Sukta 1

1.1

Krityadushanam, 1-32 pratyangirasah, krityadushanam, anushtup, 1 mahabrihati, 2 virannama gayatri, 9 pathyapanktih, 12 panktih, 13 urobrihati, 15 chatushpada virad-jagati, 17, 20, 24 prastarapanktih (20 virat), 16, 18 trishtup, 19 chatushpada jagati, 22 ekavasana dvipadarchi ushnik, 23 tripada bhurigvishama gayatri, 28 tripada gayatri 29 madhye jyotishmati jagati, 32 dvyanushtubgarbha panchapadatijagati

यां क॒ल्पय॑न्ति वह॒तौ व॒धूमि॑व वि॒श्वरू॑पां॒ हस्त॑कृतां चिकि॒त्सवः॑ ।
सारादे॒त्वप॑ नुदाम एनाम् ॥१॥

Yam kalpayanti vahatau vadhumiva vishvarupam hastakritam chikitsavah
Saradetvapa nudama enam

1.2

शी॒र्ष॒ण्वती॑ न॒स्वती॑ क॒र्णिनी॑ कृत्या॒कृता॒ संभृ॑ता वि॒श्वरू॑पा ।
सारादे॒त्वप॑ नुदाम एनाम् ॥२॥

Shirshanvati nasvati karnini krityakrita sambhrita vishvarupa
Saradetvapa nudama enam

1.3

शू॒द्रकृ॑ता॒ राज॑कृता॒ स्त्रीकृ॑ता ब्र॒ह्मभिः॑ कृ॒ता।
जा॒या पत्या॑ नु॒त्तेव॑ क॒र्तारं॒ बन्ध्वृ॑च्छतु ॥३॥

Shudrakrita rajakrita strikrita brahmabhih krita
Jaya patya nutteva kartaram bandhvrichchhatu

1.4

अ॒नया॒हमोष॑ध्या॒ सर्वाः॑ कृ॒त्या अ॑दूदुषम्।
यां क्षेत्रे॑ च॒क्रुर्यां गोषु॒ यां वा॑ ते॒ पुरु॑षेषु ॥४॥

Anayahamoshadhya sarvah kritya adudusham
Yam kshetre chakruryam goshu yam va te purusheshu

1.5

अघम॑स्त्वघ॒कृते॑ श॒पथः॑ शपथीय॒ते।
प्र॒त्यक् प्र॑ति॒प्रहि॑ण्मो॒ यथा॑ कृत्या॒कृतं॒ हन॑त् ॥५॥

Aghamastvaghakrite shapathah shapathiyate
Pratyak pratiprahinmo yatha krityakritam hanat

1.6

प्र॒ती॒चीन॑ आङ्गिर॒सोऽध्य॑क्षो नः पु॒रोहि॑तः ।
प्र॒तीचीः॑ कृ॒त्या आ॒कृत्या॒मून् कृ॑त्या॒कृतो॑ जहि ॥६॥

Pratichina angirasodhyaksho nah purohitah
Pratichih kritya akrityamun krityakrito jahi

1.7

यस्त्वो॒वाच॒ परे॒हीति॑ प्रति॒कूल॑मुदा॒य्यऽम्।
तं कृ॑त्येऽभि॒निव॑र्तस्व॒ मास्मानि॑च्छो अना॒गसः॑ ॥७॥

Yastvovacha parehiti pratikulamudayyam
Tam krityebhinivartasva masmanichchho anagasah

1.8

यस्ते॒ परूं॑षि संद॒धौ रथ॑स्येव॒र्भुर्धि॒या।
तं ग॑च्छ॒ तत्र॒ तेऽय॑न॒मज्ञा॑तस्ते॒ऽयं जनः॑ ॥८॥

Yaste parunshi sandadhau rathasyevarbhurdhiya
Tam gachchha tatra teyanamagyatasteyam janah

1.9

ये त्वा॑ कृ॒त्वाले॑भि॒रे वि॑द्व॒ला अ॑भिचा॒रिणः॑ ।
शं॒भ्वि॒३दं कृ॑त्या॒दूष॑णं प्रतिव॒र्त्म पु॑नःस॒रं तेन॑ त्वा स्नपयामसि ॥९॥

Ye tva kritvalebhire vidvala abhicharinah
Shambhvi3dam krityadushanam prativartma punahsaram tena tva snapayamasi

1.10

यद् दु॒र्भगां॒ प्रस्न॑पितां मृ॒तव॑त्सामुपेयि॒म।
अपै॑तु॒ सर्वं॒ मत् पा॒पं द्रवि॑णं॒ मोप॑ तिष्ठतु ॥१०॥

Yad durbhagam prasnapitam mritavatsamupeyima
Apaitu sarvam mat papam dravinam mopa tishthatu

1.11

यत् ते॑ पि॒तृभ्यो॒ दद॑तो य॒ज्ञे वा॒ नाम॑ जगृ॒हुः ।
सं॒दे॒श्या॒३त् सर्व॑स्मात् पा॒पादि॒मा मु॑ञ्चन्तु॒ त्वौष॑धीः ॥११॥

