UtshovSarga 68
68.1
अथाहमुत्तरं देव्या पुनरुक्तः ससम्भ्रमः ।
तव स्नेहान्नरव्याघ्र सौहार्दादनुमान्य वै ।। ५.६८.१ ।।।।
Athahamuttaram devya punaruktah sasambhramah
Tava snehannaravyaghra sauhardadanumanya vai
68.2
एवं बहुविधं वाच्यो रामो दाशरथिस्त्वया ।
यथा मामाप्नुयाच्छीघ्रं हत्वा रावणमाहवे ।। ५.६८.२ ।।।।
Evam bahuvidham vachyo ramo dasharathistvaya
Yatha mamapnuyachchhighram hatva ravanamahave
68.3
यदि वा मन्यसे वीर वसैकाहमरिन्दम ।
कस्मिंश्चित्संवृते देशे विश्रान्तः श्वो गमिष्यसि ।। ५.६८.३ ।।।।
Yadi va manyase vira vasaikahamarindama
Kasminshchitsanvrite deshe vishrantah shvo gamishyasi
68.4
मम चाप्यल्पभाग्यायाः सान्निध्यात्तव वीर्यवन् ।
अस्य शोकविपाकस्य मुहूर्तं स्याद्विमोक्षणम् ।। ५.६८.४ ।।।।
Mama chapyalpabhagyayah sannidhyattava viryavan
Asya shokavipakasya muhurtam syadvimokshanam
68.5
गते हि त्वयि विक्रान्ते पुनरागमनाय वै ।
प्राणानामपि सन्देहो मम स्यान्नात्र संशयः ।। ५.६८.५ ।।।।
Gate hi tvayi vikrante punaragamanaya vai
Prananamapi sandeho mama syannatra sanshayah
68.6
तवादर्शनजः शोको भूयो मां परितापयेत् ।
दुःखाद्दुःखपराभूतां दुर्गतां दुःखभागिनीम् ।। ५.६८.६ ।।।।
Tavadarshanajah shoko bhuyo mam paritapayet
Duhkhadduhkhaparabhutam durgatam duhkhabhaginim
68.7
अयं च वीर सन्देहस्तिष्ठतीव ममाग्रतः ।
सुमहांस्त्वत्सहायेषु हर्यृक्षेषु हरीश्वर ।। ५.६८.७ ।।।।
Ayam cha vira sandehastishthativa mamagratah
Sumahanstvatsahayeshu haryriksheshu harishvara
68.8
कथं नु खलु दुष्पारं तरिष्यन्ति महोदधिम् ।
तानि हर्यृक्षसैन्यानि तौ वा नरवरात्मजौ ।। ५.६८.८ ।।।।
Katham nu khalu dushparam tarishyanti mahodadhim
Tani haryrikshasainyani tau va naravaratmajau
68.9
त्रयाणामेव भूतानां सागरस्यास्य लङ्घने ।
शक्तिः स्याद्वैनतेयस्य तव वा मारुतस्य वा ।। ५.६८.९ ।।।।
Trayanameva bhutanam sagarasyasya langhane
Shaktih syadvainateyasya tava va marutasya va
68.10
तदस्मिन् कार्यनिर्योगे वीरैवं दुरतिक्रमे ।
किं पश्यसि समाधानं ब्रूहि कार्यविदां वर ।। ५.६८.१० ।।।।
Tadasmin karyaniryoge viraivam duratikrame
Kim pashyasi samadhanam bruhi karyavidam vara
68.11
काममस्य त्वमेवैकः कार्यस्य परिसाधने ।
पर्याप्तः परवीरघ्न यशस्यस्ते बलोदयः ।। ५.६८.११ ।।८.१० ।।।।
Kamamasya tvamevaikah karyasya parisadhane
Paryaptah paraviraghna yashasyaste balodayah
68.12
बलैः समग्रैर्यदि मां हत्वा रावणमाहवे ।
विजयी स्वां पुरीं रामो नयेत्तत् स्याद्यशस्करम् ।। ५.६८.१२ ।।।।
Balaih samagrairyadi mam hatva ravanamahave
Vijayi svam purim ramo nayettat syadyashaskaram
68.13
यथा ऽहं तस्य वीरस्य वनादुपधिना हृता ।
रक्षसा तद्भया देव तथा नार्हति राघवः ।। ५.६८.१३ ।।।।
Yatha ham tasya virasya vanadupadhina hrita
Rakshasa tadbhaya deva tatha narhati raghavah
68.14
बलैस्तु सङ्कुलां कृत्वा लङ्कां परबलार्दनः ।
मां नयेद्यदि काकुत्स्थस्तत्तस्य सदृशं भवेत् ।। ५.६८.१४ ।।।।
Balaistu sankulam kritva lankam parabalardanah
Mam nayedyadi kakutsthastattasya sadrisham bhavet
68.15
तद्यथा तस्य विक्रान्तमनुरूपं महात्मनः ।
भवत्याहवशूरस्य तथा त्वमुपपादय ।। ५.६८.१५ ।।।।
Tadyatha tasya vikrantamanurupam mahatmanah
Bhavatyahavashurasya tatha tvamupapadaya
