Sukta 14

14.1

3 maitravarunirvasishthah, agnih, trishtup, 1 brihati

स॒मिधा॑ जा॒तवे॑दसे दे॒वाय॑ दे॒वहू॑तिभिः ।
ह॒विर्भि॑ः शु॒क्रशो॑चिषे नम॒स्विनो॑ व॒यं दा॑शेमा॒ग्नये॑ ॥१॥

Samidha jatavedase devaya devahutibhih
Havirbhih shukrashochishe namasvino vayam dashemagnaye

14.2

व॒यं ते॑ अग्ने स॒मिधा॑ विधेम व॒यं दा॑शेम सुष्टु॒ती य॑जत्र ।
व॒यं घृ॒तेना॑ध्वरस्य होतर्व॒यं दे॑व ह॒विषा॑ भद्रशोचे ॥२॥

Vayam te agne samidha vidhema vayam dashema sushtuti yajatra
Vayam ghritenadhvarasya hotarvayam deva havisha bhadrashoche

14.3

आ नो॑ दे॒वेभि॒रुप॑ दे॒वहू॑ति॒मग्ने॑ या॒हि वष॑ट्कृतिं जुषा॒णः ।
तुभ्यं॑ दे॒वाय॒ दाश॑तः स्याम यू॒यं पा॑त स्व॒स्तिभि॒ः सदा॑ नः ॥३॥

A no devebhirupa devahutimagne yahi vashatkritim jushanah
Tubhyam devaya dashatah syama yuyam pata svastibhih sada nah