UtshovAdhyaya 21
21.1
॥ अथ तृतीयो दशकः ॥३॥
, Atha tritiyo dashakah
21.2
एकविंशोध्यायः
स्वा॒द्वीं त्वा॑ स्वा॒दुना॑ ती॒व्रां ती॒व्रेणा॒मृता॑म॒मृते॑न ।
मधु॑मतीं॒ मधु॑मता सृ॒जामि॒ सᳪ सोमे॑न ।
सोमो॑ऽस्य॒श्विभ्यां॑ पच्यस्व॒ सर॑स्वत्यै पच्य॒स्वेन्द्रा॑य सु॒त्राम्णे॑ पच्यस्व ॥१॥
Ekavinshodhyayah
Svadvim tva svaduna tivram tivrenamritamamritena
Madhumatim madhumata srijami sam somena
Somosyashvibhyam pachyasva sarasvatyai pachyasvendraya sutramne pachyasva
21.3
परी॒तो षि॑ञ्च॒ता सु॒तᳪ सोमो॒ य उ॑त्त॒मᳪ ह॒विः ।
द॒ध॒न्वा यो नर्यो॑ अ॒प्स्व॒न्तरा सु॒षाव॒ सोम॒मद्रि॑भिः ॥२॥
Parito shinchata sutam somo ya uttamam havih
Dadhanva yo naryo apsvantara sushava somamadribhih
21.4
वा॒योः पू॒तः प॒वित्रे॑ण॒ प्र॒त्यङ्क्सोमो॒ अति॑द्रुतः । इन्द्र॑स्य॒ युज्यः॒ सखा॑ ।
वा॒योः पू॒तः प॒वित्रे॑ण प्र॒त्यङ्क्सोमो॒ अति॑द्रुतः । इन्द्र॑स्य॒ युज्यः॒ सखा॑ ॥३॥
Vayoh putah pavitrena pratyanksomo atidrutah, indrasya yujyah sakha
Vayoh putah pavitrena pratyanksomo atidrutah, indrasya yujyah sakha
21.5
पु॒नाति॑ ते परि॒स्रुत॒ᳪ सोम॒ᳪ सूर्य॑स्य दुहि॒ता । वारे॑ण॒ शश्व॑ता॒ तना॑ ॥४॥
Punati te parisrutam somam suryasya duhita, varena shashvata tana
21.6
ब्रह्म॑ क्ष॒त्रं प॑वते॒ तेज॑ इन्द्रि॒यᳪ सुर॑या॒ सोमः॑ सु॒त आसु॑तो॒ मदा॑य ।
शु॒क्रेण॑ देव दे॒वताः॑ पिपृग्धि॒ रसे॒नान्नं॒ यज॑मानाय धेहि ।
कु॒विद॒ङ्ग यव॑मन्तो॒ यवं॑ चि॒द्यथा॒ दान्त्य॑नुपू॒र्वं वि॒यूय॑ ।
इ॒हेहै॑षां कृणुहि॒ भोज॑नानि॒ ये ब॒र्हिषो॒ नम॑ उक्तिं॒ न ज॒ग्मुः।
उ॒प॒या॒मगृ॑हीतोऽस्य॒श्विभ्यां॑ त्वा॒ सर॑स्वत्यै॒ त्वेन्द्रा॑य त्वा सु॒त्राम्णे॑ ।
ए॒ष ते॒ योनि॒स्तेज॑से त्वा वी॒र्या॑य त्वा॒ बला॑य त्वा ॥५॥
Brahma kshatram pavate teja indriyam suraya somah suta asuto madaya
Shukrena deva devatah piprigdhi rasenannam yajamanaya dhehi
Kuvidanga yavamanto yavam chidyatha dantyanupurvam viyuya
Ihehaisham krinuhi bhojanani ye barhisho nama uktim na jagmuh
Upayamagrihitosyashvibhyam tva sarasvatyai tvendraya tva sutramne
Esha te yonistejase tva viryaya tva balaya tva
21.7
नाना॒ हि वां॑ दे॒वहि॑त॒ᳪ सद॑स्कृ॒तं मा सᳪ सृ॑क्षाथां पर॒मे व्यो॑मन् ।
