UtshovDoha 58
58.1
Chaupai
तेहिं गिरि रुचिर बसइ खग सोई। तासु नास कल्पांत न होई।।
माया कृत गुन दोष अनेका। मोह मनोज आदि अबिबेका।।
रहे ब्यापि समस्त जग माहीं। तेहि गिरि निकट कबहुँ नहिं जाहीं।।
तहँ बसि हरिहि भजइ जिमि कागा। सो सुनु उमा सहित अनुरागा।।
पीपर तरु तर ध्यान सो धरई। जाप जग्य पाकरि तर करई।।
आँब छाहँ कर मानस पूजा। तजि हरि भजनु काजु नहिं दूजा।।
बर तर कह हरि कथा प्रसंगा। आवहिं सुनहिं अनेक बिहंगा।।
राम चरित बिचीत्र बिधि नाना। प्रेम सहित कर सादर गाना।।
सुनहिं सकल मति बिमल मराला। बसहिं निरंतर जे तेहिं ताला।।
जब मैं जाइ सो कौतुक देखा। उर उपजा आनंद बिसेषा।।
Tehin giri ruchir basai khag soi, tasu nas kalpant na hoi
Maya krit gun dosh aneka, moh manoj adi abibeka
Rahe byapi samasta jag mahin, tehi giri nikat kabahun nahin jahin
Taham basi harihi bhajai jimi kaga, so sunu uma sahit anuraga
Pipar taru tar dhyan so dharai, jap jagya pakari tar karai
Amb chhaham kar manas puja, taji hari bhajanu kaju nahin duja
Bar tar kah hari katha prasanga, avahin sunahin anek bihanga
Ram charit bichitra bidhi nana, prem sahit kar sadar gana
Sunahin sakal mati bimal marala, basahin nirantar je tehin tala
Jab main jai so kautuk dekha, ur upaja anand bisesha
58.2
Doha/soratha
तब कछु काल मराल तनु धरि तहँ कीन्ह निवास।
सादर सुनि रघुपति गुन पुनि आयउँ कैलास ॥57॥
Tab kachhu kal maral tanu dhari taham kinha nivas
Sadar suni raghupati gun puni ayaum kailas