UtshovDoha 90
90.1
Chaupai
मैं पुनि अवध रहेउँ कछु काला। देखेउँ बालबिनोद रसाला।।
राम प्रसाद भगति बर पायउँ। प्रभु पद बंदि निजाश्रम आयउँ।।
तब ते मोहि न ब्यापी माया। जब ते रघुनायक अपनाया।।
यह सब गुप्त चरित मैं गावा। हरि मायाँ जिमि मोहि नचावा।।
निज अनुभव अब कहउँ खगेसा। बिनु हरि भजन न जाहि कलेसा।।
राम कृपा बिनु सुनु खगराई। जानि न जाइ राम प्रभुताई।।
जानें बिनु न होइ परतीती। बिनु परतीति होइ नहिं प्रीती।।
प्रीति बिना नहिं भगति दिढ़ाई। जिमि खगपति जल कै चिकनाई।।
Main puni avadh raheum kachhu kala, dekheum balabinod rasala
Ram prasad bhagati bar payaum, prabhu pad bandi nijashram ayaum
Tab te mohi na byapi maya, jab te raghunayak apanaya
Yah sab gupta charit main gava, hari mayan jimi mohi nachava
Nij anubhav ab kahaum khagesa, binu hari bhajan na jahi kalesa
Ram kripa binu sunu khagarai, jani na jai ram prabhutai
Janen binu na hoi paratiti, binu paratiti hoi nahin priti
Priti bina nahin bhagati dirhai, jimi khagapati jal kai chikanai
90.2
Doha/soratha
बिनु गुर होइ कि ग्यान ग्यान कि होइ बिराग बिनु।
गावहिं बेद पुरान सुख कि लहिअ हरि भगति बिनु ॥89(क)॥
Binu gur hoi ki gyan gyan ki hoi birag binu
Gavahin bed puran sukh ki lahia hari bhagati binu, 89(ka)
90.3
Doha/soratha
कोउ बिश्राम कि पाव तात सहज संतोष बिनु।
चलै कि जल बिनु नाव कोटि जतन पचि पचि मरिअ ॥89(ख)॥
Kou bishram ki pav tat sahaj santosh binu
Chalai ki jal binu nav koti jatan pachi pachi maria, 89(kh)