UtshovDoha 8
8.1
Chaupai
सासुन्ह सबनि मिली बैदेही। चरनन्हि लागि हरषु अति तेही।।
देहिं असीस बूझि कुसलाता। होइ अचल तुम्हार अहिवाता।।
सब रघुपति मुख कमल बिलोकहिं। मंगल जानि नयन जल रोकहिं।।
कनक थार आरति उतारहिं। बार बार प्रभु गात निहारहिं।।
नाना भाँति निछावरि करहीं। परमानंद हरष उर भरहीं।।
कौसल्या पुनि पुनि रघुबीरहि। चितवति कृपासिंधु रनधीरहि।।
हृदयँ बिचारति बारहिं बारा। कवन भाँति लंकापति मारा।।
अति सुकुमार जुगल मेरे बारे। निसिचर सुभट महाबल भारे।।
Sasunha sabani mili baidehi, charananhi lagi harashu ati tehi
Dehin asis bujhi kusalata, hoi achal tumhar ahivata
Sab raghupati mukh kamal bilokahin, mangal jani nayan jal rokahin
Kanak thar arati utarahin, bar bar prabhu gat niharahin
Nana bhanti nichhavari karahin, paramanand harash ur bharahin
Kausalya puni puni raghubirahi, chitavati kripasindhu ranadhirahi
Hridayam bicharati barahin bara, kavan bhanti lankapati mara
Ati sukumar jugal mere bare, nisichar subhat mahabal bhare
8.2
Doha/soratha
लछिमन अरु सीता सहित प्रभुहि बिलोकति मातु।
परमानंद मगन मन पुनि पुनि पुलकित गातु ॥7॥
Lachhiman aru sita sahit prabhuhi bilokati matu
Paramanand magan man puni puni pulakit gatu