UtshovDoha 5
5.1
Chaupai
इहाँ भानुकुल कमल दिवाकर। कपिन्ह देखावत नगर मनोहर।।
सुनु कपीस अंगद लंकेसा। पावन पुरी रुचिर यह देसा।।
जद्यपि सब बैकुंठ बखाना। बेद पुरान बिदित जगु जाना।।
अवधपुरी सम प्रिय नहिं सोऊ। यह प्रसंग जानइ कोउ कोऊ।।
जन्मभूमि मम पुरी सुहावनि। उत्तर दिसि बह सरजू पावनि।।
जा मज्जन ते बिनहिं प्रयासा। मम समीप नर पावहिं बासा।।
अति प्रिय मोहि इहाँ के बासी। मम धामदा पुरी सुख रासी।।
हरषे सब कपि सुनि प्रभु बानी। धन्य अवध जो राम बखानी।।
Ihan bhanukul kamal divakar, kapinha dekhavat nagar manohar
Sunu kapis angad lankesa, pavan puri ruchir yah desa
Jadyapi sab baikunth bakhana, bed puran bidit jagu jana
Avadhapuri sam priy nahin sou, yah prasang janai kou kou
Janmabhumi mam puri suhavani, uttar disi bah saraju pavani
Ja majjan te binahin prayasa, mam samip nar pavahin basa
Ati priy mohi ihan ke basi, mam dhamada puri sukh rasi
Harashe sab kapi suni prabhu bani, dhanya avadh jo ram bakhani
5.2
Doha/soratha
आवत देखि लोग सब कृपासिंधु भगवान।
नगर निकट प्रभु प्रेरेउ उतरेउ भूमि बिमान ॥4(क)॥
Avat dekhi log sab kripasindhu bhagavan
Nagar nikat prabhu prereu utareu bhumi biman, 4(ka)
5.3
Doha/soratha
उतरि कहेउ प्रभु पुष्पकहि तुम्ह कुबेर पहिं जाहु।
प्रेरित राम चलेउ सो हरषु बिरहु अति ताहु ॥4(ख)॥
Utari kaheu prabhu pushpakahi tumha kuber pahin jahu
Prerit ram chaleu so harashu birahu ati tahu, 4(kh)