UtshovDoha 56
56.1
Chaupai
यह प्रभु चरित पवित्र सुहावा। कहहु कृपाल काग कहँ पावा।।
तुम्ह केहि भाँति सुना मदनारी। कहहु मोहि अति कौतुक भारी।।
गरुड़ महाग्यानी गुन रासी। हरि सेवक अति निकट निवासी।।
तेहिं केहि हेतु काग सन जाई। सुनी कथा मुनि निकर बिहाई।।
कहहु कवन बिधि भा संबादा। दोउ हरिभगत काग उरगादा।।
गौरि गिरा सुनि सरल सुहाई। बोले सिव सादर सुख पाई।।
धन्य सती पावन मति तोरी। रघुपति चरन प्रीति नहिं थोरी।।
सुनहु परम पुनीत इतिहासा। जो सुनि सकल लोक भ्रम नासा।।
उपजइ राम चरन बिस्वासा। भव निधि तर नर बिनहिं प्रयासा।।
Yah prabhu charit pavitra suhava, kahahu kripal kag kaham pava
Tumha kehi bhanti suna madanari, kahahu mohi ati kautuk bhari
Garur mahagyani gun rasi, hari sevak ati nikat nivasi
Tehin kehi hetu kag san jai, suni katha muni nikar bihai
Kahahu kavan bidhi bha sambada, dou haribhagat kag uragada
Gauri gira suni saral suhai, bole siv sadar sukh pai
Dhanya sati pavan mati tori, raghupati charan priti nahin thori
Sunahu param punit itihasa, jo suni sakal lok bhram nasa
Upajai ram charan bisvasa, bhav nidhi tar nar binahin prayasa
56.2
Doha/soratha
ऐसिअ प्रस्न बिहंगपति कीन्ह काग सन जाइ।
सो सब सादर कहिहउँ सुनहु उमा मन लाइ ॥55॥
Aisia prasna bihangapati kinha kag san jai
So sab sadar kahihaum sunahu uma man lai