UtshovDoha 86
86.1
Chaupai
एवमस्तु कहि रघुकुलनायक। बोले बचन परम सुखदायक।।
सुनु बायस तैं सहज सयाना। काहे न मागसि अस बरदाना।।
सब सुख खानि भगति तैं मागी। नहिं जग कोउ तोहि सम बड़भागी।।
जो मुनि कोटि जतन नहिं लहहीं। जे जप जोग अनल तन दहहीं।।
रीझेउँ देखि तोरि चतुराई। मागेहु भगति मोहि अति भाई।।
सुनु बिहंग प्रसाद अब मोरें। सब सुभ गुन बसिहहिं उर तोरें।।
भगति ग्यान बिग्यान बिरागा। जोग चरित्र रहस्य बिभागा।।
जानब तैं सबही कर भेदा। मम प्रसाद नहिं साधन खेदा।।
Evamastu kahi raghukulanayak, bole bachan param sukhadayak
Sunu bayas tain sahaj sayana, kahe na magasi as baradana
Sab sukh khani bhagati tain magi, nahin jag kou tohi sam barabhagi
Jo muni koti jatan nahin lahahin, je jap jog anal tan dahahin
Rijheum dekhi tori chaturai, magehu bhagati mohi ati bhai
Sunu bihang prasad ab moren, sab subh gun basihahin ur toren
Bhagati gyan bigyan biraga, jog charitra rahasya bibhaga
Janab tain sabahi kar bheda, mam prasad nahin sadhan kheda
86.2
Doha/soratha
माया संभव भ्रम सब अब न ब्यापिहहिं तोहि।
जानेसु ब्रह्म अनादि अज अगुन गुनाकर मोहि ॥85(क)॥
Maya sambhav bhram sab ab na byapihahin tohi
Janesu brahma anadi aj agun gunakar mohi, 85(ka)
86.3
Doha/soratha
मोहि भगत प्रिय संतत अस बिचारि सुनु काग।
कायँ बचन मन मम पद करेसु अचल अनुराग ॥85(ख)॥
Mohi bhagat priy santat as bichari sunu kag
Kayam bachan man mam pad karesu achal anurag, 85(kh)