UtshovDoha 98
98.1
Chaupai
तेहि कलिजुग कोसलपुर जाई। जन्मत भयउँ सूद्र तनु पाई।।
सिव सेवक मन क्रम अरु बानी। आन देव निंदक अभिमानी।।
धन मद मत्त परम बाचाला। उग्रबुद्धि उर दंभ बिसाला।।
जदपि रहेउँ रघुपति रजधानी। तदपि न कछु महिमा तब जानी।।
अब जाना मैं अवध प्रभावा। निगमागम पुरान अस गावा।।
कवनेहुँ जन्म अवध बस जोई। राम परायन सो परि होई।।
अवध प्रभाव जान तब प्रानी। जब उर बसहिं रामु धनुपानी।।
सो कलिकाल कठिन उरगारी। पाप परायन सब नर नारी।।
Tehi kalijug kosalapur jai, janmat bhayaum sudra tanu pai
Siv sevak man kram aru bani, an dev nindak abhimani
Dhan mad matta param bachala, ugrabuddhi ur dambh bisala
Jadapi raheum raghupati rajadhani, tadapi na kachhu mahima tab jani
Ab jana main avadh prabhava, nigamagam puran as gava
Kavanehun janma avadh bas joi, ram parayan so pari hoi
Avadh prabhav jan tab prani, jab ur basahin ramu dhanupani
So kalikal kathin uragari, pap parayan sab nar nari
98.2
Doha/soratha
कलिमल ग्रसे धर्म सब लुप्त भए सदग्रंथ।
दंभिन्ह निज मति कल्पि करि प्रगट किए बहु पंथ ॥97(क)॥
Kalimal grase dharma sab lupta bhae sadagranth
Dambhinha nij mati kalpi kari pragat kie bahu panth, 97(ka)
98.3
Doha/soratha
भए लोग सब मोहबस लोभ ग्रसे सुभ कर्म।
सुनु हरिजान ग्यान निधि कहउँ कछुक कलिधर्म ॥97(ख)॥
Bhae log sab mohabas lobh grase subh karma
Sunu harijan gyan nidhi kahaum kachhuk kalidharma, 97(kh)