UtshovDoha 95
95.1
Chaupai
तुम्ह सर्बग्य तन्य तम पारा। सुमति सुसील सरल आचारा।।
ग्यान बिरति बिग्यान निवासा। रघुनायक के तुम्ह प्रिय दासा।।
कारन कवन देह यह पाई। तात सकल मोहि कहहु बुझाई।।
राम चरित सर सुंदर स्वामी। पायहु कहाँ कहहु नभगामी।।
नाथ सुना मैं अस सिव पाहीं। महा प्रलयहुँ नास तव नाहीं।।
मुधा बचन नहिं ईस्वर कहई। सोउ मोरें मन संसय अहई।।
अग जग जीव नाग नर देवा। नाथ सकल जगु काल कलेवा।।
अंड कटाह अमित लय कारी। कालु सदा दुरतिक्रम भारी।।
Tumha sarbagya tanya tam para, sumati susil saral achara
Gyan birati bigyan nivasa, raghunayak ke tumha priy dasa
Karan kavan deh yah pai, tat sakal mohi kahahu bujhai
Ram charit sar sundar svami, payahu kahan kahahu nabhagami
Nath suna main as siv pahin, maha pralayahun nas tav nahin
Mudha bachan nahin isvar kahai, sou moren man sansay ahai
Ag jag jiv nag nar deva, nath sakal jagu kal kaleva
And katah amit lay kari, kalu sada duratikram bhari
95.2
Doha/soratha
तुम्हहि न ब्यापत काल अति कराल कारन कवन।
मोहि सो कहहु कृपाल ग्यान प्रभाव कि जोग बल ॥94(क)॥
Tumhahi na byapat kal ati karal karan kavan
Mohi so kahahu kripal gyan prabhav ki jog bal, 94(ka)
95.3
Doha/soratha
प्रभु तव आश्रम आएँ मोर मोह भ्रम भाग।
कारन कवन सो नाथ सब कहहु सहित अनुराग ॥94(ख)॥
Prabhu tav ashram aem mor moh bhram bhag
Karan kavan so nath sab kahahu sahit anurag, 94(kh)