सुरा॒ त्वम॑सि शु॒ष्मिणी॒ सोम॑ ए॒ष मा मा॑ हिᳪसीः॒ स्वां योनि॑मावि॒शन्ती॑ ॥६॥
Nana hi vam devahitam sadaskritam ma sam srikshatham parame vyoman
Sura tvamasi shushmini soma esha ma ma hinsih svam yonimavishanti
21.8
६॥
उ॒प॒या॒मगृ॑हीतो॒ऽस्याश्वि॒नं तेजः॑ सारस्व॒तं वी॒र्य॑मै॒न्द्रं बल॑म् ।
ए॒ष ते॒ योनि॒र्मोदा॑य त्वान॒न्दाय॑ त्वा॒ मह॑से त्वा ॥७॥
6
Upayamagrihitosyashvinam tejah sarasvatam viryamaindram balam
Esha te yonirmodaya tvanandaya tva mahase tva
21.9
तेजो॑ऽसि॒ तेजो॒ मयि॑ धेहि वी॒र्य॑मसि वी॒र्यं॒ मयि॑ धेहि
बल॑मसि॒ बलं॒ मयि॑ धे॒ह्योजो॒ऽस्योजो॒ मयि॑ धेहि ।
म॒न्युर॑सि म॒न्युं मयि॑ धेहि॒ सहो॑ऽसि॒ सहो॒ मयि॑ धेहि ॥८॥
Tejosi tejo mayi dhehi viryamasi viryam mayi dhehi
Balamasi balam mayi dhehyojosyojo mayi dhehi
Manyurasi manyum mayi dhehi sahosi saho mayi dhehi
21.10
या व्या॒घ्रं विषू॑चिको॒भौ वृकं॑ च॒ रक्ष॑ति ।
श्ये॒नं प॑त॒त्रिण॑ᳪ सि॒ᳪहᳪ सेमं पा॒त्वᳪह॑सः ॥९॥
Ya vyaghram vishuchikobhau vrikam cha rakshati
Shyenam patatrinam sinham semam patvanhasah
21.11
यदा॑पि॒पेष॑ मा॒तरं॑ पु॒त्रः प्रमु॑दितो॒ धय॑न् ।
ए॒तत्तद॑ग्ने अनृ॒णो भ॑वा॒म्यह॑तौ पि॒तरौ॒ मया॑ ॥१०॥
Yadapipesha mataram putrah pramudito dhayan
Etattadagne anrino bhavamyahatau pitarau maya
21.12
स॒म्पृच॑ स्थ॒ सं मा॑ भ॒द्रेण॑ पृङ्क्त । वि॒पृच॑ स्थ॒ वि मा॑ पा॒प्मन॑ पृङ्क्त ॥११॥
Sampricha stha sam ma bhadrena prinkta, vipricha stha vi ma papmana prinkta
21.13
(१) ११
दे॒वा य॒ज्ञम॑तन्वत भेष॒जं भि॒षजा॒श्विना॑ ।
वा॒चा सर॑स्वती भि॒षगिन्द्रा॑येन्द्रि॒याणि॒ दध॑तः ॥१॥
(1) 11
Deva yagyamatanvata bheshajam bhishajashvina
Vacha sarasvati bhishagindrayendriyani dadhatah
21.14
दी॒क्षायै॑ रू॒प ᳪशष्पा॑णि प्राय॒णीय॑स्य॒ तोक्मा॑नि ।
क्र॒यस्य॑ रू॒पᳪ सोम॑स्य ला॒जाः सो॑मा॒ᳪशवो॒ मधु॑ ॥२॥
Dikshayai rupa nshashpani prayaniyasya tokmani
Krayasya rupam somasya lajah somanshavo madhu
21.15
आ॒ति॒थ्यरू॒पं मास॑रं महावी॒रस्य॑ न॒ग्नहुः॑ ।
रू॒पमु॑प॒सदा॑मे॒तत्ति॒स्रो रात्रीः॒ सुरासु॑ता ॥३॥
Atithyarupam masaram mahavirasya nagnahuh
Rupamupasadametattisro ratrih surasuta
