সূক্ত 43

43.1

৩ গৃত্সমদ (আঙ্গিরসঃ শৌনহোত্রঃ পশ্চাদ্) ভার্গবঃ শৌনকঃ। শকুন্তঃ(-কপিঞ্জলরূপীন্দ্রঃ)। জগতী, ২ অতিশক্বরী অষ্টির্বা।

প্রদক্ষিণিদভি গৃণন্তি কারবো বয়ো বদন্ত ঋতুথা শকুন্তয়ঃ ।
উভে বাচৌ বদতি সামগা ইব গায়ত্রং চ ত্রৈষ্টুভং চানু রাজতি ॥১॥

43.2

উদ্গাতেব শকুনে সাম গায়সি ব্রহ্মপুত্র ইব সবনেষু শংসসি ।
বৃষেব বাজী শিশুমতীরপীত্যা সর্বতো নঃ শকুনে ভদ্রমা বদ
বিশ্বতো নঃ শকুনে পুণ্যমা বদ ॥২॥

43.3

আবদংস্ত্বং শকুনে ভদ্রমা বদ তূষ্ণীমাসীনঃ সুমতিং চিকিদ্ধি নঃ ।
যদুত্পতন্ বদসি কর্করির্যথা বৃহদ্ বদেম বিদথে সুবীরাঃ ॥৩॥

43.4

॥ইতি দ্বিতীয়ং মণ্ডলং সমাপ্তম্॥