Sukta 43

43.1

3 gritsamada (angirasah shaunahotrah pashchad) bhargavah shaunakah, shakuntah(-kapinjalarupindrah), jagati, 2 atishakvari ashtirva

प्र॒द॒क्षि॒णिद॒भि गृ॑णन्ति का॒रवो॒ वयो॒ वद॑न्त ऋतु॒था श॒कुन्त॑यः ।
उ॒भे वाचौ॑ वदति साम॒गा इ॑व गाय॒त्रं च॒ त्रैष्टु॑भं॒ चानु॑ राजति ॥१॥

Pradakshinidabhi grinanti karavo vayo vadanta ritutha shakuntayah
Ubhe vachau vadati samaga iva gayatram cha traishtubham chanu rajati

43.2

उ॒द्गा॒तेव॑ शकुने॒ साम॑ गायसि ब्रह्मपु॒त्र इ॑व॒ सव॑नेषु शंससि ।
वृषे॑व वा॒जी शिशु॑मतीर॒पीत्या॑ स॒र्वतो॑ नः शकुने भ॒द्रमा व॑द
वि॒श्वतो॑ नः शकुने॒ पुण्य॒मा व॑द ॥२॥

Udgateva shakune sama gayasi brahmaputra iva savaneshu shansasi
Vrisheva vaji shishumatirapitya sarvato nah shakune bhadrama vada
Vishvato nah shakune punyama vada

43.3

आ॒वदं॒स्त्वं श॑कुने भ॒द्रमा व॑द तू॒ष्णीमासी॑नः सुम॒तिं चि॑किद्धि नः ।
यदु॒त्पत॒न् वद॑सि कर्क॒रिर्य॑था बृ॒हद् व॑देम वि॒दथे॑ सु॒वीरा॑ः ॥३॥

Avadanstvam shakune bhadrama vada tushnimasinah sumatim chikiddhi nah
Yadutpatan vadasi karkariryatha brihad vadema vidathe suvirah

43.4

॥इति द्वितीयं मण्डलं समाप्तम्॥

, Iti dvitiyam mandalam samaptam