21.16
सोम॑स्य रू॒पं क्री॒तस्य॑ परि॒स्रुत्परि॑ षिच्यते ।
अ॒श्विभ्यां॑ दु॒ग्धं भे॑ष॒जमिन्द्रा॑यै॒न्द्रᳪ सर॑स्वत्या ॥४॥
Somasya rupam kritasya parisrutpari shichyate
Ashvibhyam dugdham bheshajamindrayaindram sarasvatya
21.17
आ॒स॒न्दी रू॒पᳪ रा॑जास॒न्द्यै वेद्यै॑ कु॒म्भी सु॑रा॒धानी॑ ।
अन्त॑र उत्तरवे॒द्या रू॒पं का॑रोत॒रो भि॒षक् ॥५॥
Asandi rupam rajasandyai vedyai kumbhi suradhani
Antara uttaravedya rupam karotaro bhishak
21.18
वेद्या॒ वेदिः॒ समा॑प्यते ब॒र्हिषा॑ ब॒र्हिरि॑न्द्रि॒यम् ।
यूपे॑न॒ यूप॑ आप्यते॒ प्रणी॑तो अ॒ग्निर॒ग्निना॑ ॥६॥
Vedya vedih samapyate barhisha barhirindriyam
Yupena yupa apyate pranito agniragnina
21.19
ह॒वि॒र्धानं॒ यद॒श्विनाग्नी॑ध्रं॒ यत्सर॑स्वती ।
इन्द्रा॑यै॒न्द्रᳪ सद॑स्कृ॒तं प॑त्नी॒शालं॒ गार्ह॑पत्यः ॥७॥
Havirdhanam yadashvinagnidhram yatsarasvati
Indrayaindram sadaskritam patnishalam garhapatyah
21.20
प्रै॒षेभिः॑ प्रै॒षाना॑प्नोत्या॒प्रीभि॑रा॒प्रीर्य॒ज्ञस्य॑ ।
प्र॒या॒जेभि॑रनुया॒जान्व॑षट्का॒रेभि॒राहु॑तीः ॥८॥
Praishebhih praishanapnotyapribhirapriryagyasya
Prayajebhiranuyajanvashatkarebhirahutih
21.21
प॒शुभिः॑ प॒शूना॑प्नोति पुरो॒ळाशै॑र्ह॒वीᳪष्या ।
छन्दो॑भिः सामिधे॒नीर्या॒ज्या॑भिर्वषट्का॒रान् ॥९॥
Pashubhih pashunapnoti purolashairhavinshya
Chhandobhih samidheniryajyabhirvashatkaran
21.22
धा॒नाः क॑र॒म्भः सक्त॑वः परीवा॒पः पयो॒ दधि॑ ।
सोम॑स्य रू॒पᳪ ह॒विष॑ आ॒मिक्षा॒ वाजि॑नं॒ मधु॑ ॥१०॥
Dhanah karambhah saktavah parivapah payo dadhi
Somasya rupam havisha amiksha vajinam madhu
21.23
धा॒नाना॑ᳪ रू॒पं कुव॑लं परीवा॒पस्य॑ गो॒धूमाः॑ ।
सक्तू॑नाᳪ रू॒पं बद॑रमुप॒वाकाः॑ कर॒म्भस्य॑ ॥११॥
Dhananam rupam kuvalam parivapasya godhumah
Saktunam rupam badaramupavakah karambhasya
21.24
पय॑सो रू॒पं यद्यवा॑ द॒ध्नो रू॒पं क॒र्कन्धू॑नि ।
सोम॑स्य रू॒पं वाजि॑नᳪ सौ॒म्यस्य॑ रू॒पमा॒मिक्षा॑ ॥१२॥
Payaso rupam yadyava dadhno rupam karkandhuni
Somasya rupam vajinam saumyasya rupamamiksha
21.25
आश्रा॑व॒येति॑ स्तो॒त्रियाः॑ प्रत्याश्रा॒वो अनु॑रूपः ।
यजेति॑ धय्यारू॒पं प्र॑गा॒था ये॑यजाम॒हाः ॥१३॥
Ashravayeti stotriyah pratyashravo anurupah
