UtshovDoha 87
87.1
Chaupai
अब सुनु परम बिमल मम बानी। सत्य सुगम निगमादि बखानी।।
निज सिद्धांत सुनावउँ तोही। सुनु मन धरु सब तजि भजु मोही।।
मम माया संभव संसारा। जीव चराचर बिबिधि प्रकारा।।
सब मम प्रिय सब मम उपजाए। सब ते अधिक मनुज मोहि भाए।।
तिन्ह महँ द्विज द्विज महँ श्रुतिधारी। तिन्ह महुँ निगम धरम अनुसारी।।
तिन्ह महँ प्रिय बिरक्त पुनि ग्यानी। ग्यानिहु ते अति प्रिय बिग्यानी।।
तिन्ह ते पुनि मोहि प्रिय निज दासा। जेहि गति मोरि न दूसरि आसा।।
पुनि पुनि सत्य कहउँ तोहि पाहीं। मोहि सेवक सम प्रिय कोउ नाहीं।।
भगति हीन बिरंचि किन होई। सब जीवहु सम प्रिय मोहि सोई।।
भगतिवंत अति नीचउ प्रानी। मोहि प्रानप्रिय असि मम बानी।।
Ab sunu param bimal mam bani, satya sugam nigamadi bakhani
Nij siddhant sunavaum tohi, sunu man dharu sab taji bhaju mohi
Mam maya sambhav sansara, jiv charachar bibidhi prakara
Sab mam priy sab mam upajae, sab te adhik manuj mohi bhae
Tinha maham dvij dvij maham shrutidhari, tinha mahun nigam dharam anusari
Tinha maham priy birakta puni gyani, gyanihu te ati priy bigyani
Tinha te puni mohi priy nij dasa, jehi gati mori na dusari asa
Puni puni satya kahaum tohi pahin, mohi sevak sam priy kou nahin
Bhagati hin biranchi kin hoi, sab jivahu sam priy mohi soi
Bhagativant ati nichau prani, mohi pranapriy asi mam bani
87.2
Doha/soratha
सुचि सुसील सेवक सुमति प्रिय कहु काहि न लाग।
श्रुति पुरान कह नीति असि सावधान सुनु काग ॥86॥
Suchi susil sevak sumati priy kahu kahi na lag
Shruti puran kah niti asi savadhan sunu kag