Sukta 82

82.1

9 kusidi kanvah, indrah, gayatri

आ प्र द्र॑व परा॒वतो॑ऽर्वा॒वत॑श्च वृत्रहन् । मध्व॒ः प्रति॒ प्रभ॑र्मणि ॥१॥

A pra drava paravatorvavatashcha vritrahan, madhvah prati prabharmani

ती॒व्राः सोमा॑स॒ आ ग॑हि सु॒तासो॑ मादयि॒ष्णव॑ः । पिबा॑ द॒धृग्यथो॑चि॒षे ॥२॥

Tivrah somasa a gahi sutaso madayishnavah, piba dadhrigyathochishe

इ॒षा म॑न्द॒स्वादु॒ तेऽरं॒ वरा॑य म॒न्यवे॑ । भुव॑त्त इन्द्र॒ शं हृ॒दे ॥३॥

Isha mandasvadu teram varaya manyave, bhuvatta indra sham hride

आ त्व॑शत्र॒वा ग॑हि॒ न्यु१क्थानि॑ च हूयसे । उ॒प॒मे रो॑च॒ने दि॒वः ॥४॥

A tvashatrava gahi nyu1kthani cha huyase, upame rochane divah

तुभ्या॒यमद्रि॑भिः सु॒तो गोभि॑ः श्री॒तो मदा॑य॒ कम् । प्र सोम॑ इन्द्र हूयते ॥५॥

Tubhyayamadribhih suto gobhih shrito madaya kam, pra soma indra huyate

इन्द्र॑ श्रु॒धि सु मे॒ हव॑म॒स्मे सु॒तस्य॒ गोम॑तः । वि पी॒तिं तृ॒प्तिम॑श्नुहि ॥६॥

Indra shrudhi su me havamasme sutasya gomatah, vi pitim triptimashnuhi

य इ॑न्द्र चम॒सेष्वा सोम॑श्च॒मूषु॑ ते सु॒तः । पिबेद॑स्य॒ त्वमी॑शिषे ॥७॥

Ya indra chamaseshva somashchamushu te sutah, pibedasya tvamishishe

यो अ॒प्सु च॒न्द्रमा॑ इव॒ सोम॑श्च॒मूषु॒ ददृ॑शे । पिबेद॑स्य॒ त्वमी॑शिषे ॥८॥

Yo apsu chandrama iva somashchamushu dadrishe, pibedasya tvamishishe

यं ते॑ श्ये॒नः प॒दाभ॑रत्ति॒रो रजां॒स्यस्पृ॑तम् । पिबेद॑स्य॒ त्वमी॑शिषे ॥९॥

Yam te shyenah padabharattiro rajansyaspritam, pibedasya tvamishishe