Yajeti dhayyarupam pragatha yeyajamahah
21.26
अ॒र्ध॒ ऋ॒चैरु॒क्थाना॑ᳪ रू॒पं प॒दैरा॑प्नोति नि॒विदः॑ ।
प्र॒ण॒वैः श॒स्त्राणा॑ᳪ रू॒पं पय॑सा॒ सोम॑ आप्यते ॥१४॥
Ardha richairukthanam rupam padairapnoti nividah
Pranavaih shastranam rupam payasa soma apyate
21.27
अ॒श्विभ्यां॑ प्रातःसव॒नमिन्द्रे॑णै॒न्द्रं माध्य॑न्दिनम् ।
वै॒श्व॒दे॒वᳪ सर॑स्वत्या तृ॒तीय॑मा॒प्तᳪ सव॑नम् ॥१५॥
Ashvibhyam pratahsavanamindrenaindram madhyandinam
Vaishvadevam sarasvatya tritiyamaptam savanam
21.28
वा॒य॒व्यै॑र्वाय॒व्या॑न्याप्नोति॒ सते॑न द्रोणकल॒शम् ।
कु॒म्भीभ्या॑मम्भृ॒णौ सु॒ते स्था॒लीभिः॑ स्था॒लीरा॑प्नोति ॥१६॥
Vayavyairvayavyanyapnoti satena dronakalasham
Kumbhibhyamambhrinau sute sthalibhih sthalirapnoti
21.29
यजु॑र्भिराप्यन्ते॒ ग्रहा॒ ग्रहै॒ स्तोमा॑श्च॒ विष्टु॑तीः ।
छन्दो॑भिरुक्थाश॒स्त्राणि॒ साम्ना॑वभृ॒थ आ॑प्यते ॥१७॥
Yajurbhirapyante graha grahai stomashcha vishtutih
Chhandobhirukthashastrani samnavabhritha apyate
21.30
इळा॑भिर्भ॒क्षाना॑प्नोति सूक्तवा॒केना॒शिषः॑ ।
शं॒युना॑ पत्नीसंया॒जान्त्स॑मिष्टय॒जुषा॑ स॒ᳪस्थाम् ॥१८॥
Ilabhirbhakshanapnoti suktavakenashishah
Shanyuna patnisanyajantsamishtayajusha sanstham
21.31
व्र॒तेन॑ दी॒क्षामा॑प्नोति दी॒क्षया॑प्नोति॒ दक्षि॑णाम् ।
दक्षि॑णा श्र॒द्धामा॑प्नोति श्र॒द्धया॑ स॒त्यमा॑प्यते ॥३०॥
Vratena dikshamapnoti dikshayapnoti dakshinam
Dakshina shraddhamapnoti shraddhaya satyamapyate
21.32
ए॒ताव॑द्रू॒पं य॒ज्ञस्य॒ यद्दे॒वैर्ब्रह्म॑णा कृ॒तम् । तदे॒तत्सर्व॑माप्नोति य॒ज्ञे सौ॑त्राम॒णी सु॒ते ॥२०॥
Etavadrupam yagyasya yaddevairbrahmana kritam, tadetatsarvamapnoti yagye sautramani sute
21.33
(२) ३१
सुरा॑वन्तं बर्हि॒षद॑ᳪ सु॒वीरं॑ य॒ज्ञᳪ हि॑न्वन्ति महि॒षा नमो॑भिः ।
दधा॑नाः॒ सोमं॑ दि॒वि दे॒वता॑सु॒ मदे॒मेन्द्रं॒ यज॑मानाः स्व॒र्काः ॥१॥
(2) 31
Suravantam barhishadam suviram yagyam hinvanti mahisha namobhih
Dadhanah somam divi devatasu mademendram yajamanah svarkah
21.34
यस्ते॒ रसः॒ संभृ॑त॒ ओष॑धीषु॒ सोम॑स्य॒ शुष्मः॒ सुर॑या सु॒तस्य॑ ।
तेन॑ जिन्व॒ यज॑मानं॒ मदे॑न॒ सर॑स्वतीम॒श्विना॒ इन्द्र॑म॒ग्निम् ॥२॥
