UtshovDoha 75
75.1
Chaupai
सुनु खगेस रघुपति प्रभुताई। कहउँ जथामति कथा सुहाई।।
जेहि बिधि मोह भयउ प्रभु मोही। सोउ सब कथा सुनावउँ तोही।।
राम कृपा भाजन तुम्ह ताता। हरि गुन प्रीति मोहि सुखदाता।।
ताते नहिं कछु तुम्हहिं दुरावउँ। परम रहस्य मनोहर गावउँ।।
सुनहु राम कर सहज सुभाऊ। जन अभिमान न राखहिं काऊ।।
संसृत मूल सूलप्रद नाना। सकल सोक दायक अभिमाना।।
ताते करहिं कृपानिधि दूरी। सेवक पर ममता अति भूरी।।
जिमि सिसु तन ब्रन होइ गोसाई। मातु चिराव कठिन की नाईं।।
Sunu khages raghupati prabhutai, kahaum jathamati katha suhai
Jehi bidhi moh bhayau prabhu mohi, sou sab katha sunavaum tohi
Ram kripa bhajan tumha tata, hari gun priti mohi sukhadata
Tate nahin kachhu tumhahin duravaum, param rahasya manohar gavaum
Sunahu ram kar sahaj subhau, jan abhiman na rakhahin kau
Sansrit mul sulaprad nana, sakal sok dayak abhimana
Tate karahin kripanidhi duri, sevak par mamata ati bhuri
Jimi sisu tan bran hoi gosai, matu chirav kathin ki naim
75.2
Doha/soratha
जदपि प्रथम दुख पावइ रोवइ बाल अधीर।
ब्याधि नास हित जननी गनति न सो सिसु पीर ॥74(क)॥
Jadapi pratham dukh pavai rovai bal adhir
Byadhi nas hit janani ganati na so sisu pir, 74(ka)
75.3
Doha/soratha
तिमि रघुपति निज दासकर हरहिं मान हित लागि।
तुलसिदास ऐसे प्रभुहि कस न भजहु भ्रम त्यागि ॥74(ख)॥
Timi raghupati nij dasakar harahin man hit lagi
Tulasidas aise prabhuhi kas na bhajahu bhram tyagi, 74(kh)