Yat te pitribhyo dadato yagye va nama jagrihuh
Sandeshya3t sarvasmat papadima munchantu tvaushadhih

1.12

दे॒वै॒न॒सात् पित्र्या॑न्नामग्रा॒हात् सं॑दे॒श्याऽदभि॒निष्कृ॑तात्।
मु॒ञ्चन्तु॑ त्वा वी॒रुधो॑ वी॒र्येऽण॒ ब्रह्म॑ण ऋ॒ग्भिः पय॑स॒ ऋषी॑णाम् ॥१२॥

Devainasat pitryannamagrahat sandeshyadabhinishkritat
Munchantu tva virudho viryena brahmana rigbhih payasa rishinam

1.13

यथा॒ वात॑श्च्या॒वय॑ति॒ भूम्या॑ रे॒णुम॒न्तरि॑क्षाच्चा॒भ्रम्।
ए॒वा मत् सर्वं॑ दुर्भू॒तं ब्रह्म॑नुत्त॒मपा॑यति ॥१३॥

Yatha vatashchyavayati bhumya renumantarikshachchabhram
Eva mat sarvam durbhutam brahmanuttamapayati

1.14

अप॑ क्राम॒ नान॑दती॒ विन॑द्धा गर्द॒भीव॑ ।
क॒र्तृन् न॑क्षस्वे॒तो नु॒त्ता ब्रह्म॑णा वी॒र्याऽवता ॥१४॥

Apa krama nanadati vinaddha gardabhiva
Kartrin nakshasveto nutta brahmana viryavata

1.15

अ॒यं पन्थाः॑ कृ॒त्येति॑ त्वा नयामोऽभि॒प्रहि॑तां॒ प्रति॑ त्वा॒ प्र हि॑ण्मः ।
तेना॒भि या॑हि भञ्ज॒त्यन॑स्वतीव वा॒हिनी॑ वि॒श्वरू॑पा कुरू॒टिनी॑ ॥१५॥

Ayam panthah krityeti tva nayamobhiprahitam prati tva pra hinmah
Tenabhi yahi bhanjatyanasvativa vahini vishvarupa kurutini

1.16

परा॑क् ते॒ ज्योति॒रप॑थं ते अ॒र्वाग॒न्यत्रा॒स्मदय॑ना कृणुष्व ।
परे॑णेहि नव॒तिं ना॒व्या॒३ अति॑ दु॒र्गाः स्रो॒त्या मा क्ष॑णिष्ठाः॒ परे॑हि ॥१६॥

Parak te jyotirapatham te arvaganyatrasmadayana krinushva
Parenehi navatim navya3 ati durgah srotya ma kshanishthah parehi

1.17

वात॑ इव वृ॒क्षान् नि मृ॑णीहि पा॒दय॒ मा गामश्वं॒ पुरु॑ष॒मुच्छि॑ष एषाम्।
क॒र्तॄन् नि॒वृत्ये॒तः कृ॑त्योऽप्रजा॒स्त्वाय॑ बोधय ॥१७॥

Vata iva vrikshan ni mrinihi padaya ma gamashvam purushamuchchhisha esham
Kartrin nivrityetah krityoprajastvaya bodhaya

1.18

यां ते॑ ब॒र्हिषि॒ यां श्म॑शा॒ने क्षेत्रे॑ कृ॒त्यां व॑ल॒गं वा॑ निच॒ख्नुः ।
अ॒ग्नौ वा॑ त्वा॒ गार्ह॑पत्येऽभिचे॒रुः पाकं॒ सन्तं॒ धीर॑तरा अना॒गस॑म् ॥१८॥

Yam te barhishi yam shmashane kshetre krityam valagam va nichakhnuh
Agnau va tva garhapatyebhicheruh pakam santam dhiratara anagasam

1.19

उ॒पाहृ॑त॒मनु॑बुद्धं॒ निखा॑तं॒ वैरं॑ त्सा॒र्यन्व॑विदाम॒ कर्त्र॑म्।
तदे॑तु॒ यत॒ आभृ॑तं॒ तत्राश्व॑ इव॒ वि व॑र्ततां॒ हन्तु॑ कृत्या॒कृतः॑ प्र॒जाम् ॥१९॥

Upahritamanubuddham nikhatam vairam tsaryanvavidama kartram
Tadetu yata abhritam tatrashva iva vi vartatam hantu krityakritah prajam

1.20

स्वा॒य॒सा अ॒सयः॑ सन्ति नो गृ॒हे वि॒द्मा ते॑ कृत्ये यति॒धा परूं॑षि ।
उत्ति॑ष्ठै॒व परे॑ही॒तोऽज्ञा॑ते॒ किमि॒हेच्छ॑सि ॥२०॥

Svayasa asayah santi no grihe vidma te kritye yatidha parunshi
Uttishthaiva parehitogyate kimihechchhasi