Yaste rasah sambhrita oshadhishu somasya shushmah suraya sutasya
Tena jinva yajamanam madena sarasvatimashvina indramagnim
21.35
यम॒श्विना॒ नमु॑चेरासु॒रादधि॒ सर॑स्व॒त्यसु॑नोदिन्द्रि॒याय॑ ।
इ॒मं तᳪ शु॒क्रं मधु॑मन्त॒मिन्दु॒ᳪ सोम॒ᳪ राजा॑नमि॒ह भ॑क्षयामि ॥३॥
Yamashvina namucherasuradadhi sarasvatyasunodindriyaya
Imam tam shukram madhumantamindum somam rajanamiha bhakshayami
21.36
यदत्र॑ रि॒प्तᳪ र॒सिनः॑ सु॒तस्य॒ यदिन्द्रो॒ अपि॑ब॒च्छची॑भिः ।
अ॒हं तद॑स्य॒ मन॑सा शि॒वेन॒ सोम॒ᳪ राजा॑नमि॒ह भ॑क्षयामि ॥४॥
Yadatra riptam rasinah sutasya yadindro apibachchhachibhih
Aham tadasya manasa shivena somam rajanamiha bhakshayami
21.37
पि॒तृभ्यः॑ स्वधा॒यिभ्यः॑ स्व॒धा नमः॑ पि॑ताम॒हेभ्यः॑ स्वधा॒यिभ्यः॑ स्व॒धा नमः॑ ।
प्रपि॑तामहेभ्यः स्वधा॒यिभ्यः॑ स्व॒धा नमः॑ ॥५॥
Pitribhyah svadhayibhyah svadha namah pitamahebhyah svadhayibhyah svadha namah
Prapitamahebhyah svadhayibhyah svadha namah
21.38
अक्ष॑न् पितरोऽमी॑मदन्त पि॒तरोऽती॑तृपन्त पि॒तरः॑ । पित॑रः॒ शुन्धध्वम् ॥६॥
Akshan pitaromimadanta pitarotitripanta pitarah, pitarah shundhadhvam
21.39
पु॒नन्तु॑ मा पि॒तरः॑ सो॒म्यासः॑ पु॒नन्तु॑ मा पिताम॒हाः पु॒नन्तु॒ प्रपि॑तामहाः ।
प॒वित्रे॑ण श॒तायु॑षा ॥७॥
Punantu ma pitarah somyasah punantu ma pitamahah punantu prapitamahah
Pavitrena shatayusha
21.40
पु॒नन्तु॑ मा पिताम॒हाः पु॒नन्तु॒ प्रपि॑तामहाः । प॒वित्रे॑ण श॒तायु॑षा॒ विश्व॒मायु॒र्व्य॑श्नवै ॥८॥
Punantu ma pitamahah punantu prapitamahah, pavitrena shatayusha vishvamayurvyashnavai
21.41
३९ (१२१२)
अग्न॒ आयू॑ᳪषि पवस्व॒ आ सु॒वोर्ज॒मिषं॑ च नः । आ॒रे बा॑धस्व दु॒च्छुना॑म् ॥९॥
39 (1212)
Agna ayunshi pavasva a suvorjamisham cha nah, are badhasva duchchhunam
21.42
पु॒नन्तु॑ मा देव॒जनाः पु॒नन्तु॒ मन॑सा॒ धियः॑ । पु॒नन्तु॒ विश्वा॑ भू॒तानि॒ जात॑वेदः पुनी॒हि मा॑ ॥१०॥
Punantu ma devajanah punantu manasa dhiyah, punantu vishva bhutani jatavedah punihi ma
21.43
प॒वित्रे॑ण पुनीहि मा शु॒क्रेण॑ देव॒ दीद्य॑त् । अग्ने॒ क्रत्वा॒ क्रतू॒ᳪरनु॑ ॥११॥
Pavitrena punihi ma shukrena deva didyat, agne kratva kratunranu
21.44
