Sukta 26

26.1

4 gritsamada (angirasah shaunahotrah pashchad) bhargavah shaunakah, brahmanaspatih, jagati

ऋ॒जुरिच्छंसो॑ वनवद् वनुष्य॒तो दे॑व॒यन्निददे॑वयन्तम॒भ्य॑सत् ।
सु॒प्रा॒वीरिद् व॑नवत् पृ॒त्सु दु॒ष्टरं॒ यज्वेदय॑ज्यो॒र्वि भ॑जाति॒ भोज॑नम् ॥१॥

Rijurichchhanso vanavad vanushyato devayannidadevayantamabhyasat
Supravirid vanavat pritsu dushtaram yajvedayajyorvi bhajati bhojanam

26.2

यज॑स्व वीर॒ प्र वि॑हि मनाय॒तो भ॒द्रं मन॑ः कृणुष्व वृत्र॒तूर्ये॑ ।
ह॒विष्कृ॑णुष्व सु॒भगो॒ यथास॑सि॒ ब्रह्म॑ण॒स्पते॒रव॒ आ वृ॑णीमहे ॥२॥

Yajasva vira pra vihi manayato bhadram manah krinushva vritraturye
Havishkrinushva subhago yathasasi brahmanaspaterava a vrinimahe

26.3

स इज्जने॑न॒ स वि॒शा स जन्म॑ना॒ स पु॒त्रैर्वाजं॑ भरते॒ धना॒ नृभि॑ः ।
दे॒वानां॒ यः पि॒तर॑मा॒विवा॑सति श्र॒द्धाम॑ना ह॒विषा॒ ब्रह्म॑ण॒स्पति॑म् ॥३॥

Sa ijjanena sa visha sa janmana sa putrairvajam bharate dhana nribhih
Devanam yah pitaramavivasati shraddhamana havisha brahmanaspatim

26.4

यो अ॑स्मै ह॒व्यैर्घृ॒तव॑द्भि॒रवि॑ध॒त् प्र तं प्रा॒चा न॑यति॒ ब्रह्म॑ण॒स्पति॑ः ।
उ॒रु॒ष्यती॒मंह॑सो॒ रक्ष॑ती रि॒षों॒३ ऽहोश्चि॑दस्मा उरु॒चक्रि॒रद्भु॑तः ॥४॥

Yo asmai havyairghritavadbhiravidhat pra tam pracha nayati brahmanaspatih
Urushyatimanhaso rakshati rishon3 hoshchidasma uruchakriradbhutah