68.16
तदर्थोपहितं वाक्यं प्रश्रितं हेतुसंहितम् ।
निशम्याहं ततः शेषं वाक्यमुत्तरमब्रुवम् ।। ५.६८.१६ ।।।।
Tadarthopahitam vakyam prashritam hetusanhitam
Nishamyaham tatah shesham vakyamuttaramabruvam
68.17
देवि हर्यृक्षसैन्यानामीश्वरः प्लवतां वरः ।
सुग्रीवः सत्त्वसम्पन्नस्तवार्थे कृतनिश्चयः ।। ५.६८.१७ ।।।।
Devi haryrikshasainyanamishvarah plavatam varah
Sugrivah sattvasampannastavarthe kritanishchayah
68.18
तस्य विक्रमसम्पन्नाः सत्त्ववन्तो महाबलाः ।
मनस्सङ्कल्पसम्पाता निदेशे हरयः स्थिताः ।। ५.६८.१८ ।।।।
Tasya vikramasampannah sattvavanto mahabalah
Manassankalpasampata nideshe harayah sthitah
68.19
येषां नोपरि नाधस्तान्न तिर्यक् सज्जते गतिः ।
न च कर्मसु सीदन्ति महत्स्वमिततेजसः ।। ५.६८.१९ ।।।।
Yesham nopari nadhastanna tiryak sajjate gatih
Na cha karmasu sidanti mahatsvamitatejasah
68.20
असकृत्तैर्महाभागैर्वानरैर्बलदर्पितैः ।
प्रदक्षिणीकृता भूमिर्वायुमार्गानुसारिभिः ।। ५.६८.२० ।।।।
Asakrittairmahabhagairvanarairbaladarpitaih
Pradakshinikrita bhumirvayumarganusaribhih
68.21
मद्विशिष्टाश्च तुल्याश्च सन्ति तत्र वनौकसः ।
मत्तः प्रत्यवरः कश्चिन्नास्ति सुग्रीवसन्निधौ ।। ५.६८.२१ ।।।।
Madvishishtashcha tulyashcha santi tatra vanaukasah
Mattah pratyavarah kashchinnasti sugrivasannidhau
68.22
अहं तावदिह प्राप्तः किं पुनस्ते महाबलाः ।
न हि प्रकृष्टाः प्रेष्यन्ते प्रेष्यन्ते हीतरे जनाः ।। ५.६८.२२ ।।।।
Aham tavadiha praptah kim punaste mahabalah
Na hi prakrishtah preshyante preshyante hitare janah
68.23
तदलं परितापेन देवि मन्युर्व्यपैतु ते ।
एकोत्पातेन वै लङ्कामेष्यन्ति हरियूथपाः ।। ५.६८.२३ ।।।।
Tadalam paritapena devi manyurvyapaitu te
Ekotpatena vai lankameshyanti hariyuthapah
68.24
मम पृष्ठगतौ तौ च चन्द्रसूर्याविवोदितौ ।
त्वत्सकाशं महाभागे नृसिंहावागमिष्यतः ।। ५.६८.२४ ।।।।
Mama prishthagatau tau cha chandrasuryavivoditau
Tvatsakasham mahabhage nrisinhavagamishyatah
68.25
अरिघ्नं सिंहसङ्काशं क्षिप्रं द्रक्ष्यसि राघवम् ।
लक्ष्मणं च धनुष्पाणीं लङ्काद्वारमुपस्थितम् ।। ५.६८.२५ ।।।।
Arighnam sinhasankasham kshipram drakshyasi raghavam
Lakshmanam cha dhanushpanim lankadvaramupasthitam
68.26
नखदंष्ट्रायुधान् वीरान् सिंहशार्दूलविक्रमान् ।
वानरान् वारणेन्द्राभान् क्षिप्रं द्रक्ष्यसि सङ्गतान् ।। ५.६८.२६ ।।।।
Nakhadanshtrayudhan viran sinhashardulavikraman
Vanaran varanendrabhan kshipram drakshyasi sangatan
68.27
शैलाम्बुदनिकाशानां लङ्कामलयसानुषु ।
नर्दतां कपिमुख्यानामचिराच्छ्रोष्यसि स्वनम् ।। ५.६८.२७ ।।।।
Shailambudanikashanam lankamalayasanushu
Nardatam kapimukhyanamachirachchhroshyasi svanam
68.28
निवृत्तवनवासं च त्वया सार्धमरिन्दमम् ।
अभिषिक्तमयोध्यायां क्षिप्रं द्रक्ष्यसि राघवम् ।। ५.६८.२८ ।।।।
Nivrittavanavasam cha tvaya sardhamarindamam
Abhishiktamayodhyayam kshipram drakshyasi raghavam
68.29
ततो मया वाग्भिरदीनभाषिणा शिवाभिरिष्टाभिरभिप्रसादिता ।
जगाम शान्तिं मम मैथिलात्मजा तवापि शोकेन तदा ऽभिपीडिता ।। ५.६८.२९ ।।
Tato maya vagbhiradinabhashina shivabhirishtabhirabhiprasadita
Jagama shantim mama maithilatmaja tavapi shokena tada bhipidita