UtshovDoha 73
73.1
Chaupai
जो माया सब जगहि नचावा। जासु चरित लखि काहुँ न पावा।।
सोइ प्रभु भ्रू बिलास खगराजा। नाच नटी इव सहित समाजा।।
सोइ सच्चिदानंद घन रामा। अज बिग्यान रूपो बल धामा।।
ब्यापक ब्याप्य अखंड अनंता। अखिल अमोघसक्ति भगवंता।।
अगुन अदभ्र गिरा गोतीता। सबदरसी अनवद्य अजीता।।
निर्मम निराकार निरमोहा। नित्य निरंजन सुख संदोहा।।
प्रकृति पार प्रभु सब उर बासी। ब्रह्म निरीह बिरज अबिनासी।।
इहाँ मोह कर कारन नाहीं। रबि सन्मुख तम कबहुँ कि जाहीं।।
Jo maya sab jagahi nachava, jasu charit lakhi kahun na pava
Soi prabhu bhru bilas khagaraja, nach nati iv sahit samaja
Soi sachchidanand ghan rama, aj bigyan rupo bal dhama
Byapak byapya akhand ananta, akhil amoghasakti bhagavanta
Agun adabhra gira gotita, sabadarasi anavadya ajita
Nirmam nirakar niramoha, nitya niranjan sukh sandoha
Prakriti par prabhu sab ur basi, brahma nirih biraj abinasi
Ihan moh kar karan nahin, rabi sanmukh tam kabahun ki jahin
73.2
Doha/soratha
भगत हेतु भगवान प्रभु राम धरेउ तनु भूप।
किए चरित पावन परम प्राकृत नर अनुरूप ॥72(क)॥
Bhagat hetu bhagavan prabhu ram dhareu tanu bhup
Kie charit pavan param prakrit nar anurup, 72(ka)
73.3
Doha/soratha
जथा अनेक बेष धरि नृत्य करइ नट कोइ।
सोइ सोइ भाव देखावइ आपुन होइ न सोइ ॥72(ख)॥
Jatha anek besh dhari nritya karai nat koi
Soi soi bhav dekhavai apun hoi na soi, 72(kh)