UtshovDoha 57
57.1
Chaupai
मैं जिमि कथा सुनी भव मोचनि। सो प्रसंग सुनु सुमुखि सुलोचनि।।
प्रथम दच्छ गृह तव अवतारा। सती नाम तब रहा तुम्हारा।।
दच्छ जग्य तब भा अपमाना। तुम्ह अति क्रोध तजे तब प्राना।।
मम अनुचरन्ह कीन्ह मख भंगा। जानहु तुम्ह सो सकल प्रसंगा।।
तब अति सोच भयउ मन मोरें। दुखी भयउँ बियोग प्रिय तोरें।।
सुंदर बन गिरि सरित तड़ागा। कौतुक देखत फिरउँ बेरागा।।
गिरि सुमेर उत्तर दिसि दूरी। नील सैल एक सुन्दर भूरी।।
तासु कनकमय सिखर सुहाए। चारि चारु मोरे मन भाए।।
तिन्ह पर एक एक बिटप बिसाला। बट पीपर पाकरी रसाला।।
सैलोपरि सर सुंदर सोहा। मनि सोपान देखि मन मोहा।।
Main jimi katha suni bhav mochani, so prasang sunu sumukhi sulochani
Pratham dachchha grih tav avatara, sati nam tab raha tumhara
Dachchha jagya tab bha apamana, tumha ati krodh taje tab prana
Mam anucharanha kinha makh bhanga, janahu tumha so sakal prasanga
Tab ati soch bhayau man moren, dukhi bhayaum biyog priy toren
Sundar ban giri sarit taraga, kautuk dekhat phiraum beraga
Giri sumer uttar disi duri, nil sail ek sundar bhuri
Tasu kanakamay sikhar suhae, chari charu more man bhae
Tinha par ek ek bitap bisala, bat pipar pakari rasala
Sailopari sar sundar soha, mani sopan dekhi man moha
57.2
Doha/soratha
-सीतल अमल मधुर जल जलज बिपुल बहुरंग।
कूजत कल रव हंस गन गुंजत मजुंल भृंग ॥56॥
-Sital amal madhur jal jalaj bipul bahurang
Kujat kal rav hans gan gunjat majunl bhring