Sukta 139

139.1

11 paruchchhepo daivodasih, 1 vishve devah, 2 mitra varunau, 3-5 ashvinau, 6 indrah, 7 agnih, 8 marutah, 9 indragni, 10 brihaspatih, 11 vishve devah, atyashtih, 5 brihati, 11 trishtup

अस्तु॒ श्रौष॑ट् पु॒रो अ॒ग्निं धि॒या द॑ध॒ आ नु तच्छर्धो॑ दि॒व्यं वृ॑णीमह इन्द्रवा॒यू वृ॑णीमहे ।
यद्ध॑ क्रा॒णा वि॒वस्व॑ति॒ नाभा॑ सं॒दायि॒ नव्य॑सी ।
अध॒ प्र सू न॒ उप॑ यन्तु धी॒तयो॑ दे॒वाँ अच्छा॒ न धी॒तय॑ः ॥१॥

Astu shraushat puro agnim dhiya dadha a nu tachchhardho divyam vrinimaha indravayu vrinimahe
Yaddha krana vivasvati nabha sandayi navyasi
Adha pra su na upa yantu dhitayo devam achchha na dhitayah

139.2

यद्ध॒ त्यन्मि॑त्रावरुणावृ॒तादध्या॑द॒दाथे॒ अनृ॑तं॒ स्वेन॑ म॒न्युना॒ दक्ष॑स्य॒ स्वेन॑ म॒न्युना॑ ।
यु॒वोरि॒त्थाधि॒ सद्म॒स्वप॑श्याम हिर॒ण्यय॑म् ।
धी॒भिश्च॒न मन॑सा॒ स्वेभि॑र॒क्षभि॒ः सोम॑स्य॒ स्वेभि॑र॒क्षभि॑ः ॥२॥

Yaddha tyanmitravarunavritadadhyadadathe anritam svena manyuna dakshasya svena manyuna
Yuvoritthadhi sadmasvapashyama hiranyayam
Dhibhishchana manasa svebhirakshabhih somasya svebhirakshabhih

139.3

यु॒वां स्तोमे॑भिर्देव॒यन्तो॑ अश्विना ऽऽश्रा॒वय॑न्त इव॒ श्लोक॑मा॒यवो॑ यु॒वां ह॒व्याभ्या॒ ३ यव॑ः ।
यु॒वोर्विश्वा॒ अधि॒ श्रिय॒ः पृक्ष॑श्च विश्ववेदसा ।
प्रु॒षा॒यन्ते॑ वां प॒वयो॑ हिर॒ण्यये॒ रथे॑ दस्रा हिर॒ण्यये॑ ॥३॥

Yuvam stomebhirdevayanto ashvina shravayanta iva shlokamayavo yuvam havyabhya 3 yavah
Yuvorvishva adhi shriyah prikshashcha vishvavedasa
Prushayante vam pavayo hiranyaye rathe dasra hiranyaye

139.4

अचे॑ति दस्रा॒ व्यु १ नाक॑मृण्वथो यु॒ञ्जते॑ वां रथ॒युजो॒ दिवि॑ष्टिष्वध्व॒स्मानो॒ दिवि॑ष्टिषु ।
अधि॑ वां॒ स्थाम॑ व॒न्धुरे॒ रथे॑ दस्रा हिर॒ण्यये॑ ।
प॒थेव॒ यन्ता॑वनु॒शास॑ता॒ रजो ऽञ्ज॑सा॒ शास॑ता॒ रज॑ः ॥४॥

Acheti dasra vyu 1 nakamrinvatho yunjate vam rathayujo divishtishvadhvasmano divishtishu
Adhi vam sthama vandhure rathe dasra hiranyaye
Patheva yantavanushasata rajo njasa shasata rajah

139.5

शची॑भिर्नः शचीवसू॒ दिवा॒ नक्तं॑ दशस्यतम् ।
मा वां॑ रा॒तिरुप॑ दस॒त् कदा॑ च॒नास्मद्रा॒तिः कदा॑ च॒न ॥५॥

Shachibhirnah shachivasu diva naktam dashasyatam
Ma vam ratirupa dasat kada chanasmadratih kada chana

