UtshovDoha 93
93.1
Chaupai
प्रभु अगाध सत कोटि पताला। समन कोटि सत सरिस कराला।।
तीरथ अमित कोटि सम पावन। नाम अखिल अघ पूग नसावन।।
हिमगिरि कोटि अचल रघुबीरा। सिंधु कोटि सत सम गंभीरा।।
कामधेनु सत कोटि समाना। सकल काम दायक भगवाना।।
सारद कोटि अमित चतुराई। बिधि सत कोटि सृष्टि निपुनाई।।
बिष्नु कोटि सम पालन कर्ता। रुद्र कोटि सत सम संहर्ता।।
धनद कोटि सत सम धनवाना। माया कोटि प्रपंच निधाना।।
भार धरन सत कोटि अहीसा। निरवधि निरुपम प्रभु जगदीसा।।
Prabhu agadh sat koti patala, saman koti sat saris karala
Tirath amit koti sam pavan, nam akhil agh pug nasavan
Himagiri koti achal raghubira, sindhu koti sat sam gambhira
Kamadhenu sat koti samana, sakal kam dayak bhagavana
Sarad koti amit chaturai, bidhi sat koti srishti nipunai
Bishnu koti sam palan karta, rudra koti sat sam sanharta
Dhanad koti sat sam dhanavana, maya koti prapanch nidhana
Bhar dharan sat koti ahisa, niravadhi nirupam prabhu jagadisa
93.2
Chhand
निरुपम न उपमा आन राम समान रामु निगम कहै।
जिमि कोटि सत खद्योत सम रबि कहत अति लघुता लहै।।
एहि भाँति निज निज मति बिलास मुनिस हरिहि बखानहीं।
प्रभु भाव गाहक अति कृपाल सप्रेम सुनि सुख मानहीं।।
Nirupam na upama an ram saman ramu nigam kahai
Jimi koti sat khadyot sam rabi kahat ati laghuta lahai
Ehi bhanti nij nij mati bilas munis harihi bakhanahin
Prabhu bhav gahak ati kripal saprem suni sukh manahin
93.3
Doha/soratha
रामु अमित गुन सागर थाह कि पावइ कोइ।
संतन्ह सन जस किछु सुनेउँ तुम्हहि सुनायउँ सोइ ॥92(क)॥
Ramu amit gun sagar thah ki pavai koi
Santanha san jas kichhu suneum tumhahi sunayaum soi, 92(ka)
93.4
Doha/soratha
भाव बस्य भगवान सुख निधान करुना भवन।
तजि ममता मद मान भजिअ सदा सीता रवन ॥92(ख)॥
Bhav basya bhagavan sukh nidhan karuna bhavan
Taji mamata mad man bhajia sada sita ravan, 92(kh)