UtshovDoha 94
94.1
Chaupai
सुनि भुसुंडि के बचन सुहाए। हरषित खगपति पंख फुलाए।।
नयन नीर मन अति हरषाना। श्रीरघुपति प्रताप उर आना।।
पाछिल मोह समुझि पछिताना। ब्रह्म अनादि मनुज करि माना।।
पुनि पुनि काग चरन सिरु नावा। जानि राम सम प्रेम बढ़ावा।।
गुर बिनु भव निधि तरइ न कोई। जौं बिरंचि संकर सम होई।।
संसय सर्प ग्रसेउ मोहि ताता। दुखद लहरि कुतर्क बहु ब्राता।।
तव सरूप गारुड़ि रघुनायक। मोहि जिआयउ जन सुखदायक।।
तव प्रसाद मम मोह नसाना। राम रहस्य अनूपम जाना।।
Suni bhusundi ke bachan suhae, harashit khagapati pankh phulae
Nayan nir man ati harashana, shriraghupati pratap ur ana
Pachhil moh samujhi pachhitana, brahma anadi manuj kari mana
Puni puni kag charan siru nava, jani ram sam prem barhava
Gur binu bhav nidhi tarai na koi, jaun biranchi sankar sam hoi
Sansay sarpa graseu mohi tata, dukhad lahari kutarka bahu brata
Tav sarup garuri raghunayak, mohi jiayau jan sukhadayak
Tav prasad mam moh nasana, ram rahasya anupam jana
94.2
Doha/soratha
ताहि प्रसंसि बिबिध बिधि सीस नाइ कर जोरि।
बचन बिनीत सप्रेम मृदु बोलेउ गरुड़ बहोरि ॥93(क)॥
Tahi prasansi bibidh bidhi sis nai kar jori
Bachan binit saprem mridu boleu garur bahori, 93(ka)
94.3
Doha/soratha
प्रभु अपने अबिबेक ते बूझउँ स्वामी तोहि।
कृपासिंधु सादर कहहु जानि दास निज मोहि ॥93(ख)॥
Prabhu apane abibek te bujhaum svami tohi
Kripasindhu sadar kahahu jani das nij mohi, 93(kh)