UtshovDoha 97
97.1
Chaupai
स्वारथ साँच जीव कहुँ एहा। मन क्रम बचन राम पद नेहा।।
सोइ पावन सोइ सुभग सरीरा। जो तनु पाइ भजिअ रघुबीरा।।
राम बिमुख लहि बिधि सम देही। कबि कोबिद न प्रसंसहिं तेही।।
राम भगति एहिं तन उर जामी। ताते मोहि परम प्रिय स्वामी।।
तजउँ न तन निज इच्छा मरना। तन बिनु बेद भजन नहिं बरना।।
प्रथम मोहँ मोहि बहुत बिगोवा। राम बिमुख सुख कबहुँ न सोवा।।
नाना जनम कर्म पुनि नाना। किए जोग जप तप मख दाना।।
कवन जोनि जनमेउँ जहँ नाहीं। मैं खगेस भ्रमि भ्रमि जग माहीं।।
देखेउँ करि सब करम गोसाई। सुखी न भयउँ अबहिं की नाई।।
सुधि मोहि नाथ जन्म बहु केरी। सिव प्रसाद मति मोहँ न घेरी।।
Svarath sanch jiv kahun eha, man kram bachan ram pad neha
Soi pavan soi subhag sarira, jo tanu pai bhajia raghubira
Ram bimukh lahi bidhi sam dehi, kabi kobid na prasansahin tehi
Ram bhagati ehin tan ur jami, tate mohi param priy svami
Tajaum na tan nij ichchha marana, tan binu bed bhajan nahin barana
Pratham moham mohi bahut bigova, ram bimukh sukh kabahun na sova
Nana janam karma puni nana, kie jog jap tap makh dana
Kavan joni janameum jaham nahin, main khages bhrami bhrami jag mahin
Dekheum kari sab karam gosai, sukhi na bhayaum abahin ki nai
Sudhi mohi nath janma bahu keri, siv prasad mati moham na gheri
97.2
Doha/soratha
प्रथम जन्म के चरित अब कहउँ सुनहु बिहगेस।
सुनि प्रभु पद रति उपजइ जातें मिटहिं कलेस ॥96(क)॥
Pratham janma ke charit ab kahaum sunahu bihages
Suni prabhu pad rati upajai jaten mitahin kales, 96(ka)
97.3
Doha/soratha
पूरुब कल्प एक प्रभु जुग कलिजुग मल मूल।।
नर अरु नारि अधर्म रत सकल निगम प्रतिकूल ॥96(ख)॥
Purub kalpa ek prabhu jug kalijug mal mul
Nar aru nari adharma rat sakal nigam pratikul, 96(kh)