Sukta 5

5.1

9 maitravarunirvasishthah, vaishvanarognih, trishtup

प्राग्नये॑ त॒वसे॑ भरध्वं॒ गिरं॑ दि॒वो अ॑र॒तये॑ पृथि॒व्याः ।
यो विश्वे॑षाम॒मृता॑नामु॒पस्थे॑ वैश्वान॒रो वा॑वृ॒धे जा॑गृ॒वद्भि॑ः ॥१॥

Pragnaye tavase bharadhvam giram divo arataye prithivyah
Yo vishveshamamritanamupasthe vaishvanaro vavridhe jagrivadbhih

पृ॒ष्टो दि॒वि धाय्य॒ग्निः पृ॑थि॒व्यां ने॒ता सिन्धू॑नां वृष॒भः स्तिया॑नाम् ।
स मानु॑षीर॒भि विशो॒ वि भा॑ति वैश्वान॒रो वा॑वृधा॒नो वरे॑ण ॥२॥

Prishto divi dhayyagnih prithivyam neta sindhunam vrishabhah stiyanam
Sa manushirabhi visho vi bhati vaishvanaro vavridhano varena

त्वद्भि॒या विश॑ आय॒न्नसि॑क्नीरसम॒ना जह॑ती॒र्भोज॑नानि ।
वैश्वा॑नर पू॒रवे॒ शोशु॑चान॒ः पुरो॒ यद॑ग्ने द॒रय॒न्नदी॑देः ॥३॥

Tvadbhiya visha ayannasiknirasamana jahatirbhojanani
Vaishvanara purave shoshuchanah puro yadagne darayannadideh

तव॑ त्रि॒धातु॑ पृथि॒वी उ॒त द्यौर्वैश्वा॑नर व्र॒तम॑ग्ने सचन्त ।
त्वं भा॒सा रोद॑सी॒ आ त॑त॒न्थाज॑स्रेण शो॒चिषा॒ शोशु॑चानः ॥४॥

Tava tridhatu prithivi uta dyaurvaishvanara vratamagne sachanta
Tvam bhasa rodasi a tatanthajasrena shochisha shoshuchanah

त्वाम॑ग्ने ह॒रितो॑ वावशा॒ना गिर॑ः सचन्ते॒ धुन॑यो घृ॒ताची॑ः ।
पतिं॑ कृष्टी॒नां र॒थ्यं॑ रयी॒णां वै॑श्वान॒रमु॒षसां॑ के॒तुमह्ना॑म् ॥५॥

Tvamagne harito vavashana girah sachante dhunayo ghritachih
Patim krishtinam rathyam rayinam vaishvanaramushasam ketumahnam

त्वे अ॑सु॒र्यं१ वस॑वो॒ न्यृ॑ण्व॒न्क्रतुं॒ हि ते॑ मित्रमहो जु॒षन्त॑ ।
त्वं दस्यूँ॒रोक॑सो अग्न आज उ॒रु ज्योति॑र्ज॒नय॒न्नार्या॑य ॥६॥

Tve asuryan1 vasavo nyrinvankratum hi te mitramaho jushanta
Tvam dasyunrokaso agna aja uru jyotirjanayannaryaya

स जाय॑मानः पर॒मे व्यो॑मन्वा॒युर्न पाथ॒ः परि॑ पासि स॒द्यः ।
त्वं भुव॑ना ज॒नय॑न्न॒भि क्र॒न्नप॑त्याय जातवेदो दश॒स्यन् ॥७॥

Sa jayamanah parame vyomanvayurna pathah pari pasi sadyah
Tvam bhuvana janayannabhi krannapatyaya jatavedo dashasyan

ताम॑ग्ने अ॒स्मे इष॒मेर॑यस्व॒ वैश्वा॑नर द्यु॒मतीं॑ जातवेदः ।
यया॒ राध॒ः पिन्व॑सि विश्ववार पृ॒थु श्रवो॑ दा॒शुषे॒ मर्त्या॑य ॥८॥

Tamagne asme ishamerayasva vaishvanara dyumatim jatavedah
Yaya radhah pinvasi vishvavara prithu shravo dashushe martyaya

तं नो॑ अग्ने म॒घव॑द्भ्यः पुरु॒क्षुं र॒यिं नि वाजं॒ श्रुत्यं॑ युवस्व ।
वैश्वा॑नर॒ महि॑ न॒ः शर्म॑ यच्छ रु॒द्रेभि॑रग्ने॒ वसु॑भिः स॒जोषा॑ः ॥९॥

Tam no agne maghavadbhyah purukshum rayim ni vajam shrutyam yuvasva
Vaishvanara mahi nah sharma yachchha rudrebhiragne vasubhih sajoshah