UtshovDoha 76
76.1
Chaupai
राम कृपा आपनि जड़ताई। कहउँ खगेस सुनहु मन लाई।।
जब जब राम मनुज तनु धरहीं। भक्त हेतु लीला बहु करहीं।।
तब तब अवधपुरी मैं ज़ाऊँ। बालचरित बिलोकि हरषाऊँ।।
जन्म महोत्सव देखउँ जाई। बरष पाँच तहँ रहउँ लोभाई।।
इष्टदेव मम बालक रामा। सोभा बपुष कोटि सत कामा।।
निज प्रभु बदन निहारि निहारी। लोचन सुफल करउँ उरगारी।।
लघु बायस बपु धरि हरि संगा। देखउँ बालचरित बहुरंगा।।
Ram kripa apani jaratai, kahaum khages sunahu man lai
Jab jab ram manuj tanu dharahin, bhakta hetu lila bahu karahin
Tab tab avadhapuri main zaum, balacharit biloki harashaum
Janma mahotsav dekhaum jai, barash panch taham rahaum lobhai
Ishtadev mam balak rama, sobha bapush koti sat kama
Nij prabhu badan nihari nihari, lochan suphal karaum uragari
Laghu bayas bapu dhari hari sanga, dekhaum balacharit bahuranga
76.2
Doha/soratha
लरिकाईं जहँ जहँ फिरहिं तहँ तहँ संग उड़ाउँ।
जूठनि परइ अजिर महँ सो उठाइ करि खाउँ ॥75(क)॥
Larikaim jaham jaham phirahin taham taham sang uraum
Juthani parai ajir maham so uthai kari khaum, 75(ka)
76.3
Doha/soratha
एक बार अतिसय सब चरित किए रघुबीर।
सुमिरत प्रभु लीला सोइ पुलकित भयउ सरीर ॥75(ख)॥
Ek bar atisay sab charit kie raghubir
Sumirat prabhu lila soi pulakit bhayau sarir, 75(kh)