UtshovDoha 96
96.1
Chaupai
गरुड़ गिरा सुनि हरषेउ कागा। बोलेउ उमा परम अनुरागा।।
धन्य धन्य तव मति उरगारी। प्रस्न तुम्हारि मोहि अति प्यारी।।
सुनि तव प्रस्न सप्रेम सुहाई। बहुत जनम कै सुधि मोहि आई।।
सब निज कथा कहउँ मैं गाई। तात सुनहु सादर मन लाई।।
जप तप मख सम दम ब्रत दाना। बिरति बिबेक जोग बिग्याना।।
सब कर फल रघुपति पद प्रेमा। तेहि बिनु कोउ न पावइ छेमा।।
एहि तन राम भगति मैं पाई। ताते मोहि ममता अधिकाई।।
जेहि तें कछु निज स्वारथ होई। तेहि पर ममता कर सब कोई।।
Garur gira suni harasheu kaga, boleu uma param anuraga
Dhanya dhanya tav mati uragari, prasna tumhari mohi ati pyari
Suni tav prasna saprem suhai, bahut janam kai sudhi mohi ai
Sab nij katha kahaum main gai, tat sunahu sadar man lai
Jap tap makh sam dam brat dana, birati bibek jog bigyana
Sab kar phal raghupati pad prema, tehi binu kou na pavai chhema
Ehi tan ram bhagati main pai, tate mohi mamata adhikai
Jehi ten kachhu nij svarath hoi, tehi par mamata kar sab koi
96.2
Doha/soratha
पन्नगारि असि नीति श्रुति संमत सज्जन कहहिं।
अति नीचहु सन प्रीति करिअ जानि निज परम हित ॥95(क)॥
Pannagari asi niti shruti sammat sajjan kahahin
Ati nichahu san priti karia jani nij param hit, 95(ka)
96.3
Doha/soratha
पाट कीट तें होइ तेहि तें पाटंबर रुचिर।
कृमि पालइ सबु कोइ परम अपावन प्रान सम ॥95(ख)॥
Pat kit ten hoi tehi ten patambar ruchir
Krimi palai sabu koi param apavan pran sam, 95(kh)