1.21

ग्री॒वास्ते॑ कृत्ये॒ पादौ॒ चापि॑ कर्त्स्यामि॒ निर्द्र॑व ।
इ॒न्द्रा॒ग्नी अ॒स्मान् र॑क्षतां॒ यौ प्र॒जानां॑ प्र॒जाव॑ती ॥२१॥

Grivaste kritye padau chapi kartsyami nirdrava
Indragni asman rakshatam yau prajanam prajavati

1.22

सोमो॒ राजा॑धि॒पा मृ॑डि॒ता च॑ भू॒तस्य॑ नः॒ पत॑यो मृडयन्तु ॥२२॥

Somo rajadhipa mridita cha bhutasya nah patayo mridayantu

1.23

भ॒वा॒श॒र्वाव॑स्यतां पाप॒कृते॑ कृत्या॒कृते॑ ।
दु॒ष्कृते॑ वि॒द्युतं॑ देवहे॒तिम् ॥२३॥

Bhavasharvavasyatam papakrite krityakrite
Dushkrite vidyutam devahetim

1.24

यद्ये॒यथ॑ द्वि॒पदी॒ चतु॑ष्पदी कृत्या॒कृता॒ संभृ॑ता वि॒श्वरू॑पा ।
सेतो॒ष्टाप॑दी भू॒त्वा पुनः॒ परे॑हि दुच्छुने ॥२४॥

Yadyeyatha dvipadi chatushpadi krityakrita sambhrita vishvarupa
Setoshtapadi bhutva punah parehi duchchhune

1.25

अ॒भ्य॑क्ताक्ता॒ स्वऽरंकृता॒ सर्वं॒ भर॑न्ती दुरि॒तं परे॑हि ।
जा॒नी॒हि कृ॑त्ये क॒र्तारं॑ दुहि॒तेव॑ पि॒तरं॒ स्वम् ॥२५॥

Abhyaktakta svarankrita sarvam bharanti duritam parehi
Janihi kritye kartaram duhiteva pitaram svam

1.26

परे॑हि कृत्ये॒ मा ति॑ष्ठो वि॒द्धस्ये॑व प॒दं न॑य ।
मृगः समृ॑ग॒युस्त्वं न त्वा॑ निक॑र्तुमर्हति ॥२६॥

Parehi kritye ma tishtho viddhasyeva padam naya
Mrigah samrigayustvam na tva nikartumarhati

1.27

उ॒त ह॑न्ति पूर्वा॒सिनं॑ प्रत्या॒दायाप॑र॒ इष्वा॑ ।
उ॒त पूर्व॑स्य निघ्न॒तो नि ह॒न्त्यप॑रः॒ प्रति॑ ॥२७॥

Uta hanti purvasinam pratyadayapara ishva
Uta purvasya nighnato ni hantyaparah prati

1.28

ए॒तद्धि शृ॒णु मे॒ वचोऽथे॑हि॒ यत॑ ए॒यथ॑ ।
यस्त्वा॑ च॒कार॒ तं प्रति॑ ॥२८॥

Etaddhi shrinu me vachothehi yata eyatha
Yastva chakara tam prati

1.29

अ॒ना॒गो॒ह॒त्या वै भी॒मा कृ॑त्ये॒ मा नो॒ गामश्वं॒ पुरु॑षं वधीः ।
यत्र॑य॒त्रासि॒ निहि॑ता॒ तत॒स्त्वोत्था॑पयामसि प॒र्णाल्लघी॑यसी भव ॥२९॥

Anagohatya vai bhima kritye ma no gamashvam purusham vadhih
Yatrayatrasi nihita tatastvotthapayamasi parnallaghiyasi bhava

1.30

यदि॒ स्थ तम॒सावृ॑ता॒ जाले॑ना॒भिहि॑ता इव ।
सर्वाः॑ सं॒लुप्ये॒तः कृ॒त्याः पुनः॑ क॒र्त्रे प्र हि॑ण्मसि ॥३०॥

Yadi stha tamasavrita jalenabhihita iva
Sarvah sanlupyetah krityah punah kartre pra hinmasi

1.31

कृ॒त्या॒कृतो॑ वल॒गिनो॑ऽभिनिष्का॒रिणः॑ प्र॒जाम्।
मृ॒णी॒हि कृ॑त्ये॒ मोच्छि॑षो॒ऽमून् कृ॑त्या॒कृतो॑ जहि ॥३१॥

Krityakrito valaginobhinishkarinah prajam
Mrinihi kritye mochchhishomun krityakrito jahi

1.32

यथा॒ सूर्यो॑ मु॒च्यते॒ तम॑स॒स्परि॒ रात्रिं॒ जहा॑त्यु॒षस॑श्च के॒तून्।
ए॒वाहं सर्वं॑ दुर्भू॒तं कर्त्रं॑ कृत्या॒कृता॑ कृ॒तं ह॒स्तीव॒ रजो॑ दुरि॒तं ज॑हामि ॥३२॥

Yatha suryo muchyate tamasaspari ratrim jahatyushasashcha ketun
Evaham sarvam durbhutam kartram krityakrita kritam hastiva rajo duritam jahami