यत्ते॑ प॒वित्र॑म॒र्चिष्यग्ने॒ वित॑तमन्त॒रा । ब्रह्म॒ तेन॑ पुनातु मा ॥१२॥
Yatte pavitramarchishyagne vitatamantara, brahma tena punatu ma
21.45
पव॑मानः॒ सो अ॒द्य नः॑ प॒वित्रे॑ण॒ विच॑र्षणिः । यः पोता॒ स पु॑नातु मा ॥१३॥
Pavamanah so adya nah pavitrena vicharshanih, yah pota sa punatu ma
21.46
उ॒भाभ्यां॑ देव सवितः प॒वित्रे॑ण स॒वेन॑ च । मां पु॑नीहि वि॒श्वतः॑ ॥१४॥
Ubhabhyam deva savitah pavitrena savena cha, mam punihi vishvatah
21.47
वै॒श्व॒दे॒वी पु॑न॒ती दे॒व्यागा॒द्यस्या॑मि॒मा ब॒ह्व्य॑स्त॒न्वो॑ वी॒तपृ॑ष्ठाः ।
तया॒ मद॑न्तः सध॒मादे॑षु व॒यᳪ स्या॑म॒ पत॑यो रयी॒णाम् ॥१५॥
Vaishvadevi punati devyagadyasyamima bahvyastanvo vitaprishthah
Taya madantah sadhamadeshu vayam syama patayo rayinam
21.48
ये स॑मा॒नाः सम॑नसः पि॒तरो॑ यम॒राज्ये॑ ।
तेषां॑ ल्लो॒कः स्व॒धा नमो॑ य॒ज्ञो दे॒वेषु॑ कल्पताम् ॥१६॥
Ye samanah samanasah pitaro yamarajye
Tesham llokah svadha namo yagyo deveshu kalpatam
21.49
ये स॑मा॒नाः सम॑नसो जी॒वा जी॒वेषु॑ माम॒काः ।
तेषा॒ᳪ श्रीर्मयि॑ कल्पताम॒स्मिँल्लो॒के शतᳪ समाः॑ ॥१७॥
Ye samanah samanaso jiva jiveshu mamakah
Tesham shrirmayi kalpatamasminlloke shatam samah
21.50
द्वे सृ॒ती अ॑शृणवं पितॄ॒णाम॒हं दे॒वाना॑मु॒त मर्त्या॑नाम् ।
ताभ्या॑मि॒दं विश्व॒मेज॒त्समे॑ति॒ यद॑न्त॒रा पि॒तरं॑ मा॒तरं॑ च ॥१८॥
Dve sriti ashrinavam pitrinamaham devanamuta martyanam
Tabhyamidam vishvamejatsameti yadantara pitaram mataram cha
21.51
इ॒दᳪ ह॒विः प्र॒जन॑नं मे अस्तु॒ दश॑वीर॒ᳪ सर्व॑गणᳪ स्व॒स्तये॑ ।
आ॒त्म॒सनि॑ प्रजा॒सनि॑ पशु॒सनि॑ लोक॒सन्य॑भय॒सनि॑ ।
अ॒ग्निः प्र॒जां ब॑हु॒लां मे॑ करो॒त्वन्नं॒ पयो॒ रेतो॑ अ॒स्मासु॑ धत्त ॥१९॥
Idam havih prajananam me astu dashaviram sarvaganam svastaye
Atmasani prajasani pashusani lokasanyabhayasani
Agnih prajam bahulam me karotvannam payo reto asmasu dhatta
21.52
(३) ५०
उदी॑रता॒मव॑र॒ उत्परा॑स॒ उन्म॑ध्य॒माः पि॒तरः॑ सो॒म्यासः॑ ।
असुं॒ य ई॒युर॑वृ॒का ऋ॑त॒ज्ञास्ते नो॑ऽवन्तु पि॒तरो॒ हवे॑षु ॥१॥
(3) 50
Udiratamavara utparasa unmadhyamah pitarah somyasah
Asum ya iyuravrika ritagyaste novantu pitaro haveshu
21.53
