Sukta 13

13.1

3 maitravarunirvasishthah, vaishvanarognih, trishtup

प्राग्नये॑ विश्व॒शुचे॑ धियं॒धे॑ऽसुर॒घ्ने मन्म॑ धी॒तिं भ॑रध्वम् ।
भरे॑ ह॒विर्न ब॒र्हिषि॑ प्रीणा॒नो वै॑श्वान॒राय॒ यत॑ये मती॒नाम् ॥१॥

Pragnaye vishvashuche dhiyandhesuraghne manma dhitim bharadhvam
Bhare havirna barhishi prinano vaishvanaraya yataye matinam

13.2

त्वम॑ग्ने शो॒चिषा॒ शोशु॑चान॒ आ रोद॑सी अपृणा॒ जाय॑मानः ।
त्वं दे॒वाँ अ॒भिश॑स्तेरमुञ्चो॒ वैश्वा॑नर जातवेदो महि॒त्वा ॥२॥

Tvamagne shochisha shoshuchana a rodasi aprina jayamanah
Tvam devam abhishasteramuncho vaishvanara jatavedo mahitva

13.3

जा॒तो यद॑ग्ने॒ भुव॑ना॒ व्यख्य॑ः प॒शून्न गो॒पा इर्य॒ः परि॑ज्मा ।
वैश्वा॑नर॒ ब्रह्म॑णे विन्द गा॒तुं यू॒यं पा॑त स्व॒स्तिभि॒ः सदा॑ नः ॥३॥

Jato yadagne bhuvana vyakhyah pashunna gopa iryah parijma
Vaishvanara brahmane vinda gatum yuyam pata svastibhih sada nah