Sukta 181

181.1

3 kramena- pratho vasishthah, sapratho bharadvajah, dharmah sauryah, vishvedevah, trishtup

प्रथ॑श्च॒ यस्य॑ स॒प्रथ॑श्च॒ नामाऽऽनु॑ष्टुभस्य ह॒विषो॑ ह॒विर्यत् ।
धा॒तुर्द्युता॑नात्सवि॒तुश्च॒ विष्णो॑ रथंत॒रमा ज॑भारा॒ वसि॑ष्ठः ॥१॥

Prathashcha yasya saprathashcha namanushtubhasya havisho haviryat
Dhaturdyutanatsavitushcha vishno rathantarama jabhara vasishthah

अवि॑न्द॒न्ते अति॑हितं॒ यदासी॑द्य॒ज्ञस्य॒ धाम॑ पर॒मं गुहा॒ यत् ।
धा॒तुर्द्युता॑नात्सवि॒तुश्च॒ विष्णो॑र्भ॒रद्वा॑जो बृ॒हदा च॑क्रे अ॒ग्नेः ॥२॥

Avindante atihitam yadasidyagyasya dhama paramam guha yat
Dhaturdyutanatsavitushcha vishnorbharadvajo brihada chakre agneh

ते॑ऽविन्द॒न्मन॑सा॒ दीध्या॑ना॒ यजु॑ः ष्क॒न्नं प्र॑थ॒मं दे॑व॒यान॑म् ।
धा॒तुर्द्युता॑नात्सवि॒तुश्च॒ विष्णो॒रा सूर्या॑दभरन्घ॒र्ममे॒ते ॥३॥

Tevindanmanasa didhyana yajuh shkannam prathamam devayanam
Dhaturdyutanatsavitushcha vishnora suryadabharangharmamete