त्वᳪ सो॑म॒ प्रचि॑कितो मनी॒षा त्वᳪ रजि॑ष्ठ॒मनु॑ नेषि॒ पन्था॑म् ।
तव॒ प्रणी॑ती पि॒तरो॑ न इन्दो दे॒वेषु॒ रत्न॑मभजन्त॒ धीराः॑ ॥२॥
Tvam soma prachikito manisha tvam rajishthamanu neshi pantham
Tava praniti pitaro na indo deveshu ratnamabhajanta dhirah
21.54
त्वया॒ हि नः॑ पि॒तरः॑ सोम॒ पूर्वे॒ कर्मा॑णि च॒क्रुः प॑वमान॒ धीराः॑ ।
व॒न्वन्नवा॑तः परि॒धीᳪरपो॑र्णु वी॒रेभि॒रश्वै॑र्म॒घवा॑ भवा नः ॥३॥
Tvaya hi nah pitarah soma purve karmani chakruh pavamana dhirah
Vanvannavatah paridhinrapornu virebhirashvairmaghava bhava nah
21.55
त्वᳪ सो॑मᳪ पि॒तृभिः॑ संविदा॒नोऽनु॒ द्यावा॑पृथि॒वी आ त॑तन्थ ।
तस्मै॑ त इन्दो ह॒विषा॑ विधेम व॒यᳪ स्या॑म॒ पत॑यो रयी॒णाम् ॥४॥
Tvam somam pitribhih sanvidanonu dyavaprithivi a tatantha
Tasmai ta indo havisha vidhema vayam syama patayo rayinam
21.56
बर्हि॑षदः पितर ऊ॒त्य॒र्वागि॒मा वो॑ ह॒व्या च॑कृमा जु॒षध्व॑म् ।
त आ ग॒ताव॑सा॒ शन्त॑मे॒नाथा॑ नः॒ शं योर॑र॒पो द॑धात ॥५॥
Barhishadah pitara utyarvagima vo havya chakrima jushadhvam
Ta a gatavasa shantamenatha nah sham yorarapo dadhata
21.57
५५ (१२२८)
उप॑हूताः पि॒तरः॑ सो॒म्यासो॑ बर्हि॒ष्ये॑षु नि॒धिषु॑ प्रि॒येषु॑ ।
त आ ग॑मन्तु॒ त इ॒ह श्रु॑व॒न्त्वधि॑ ब्रुवन्तु॒ ते॑ऽवन्त्व॒स्मान् ॥६॥
55 (1228)
Upahutah pitarah somyaso barhishyeshu nidhishu priyeshu
Ta a gamantu ta iha shruvantvadhi bruvantu tevantvasman
21.58
आहं पि॒तॄन्त्सु॑वि॒दत्राँ॑२ अवित्सि॒ नपा॑तं च वि॒क्रम॑णं च॒ विष्णोः॑ ।
ब॒र्हि॒षदो॒ ये स्व॒धया॑ सु॒तस्य॒ भज॑न्त पि॒त्वस्त इ॒हाग॑मिष्ठाः ॥७॥
Aham pitrintsuvidatran2 avitsi napatam cha vikramanam cha vishnoh
Barhishado ye svadhaya sutasya bhajanta pitvasta ihagamishthah
21.59
अग्नि॑ष्वात्ताः पितर॒ एह ग॑च्छत॒ सदः॑ सदः सदत सुप्रणीतयः ।
अ॒त्ता ह॒वीᳪषि॒ प्रय॑तानि ब॒र्हिष्यथा॑ र॒यिᳪ सर्व॑वीरं दधातन ॥८॥
Agnishvattah pitara eha gachchhata sadah sadah sadata supranitayah
Atta havinshi prayatani barhishyatha rayim sarvaviram dadhatana
21.60
आ य॑न्तु नः पि॒तरः॑ सो॒म्यासो॑ऽग्निष्वा॒त्ताः प॒थिभि॑र्देव॒यानैः॑ ।
अ॒स्मिन् य॒ज्ञे स्व॒धया॒ मद॒न्तोऽधि॑ ब्रुवन्तु॒ ते॑ऽवन्त्व॒स्मान् ॥९॥
