Sukta 12

12.1

3 maitravarunirvasishthah, agnih, trishtup

अग॑न्म म॒हा नम॑सा॒ यवि॑ष्ठं॒ यो दी॒दाय॒ समि॑द्ध॒ः स्वे दु॑रो॒णे ।
चि॒त्रभा॑नुं॒ रोद॑सी अ॒न्तरु॒र्वी स्वा॑हुतं वि॒श्वत॑ः प्र॒त्यञ्च॑म् ॥१॥

Aganma maha namasa yavishtham yo didaya samiddhah sve durone
Chitrabhanum rodasi antarurvi svahutam vishvatah pratyancham

स म॒ह्ना विश्वा॑ दुरि॒तानि॑ सा॒ह्वान॒ग्निः ष्ट॑वे॒ दम॒ आ जा॒तवे॑दाः ।
स नो॑ रक्षिषद्दुरि॒ताद॑व॒द्याद॒स्मान्गृ॑ण॒त उ॒त नो॑ म॒घोन॑ः ॥२॥

Sa mahna vishva duritani sahvanagnih shtave dama a jatavedah
Sa no rakshishadduritadavadyadasmangrinata uta no maghonah

त्वं वरु॑ण उ॒त मि॒त्रो अ॑ग्ने॒ त्वां व॑र्धन्ति म॒तिभि॒र्वसि॑ष्ठाः ।
त्वे वसु॑ सुषण॒नानि॑ सन्तु यू॒यं पा॑त स्व॒स्तिभि॒ः सदा॑ नः ॥३॥

Tvam varuna uta mitro agne tvam vardhanti matibhirvasishthah
Tve vasu sushananani santu yuyam pata svastibhih sada nah