UtshovDoha 74
74.1
Chaupai
असि रघुपति लीला उरगारी। दनुज बिमोहनि जन सुखकारी।।
जे मति मलिन बिषयबस कामी। प्रभु मोह धरहिं इमि स्वामी।।
नयन दोष जा कहँ जब होई। पीत बरन ससि कहुँ कह सोई।।
जब जेहि दिसि भ्रम होइ खगेसा। सो कह पच्छिम उयउ दिनेसा।।
नौकारूढ़ चलत जग देखा। अचल मोह बस आपुहि लेखा।।
बालक भ्रमहिं न भ्रमहिं गृहादीं। कहहिं परस्पर मिथ्याबादी।।
हरि बिषइक अस मोह बिहंगा। सपनेहुँ नहिं अग्यान प्रसंगा।।
मायाबस मतिमंद अभागी। हृदयँ जमनिका बहुबिधि लागी।।
ते सठ हठ बस संसय करहीं। निज अग्यान राम पर धरहीं।।
Asi raghupati lila uragari, danuj bimohani jan sukhakari
Je mati malin bishayabas kami, prabhu moh dharahin imi svami
Nayan dosh ja kaham jab hoi, pit baran sasi kahun kah soi
Jab jehi disi bhram hoi khagesa, so kah pachchhim uyau dinesa
Naukarurh chalat jag dekha, achal moh bas apuhi lekha
Balak bhramahin na bhramahin grihadin, kahahin paraspar mithyabadi
Hari bishaik as moh bihanga, sapanehun nahin agyan prasanga
Mayabas matimand abhagi, hridayam jamanika bahubidhi lagi
Te sath hath bas sansay karahin, nij agyan ram par dharahin
74.2
Doha/soratha
काम क्रोध मद लोभ रत गृहासक्त दुखरूप।
ते किमि जानहिं रघुपतिहि मूढ़ परे तम कूप ॥73(क)॥
Kam krodh mad lobh rat grihasakta dukharup
Te kimi janahin raghupatihi murh pare tam kup, 73(ka)
74.3
Doha/soratha
निर्गुन रूप सुलभ अति सगुन जान नहिं कोइ।
सुगम अगम नाना चरित सुनि मुनि मन भ्रम होइ ॥73(ख)॥
Nirgun rup sulabh ati sagun jan nahin koi
Sugam agam nana charit suni muni man bhram hoi, 73(kh)