A yantu nah pitarah somyasognishvattah pathibhirdevayanaih
Asmin yagye svadhaya madantodhi bruvantu tevantvasman
21.61
ये अ॑ग्निष्वा॒त्ता ये अन॑ग्निष्वात्ता॒ मध्ये॑ दि॒वः स्व॒धया॑ मा॒दय॑न्ते ।
तेभ्यः॑ स्व॒राळसु॑नीतिमे॒तां य॑थाव॒शं त॒न्वं॑ कल्पयाति ॥१०॥
Ye agnishvatta ye anagnishvatta madhye divah svadhaya madayante
Tebhyah svaralasunitimetam yathavasham tanvam kalpayati
21.62
अ॒ग्नि॒ष्वा॒त्तानृ॑तु॒मतो॑ हवामहे नाराश॒ᳪसे सो॑मपी॒थं य आ॒शुः ।
ते नो॒ विप्रा॑सः सु॒हवा॑ भवन्तु व॒यᳪ स्या॑म॒ पत॑यो रयी॒णाम् ॥११॥
Agnishvattanritumato havamahe narashanse somapitham ya ashuh
Te no viprasah suhava bhavantu vayam syama patayo rayinam
21.63
आच्या॒ जानु॑ दक्षिण॒तो नि॒षद्ये॒मं य॒ज्ञम॒भि गृ॑णीत॒ विश्वे॑ ।
मा हि॑ᳪसिष्ट पितरः॒ केन॑ चिन्नो॒ यद्व॒ आगः॑ पुरु॒षता॒ करा॑म ॥१२॥
Achya janu dakshinato nishadyemam yagyamabhi grinita vishve
Ma hinsishta pitarah kena chinno yadva agah purushata karama
21.64
आसी॑नासो अरु॒णीना॑मु॒पस्थे॑ र॒यिं ध॑त्त दा॒शुषे॒ मर्त्या॑य ।
पु॒त्रेभ्यः॑ पितर॒स्तस्य॒ वस्वः॒ प्र य॑च्छत॒ त इ॒होर्जं॑ दधात ॥१३॥
Asinaso aruninamupasthe rayim dhatta dashushe martyaya
Putrebhyah pitarastasya vasvah pra yachchhata ta ihorjam dadhata
21.65
यम॑ग्ने कव्यवाहन॒ त्वं चि॒न्मन्य॑से र॒यिम् । तन्नो॑ गी॒र्भिः श्र॒वाय्यं॑ देव॒त्रा प॑नया॒ युज॑म् ॥१४॥
Yamagne kavyavahana tvam chinmanyase rayim, tanno girbhih shravayyam devatra panaya yujam
21.66
यो अ॒ग्निः क॑व्य॒वाह॑नः पि॒तॄन्यक्ष॑दृता॒वृधः॑ । प्रेदु॑ ह॒व्यानि॑ वोचति दे॒वेभ्य॑श्च पि॒तृभ्य॒ आ ॥१५॥
Yo agnih kavyavahanah pitrinyakshadritavridhah, predu havyani vochati devebhyashcha pitribhya a
21.67
त्वम॑ग्न ईळि॒तः जा॑तवे॒दो वा॑ड्ढ॒व्यानि॑ सुर॒भीणि॑ कृ॒त्वी ।
प्रादाः॑ पि॒तृभ्यः॑ स्व॒धया॒ ते अ॑क्षन्न॒द्धि त्वं दे॑व॒ प्रय॑ता ह॒वीᳪषि॑ ॥१६॥
Tvamagna ilitah jatavedo vaddhavyani surabhini kritvi
Pradah pitribhyah svadhaya te akshannaddhi tvam deva prayata havinshi
21.68
इ॒दं पि॒तृभ्यो॒ नमो॑ अस्त्व॒द्य ये पूर्वा॑सो॒ य उप॑रास ई॒युः ।
Idam pitribhyo namo astvadya ye purvaso ya uparasa iyuh