৩দং কৃত্যাদূষণং প্রতিবর্ত্ম পুনঃসরং তেন ত্বা স্নপয়ামসি ॥৯॥

1.10

যদ্ দুর্ভগাং প্রস্নপিতাং মৃতবত্সামুপেয়িম।
অপৈতু সর্বং মৎ পাপং দ্রবিণং মোপ তিষ্ঠতু ॥১০॥

1.11

যৎ তে পিতৃভ্যো দদতো যজ্ঞে বা নাম জগৃহুঃ ।
সংদেশ্যা৩ৎ সর্বস্মাৎ পাপাদিমা মুঞ্চন্তু ত্বৌষধীঃ ॥১১॥

1.12

দেবৈনসাৎ পিত্র্যান্নামগ্রাহাৎ সংদেশ্যাঽদভিনিষ্কৃতাৎ।
মুঞ্চন্তু ত্বা বীরুধো বীর্যেঽণ ব্রহ্মণ ঋগ্ভিঃ পয়স ঋষীণাম্ ॥১২॥

1.13

যথা বাতশ্চ্যাবয়তি ভূম্যা রেণুমন্তরিক্ষাচ্চাভ্রম্।
এবা মৎ সর্বং দুর্ভূতং ব্রহ্মনুত্তমপায়তি ॥১৩॥

1.14

অপ ক্রাম নানদতী বিনদ্ধা গর্দভীব ।
কর্তৃন্ নক্ষস্বেতো নুত্তা ব্রহ্মণা বীর্যাঽবতা ॥১৪॥

1.15

অয়ং পন্থাঃ কৃত্যেতি ত্বা নয়ামোঽভিপ্রহিতাং প্রতি ত্বা প্র হিণ্মঃ ।
তেনাভি যাহি ভঞ্জত্যনস্বতীব বাহিনী বিশ্বরূপা কুরূটিনী ॥১৫॥

1.16

পরাক্ তে জ্যোতিরপথং তে অর্বাগন্যত্রাস্মদয়না কৃণুষ্ব ।
পরেণেহি নবতিং নাব্যা৩ অতি দুর্গাঃ স্রোত্যা মা ক্ষণিষ্ঠাঃ পরেহি ॥১৬॥

1.17

বাত ইব বৃক্ষান্ নি মৃণীহি পাদয় মা গামশ্বং পুরুষমুচ্ছিষ এষাম্।
কর্তৄন্ নিবৃত্যেতঃ কৃত্যোঽপ্রজাস্ত্বায় বোধয় ॥১৭॥

1.18

যাং তে বর্হিষি যাং শ্মশানে ক্ষেত্রে কৃত্যাং বলগং বা নিচখ্নুঃ ।
অগ্নৌ বা ত্বা গার্হপত্যেঽভিচেরুঃ পাকং সন্তং ধীরতরা অনাগসম্ ॥১৮॥

1.19

উপাহৃতমনুবুদ্ধং নিখাতং বৈরং ত্সার্যন্ববিদাম কর্ত্রম্।
তদেতু যত আভৃতং তত্রাশ্ব ইব বি বর্ততাং হন্তু কৃত্যাকৃতঃ প্রজাম্ ॥১৯॥

1.20

স্বায়সা অসয়ঃ সন্তি নো গৃহে বিদ্মা তে কৃত্যে যতিধা পরূংষি ।
উত্তিষ্ঠৈব পরেহীতোঽজ্ঞাতে কিমিহেচ্ছসি ॥২০॥

1.21

গ্রীবাস্তে কৃত্যে পাদৌ চাপি কর্ত্স্যামি নির্দ্রব ।
ইন্দ্রাগ্নী অস্মান্ রক্ষতাং যৌ প্রজানাং প্রজাবতী ॥২১॥

1.22

সোমো রাজাধিপা মৃডিতা চ ভূতস্য নঃ পতয়ো মৃডয়ন্তু ॥২২॥

1.23

ভবাশর্বাবস্যতাং পাপকৃতে কৃত্যাকৃতে ।
দুষ্কৃতে বিদ্যুতং দেবহেতিম্ ॥২৩॥

1.24

যদ্যেয়থ দ্বিপদী চতুষ্পদী কৃত্যাকৃতা সংভৃতা বিশ্বরূপা ।
সেতোষ্টাপদী ভূত্বা পুনঃ পরেহি দুচ্ছুনে ॥২৪॥

1.25

অভ্যক্তাক্তা স্বঽরংকৃতা সর্বং ভরন্তী দুরিতং পরেহি ।
জানীহি কৃত্যে কর্তারং দুহিতেব পিতরং স্বম্ ॥২৫॥

1.26

পরেহি কৃত্যে মা তিষ্ঠো বিদ্ধস্যেব পদং নয় ।
মৃগঃ সমৃগয়ুস্ত্বং ন ত্বা নিকর্তুমর্হতি ॥২৬॥

1.27

উত হন্তি পূর্বাসিনং প্রত্যাদায়াপর ইষ্বা ।
উত পূর্বস্য নিঘ্নতো নি হন্ত্যপরঃ প্রতি ॥২৭॥

1.28

এতদ্ধি শৃণু মে বচোঽথেহি যত এয়থ ।
যস্ত্বা চকার তং প্রতি ॥২৮॥

1.29

অনাগোহত্যা বৈ ভীমা কৃত্যে মা নো গামশ্বং পুরুষং বধীঃ ।
যত্রয়ত্রাসি নিহিতা ততস্ত্বোত্থাপয়ামসি পর্ণাল্লঘীয়সী ভব ॥২৯॥

1.30

যদি স্থ তমসাবৃতা জালেনাভিহিতা ইব ।
সর্বাঃ সংলুপ্যেতঃ কৃত্যাঃ পুনঃ কর্ত্রে প্র হিণ্মসি ॥৩০॥

1.31

কৃত্যাকৃতো বলগিনোঽভিনিষ্কারিণঃ প্রজাম্।
মৃণীহি কৃত্যে মোচ্ছিষোঽমূন্ কৃত্যাকৃতো জহি ॥৩১॥

1.32

যথা সূর্যো মুচ্যতে তমসস্পরি রাত্রিং জহাত্যুষসশ্চ কেতূন্।
এবাহং সর্বং দুর্ভূতং কর্ত্রং কৃত্যাকৃতা কৃতং হস্তীব রজো দুরিতং জহামি ॥৩২॥