UtshovDoha 88
88.1
Chaupai
एक पिता के बिपुल कुमारा। होहिं पृथक गुन सील अचारा।।
कोउ पंडिंत कोउ तापस ग्याता। कोउ धनवंत सूर कोउ दाता।।
कोउ सर्बग्य धर्मरत कोई। सब पर पितहि प्रीति सम होई।।
कोउ पितु भगत बचन मन कर्मा। सपनेहुँ जान न दूसर धर्मा।।
सो सुत प्रिय पितु प्रान समाना। जद्यपि सो सब भाँति अयाना।।
एहि बिधि जीव चराचर जेते। त्रिजग देव नर असुर समेते।।
अखिल बिस्व यह मोर उपाया। सब पर मोहि बराबरि दाया।।
तिन्ह महँ जो परिहरि मद माया। भजै मोहि मन बच अरू काया।।
Ek pita ke bipul kumara, hohin prithak gun sil achara
Kou pandint kou tapas gyata, kou dhanavant sur kou data
Kou sarbagya dharmarat koi, sab par pitahi priti sam hoi
Kou pitu bhagat bachan man karma, sapanehun jan na dusar dharma
So sut priy pitu pran samana, jadyapi so sab bhanti ayana
Ehi bidhi jiv charachar jete, trijag dev nar asur samete
Akhil bisva yah mor upaya, sab par mohi barabari daya
Tinha maham jo parihari mad maya, bhajai mohi man bach aru kaya
88.2
Doha/soratha
पुरूष नपुंसक नारि वा जीव चराचर कोइ।
सर्ब भाव भज कपट तजि मोहि परम प्रिय सोइ ॥87(क)॥
Purush napunsak nari va jiv charachar koi
Sarba bhav bhaj kapat taji mohi param priy soi, 87(ka)
88.3
Doha/soratha
सत्य कहउँ खग तोहि सुचि सेवक मम प्रानप्रिय।
अस बिचारि भजु मोहि परिहरि आस भरोस सब ॥87(ख)॥
Satya kahaum khag tohi suchi sevak mam pranapriy
As bichari bhaju mohi parihari as bharos sab, 87(kh)