139.6

वृष॑न्निन्द्र वृष॒पाणा॑स॒ इन्द॑व इ॒मे सु॒ता अद्रि॑षुतास उ॒द्भिद॒स्तुभ्यं॑ सु॒तास॑ उ॒द्भिद॑ः ।
ते त्वा॑ मन्दन्तु दा॒वने॑ म॒हे चि॒त्राय॒ राध॑से ।
गी॒र्भिर्गि॑र्वाह॒ः स्तव॑मान॒ आ ग॑हि सुमृळी॒को न॒ आ ग॑हि ॥६॥

Vrishannindra vrishapanasa indava ime suta adrishutasa udbhidastubhyam sutasa udbhidah
Te tva mandantu davane mahe chitraya radhase
Girbhirgirvahah stavamana a gahi sumriliko na a gahi

139.7

ओ षू णो॑ अग्ने शृणुहि॒ त्वमी॑ळि॒तो दे॒वेभ्यो॑ ब्रवसि य॒ज्ञिये॑भ्यो॒ राज॑भ्यो य॒ज्ञिये॑भ्यः ।
यद्ध॒ त्यामङ्गि॑रोभ्यो धे॒नुं दे॑वा॒ अद॑त्तन ।
वि तां दु॑ह्रे अर्य॒मा क॒र्तरी॒ सचाँ॑ ए॒ष तां वे॑द मे॒ सचा॑ ॥
मो षु वो॑ अ॒स्मद॒भि तानि॒ पौंस्या॒ सना॑ भूवन्द्यु॒म्नानि॒ मोत जा॑रिषुर॒स्मत् पु॒रोत जा॑रिषुः ।
यद् व॑श्चि॒त्रं यु॒गेयु॑गे॒ नव्यं॒ घोषा॒दम॑र्त्यम् ।
अ॒स्मासु॒ तन्म॑रुतो॒ यच्च॑ दु॒ष्टरं॑ दिधृ॒ता यच्च॑ दु॒ष्टर॑म् ॥८॥

O shu no agne shrinuhi tvamilito devebhyo bravasi yagyiyebhyo rajabhyo yagyiyebhyah
Yaddha tyamangirobhyo dhenum deva adattana
Vi tam duhre aryama kartari sacham esha tam veda me sacha
Mo shu vo asmadabhi tani paunsya sana bhuvandyumnani mota jarishurasmat purota jarishuh
Yad vashchitram yugeyuge navyam ghoshadamartyam
Asmasu tanmaruto yachcha dushtaram didhrita yachcha dushtaram

139.8

द॒ध्यङ् ह॑ मे ज॒नुषं॒ पूर्वो॒ अङ्गि॑राः प्रि॒यमे॑ध॒ः कण्वो॒ अत्रि॒र्मनु॑र्विदु॒स्ते मे॒ पूर्वे॒ मनु॑र्विदुः ।
तेषां॑ दे॒वेष्वाय॑तिर॒स्माकं॒ तेषु॒ नाभ॑यः ।
तेषां॑ प॒देन॒ मह्या न॑मे गि॒रेन्द्रा॒ग्नी आ न॑मे गि॒रा ॥९॥

Dadhyang ha me janusham purvo angirah priyamedhah kanvo atrirmanurviduste me purve manurviduh
Tesham deveshvayatirasmakam teshu nabhayah
Tesham padena mahya name girendragni a name gira

139.9

होता॑ यक्षद् व॒निनो॑ वन्त॒ वार्यं॒ बृह॒स्पति॑र्यजति वे॒न उ॒क्षभि॑ः पुरु॒वारे॑भिरु॒क्षभि॑ः ।
ज॒गृ॒भ्मा दू॒रआ॑दिशं॒ श्लोक॒मद्रे॒रध॒ त्मना॑ ।
अधा॑रयदर॒रिन्दा॑नि सु॒क्रतु॑ः पु॒रू सद्मा॑नि सु॒क्रतु॑ः ॥१०॥

Hota yakshad vanino vanta varyam brihaspatiryajati vena ukshabhih puruvarebhirukshabhih
Jagribhma duraadisham shlokamadreradha tmana
Adharayadararindani sukratuh puru sadmani sukratuh

139.10

ये दे॑वासो दि॒व्येका॑दश॒ स्थ पृ॑थि॒व्यामध्येका॑दश॒ स्थ ।
अ॒प्सु॒क्षितो॑ महि॒नैका॑दश॒ स्थ ते दे॑वासो य॒ज्ञमि॒मं जु॑षध्वम् ॥११॥

Ye devaso divyekadasha stha prithivyamadhyekadasha stha
Apsukshito mahinaikadasha stha te devaso yagyamimam jushadhvam