UtshovDoha 92
92.1
Chaupai
निज मति सरिस नाथ मैं गाई। प्रभु प्रताप महिमा खगराई।।
कहेउँ न कछु करि जुगुति बिसेषी। यह सब मैं निज नयनन्हि देखी।।
महिमा नाम रूप गुन गाथा। सकल अमित अनंत रघुनाथा।।
निज निज मति मुनि हरि गुन गावहिं। निगम सेष सिव पार न पावहिं।।
तुम्हहि आदि खग मसक प्रजंता। नभ उड़ाहिं नहिं पावहिं अंता।।
तिमि रघुपति महिमा अवगाहा। तात कबहुँ कोउ पाव कि थाहा।।
रामु काम सत कोटि सुभग तन। दुर्गा कोटि अमित अरि मर्दन।।
सक्र कोटि सत सरिस बिलासा। नभ सत कोटि अमित अवकासा।।
Nij mati saris nath main gai, prabhu pratap mahima khagarai
Kaheum na kachhu kari juguti biseshi, yah sab main nij nayananhi dekhi
Mahima nam rup gun gatha, sakal amit anant raghunatha
Nij nij mati muni hari gun gavahin, nigam sesh siv par na pavahin
Tumhahi adi khag masak prajanta, nabh urahin nahin pavahin anta
Timi raghupati mahima avagaha, tat kabahun kou pav ki thaha
Ramu kam sat koti subhag tan, durga koti amit ari mardan
Sakra koti sat saris bilasa, nabh sat koti amit avakasa
92.2
Doha/soratha
मरुत कोटि सत बिपुल बल रबि सत कोटि प्रकास।
ससि सत कोटि सुसीतल समन सकल भव त्रास ॥91(क)॥
Marut koti sat bipul bal rabi sat koti prakas
Sasi sat koti susital saman sakal bhav tras, 91(ka)
92.3
Doha/soratha
काल कोटि सत सरिस अति दुस्तर दुर्ग दुरंत।
धूमकेतु सत कोटि सम दुराधरष भगवंत ॥91(ख)॥
Kal koti sat saris ati dustar durga durant
Dhumaketu sat koti sam duradharash bhagavant, 91(kh)