UtshovDoha 91
91.1
Chaupai
बिनु संतोष न काम नसाहीं। काम अछत सुख सपनेहुँ नाहीं।।
राम भजन बिनु मिटहिं कि कामा। थल बिहीन तरु कबहुँ कि जामा।।
बिनु बिग्यान कि समता आवइ। कोउ अवकास कि नभ बिनु पावइ।।
श्रद्धा बिना धर्म नहिं होई। बिनु महि गंध कि पावइ कोई।।
बिनु तप तेज कि कर बिस्तारा। जल बिनु रस कि होइ संसारा।।
सील कि मिल बिनु बुध सेवकाई। जिमि बिनु तेज न रूप गोसाई।।
निज सुख बिनु मन होइ कि थीरा। परस कि होइ बिहीन समीरा।।
कवनिउ सिद्धि कि बिनु बिस्वासा। बिनु हरि भजन न भव भय नासा।।
Binu santosh na kam nasahin, kam achhat sukh sapanehun nahin
Ram bhajan binu mitahin ki kama, thal bihin taru kabahun ki jama
Binu bigyan ki samata avai, kou avakas ki nabh binu pavai
Shraddha bina dharma nahin hoi, binu mahi gandh ki pavai koi
Binu tap tej ki kar bistara, jal binu ras ki hoi sansara
Sil ki mil binu budh sevakai, jimi binu tej na rup gosai
Nij sukh binu man hoi ki thira, paras ki hoi bihin samira
Kavaniu siddhi ki binu bisvasa, binu hari bhajan na bhav bhay nasa
91.2
Doha/soratha
बिनु बिस्वास भगति नहिं तेहि बिनु द्रवहिं न रामु।
राम कृपा बिनु सपनेहुँ जीव न लह बिश्रामु ॥90(क)॥
Binu bisvas bhagati nahin tehi binu dravahin na ramu
Ram kripa binu sapanehun jiv na lah bishramu, 90(ka)
91.3
Doha/soratha
अस बिचारि मतिधीर तजि कुतर्क संसय सकल।
भजहु राम रघुबीर करुनाकर सुंदर सुखद ॥90(ख)॥
As bichari matidhir taji kutarka sansay sakal
Bhajahu ram raghubir karunakar sundar sukhad, 90(kh)