UtshovDoha 7
7.1
Chaupai
भरतानुज लछिमन पुनि भेंटे। दुसह बिरह संभव दुख मेटे।।
सीता चरन भरत सिरु नावा। अनुज समेत परम सुख पावा।।
प्रभु बिलोकि हरषे पुरबासी। जनित बियोग बिपति सब नासी।।
प्रेमातुर सब लोग निहारी। कौतुक कीन्ह कृपाल खरारी।।
अमित रूप प्रगटे तेहि काला। जथाजोग मिले सबहि कृपाला।।
कृपादृष्टि रघुबीर बिलोकी। किए सकल नर नारि बिसोकी।।
छन महिं सबहि मिले भगवाना। उमा मरम यह काहुँ न जाना।।
एहि बिधि सबहि सुखी करि रामा। आगें चले सील गुन धामा।।
कौसल्यादि मातु सब धाई। निरखि बच्छ जनु धेनु लवाई।।
Bharatanuj lachhiman puni bhente, dusah birah sambhav dukh mete
Sita charan bharat siru nava, anuj samet param sukh pava
Prabhu biloki harashe purabasi, janit biyog bipati sab nasi
Prematur sab log nihari, kautuk kinha kripal kharari
Amit rup pragate tehi kala, jathajog mile sabahi kripala
Kripadrishti raghubir biloki, kie sakal nar nari bisoki
Chhan mahin sabahi mile bhagavana, uma maram yah kahun na jana
Ehi bidhi sabahi sukhi kari rama, agen chale sil gun dhama
Kausalyadi matu sab dhai, nirakhi bachchha janu dhenu lavai
7.2
Chhand
जनु धेनु बालक बच्छ तजि गृहँ चरन बन परबस गईं।
दिन अंत पुर रुख स्त्रवत थन हुंकार करि धावत भई।।
अति प्रेम सब मातु भेटीं बचन मृदु बहुबिधि कहे।
गइ बिषम बियोग भव तिन्ह हरष सुख अगनित लहे।।
Janu dhenu balak bachchha taji griham charan ban parabas gaim
Din ant pur rukh stravat than hunkar kari dhavat bhai
Ati prem sab matu bhetin bachan mridu bahubidhi kahe
Gai bisham biyog bhav tinha harash sukh aganit lahe
7.3
Doha/soratha
भेटेउ तनय सुमित्राँ राम चरन रति जानि।
रामहि मिलत कैकेई हृदयँ बहुत सकुचानि ॥6(क)॥
Bheteu tanay sumitran ram charan rati jani
Ramahi milat kaikei hridayam bahut sakuchani, 6(ka)
7.4
Doha/soratha
लछिमन सब मातन्ह मिलि हरषे आसिष पाइ।
कैकेइ कहँ पुनि पुनि मिले मन कर छोभु न जाइ ॥6॥
Lachhiman sab matanha mili harashe asish pai
Kaikei kaham puni puni mile man kar chhobhu na jai