Sukta 180

180.1

3 jaya aindrah, indrah, trishtup

प्र स॑साहिषे पुरुहूत॒ शत्रू॒ञ्ज्येष्ठ॑स्ते॒ शुष्म॑ इ॒ह रा॒तिर॑स्तु ।
इन्द्रा भ॑र॒ दक्षि॑णेना॒ वसू॑नि॒ पति॒ः सिन्धू॑नामसि रे॒वती॑नाम् ॥१॥

Pra sasahishe puruhuta shatrunjyeshthaste shushma iha ratirastu
Indra bhara dakshinena vasuni patih sindhunamasi revatinam

मृ॒गो न भी॒मः कु॑च॒रो गि॑रि॒ष्ठाः प॑रा॒वत॒ आ ज॑गन्था॒ पर॑स्याः ।
सृ॒कं सं॒शाय॑ प॒विमि॑न्द्र ति॒ग्मं वि शत्रू॑न्ताळ्हि॒ वि मृधो॑ नुदस्व ॥२॥

Mrigo na bhimah kucharo girishthah paravata a jagantha parasyah
Srikam sanshaya pavimindra tigmam vi shatruntalhi vi mridho nudasva

इन्द्र॑ क्ष॒त्रम॒भि वा॒ममोजोऽजा॑यथा वृषभ चर्षणी॒नाम् ।
अपा॑नुदो॒ जन॑ममित्र॒यन्त॑मु॒रुं दे॒वेभ्यो॑ अकृणोरु लो॒कम् ॥३॥

Indra kshatramabhi vamamojojayatha vrishabha charshaninam
Apanudo janamamitrayantamurum devebhyo akrinoru lokam