UtshovDoha 4
4.1
Chaupai
हरषि भरत कोसलपुर आए। समाचार सब गुरहि सुनाए।।
पुनि मंदिर महँ बात जनाई। आवत नगर कुसल रघुराई।।
सुनत सकल जननीं उठि धाईं। कहि प्रभु कुसल भरत समुझाई।।
समाचार पुरबासिन्ह पाए। नर अरु नारि हरषि सब धाए।।
दधि दुर्बा रोचन फल फूला। नव तुलसी दल मंगल मूला।।
भरि भरि हेम थार भामिनी। गावत चलिं सिंधु सिंधुरगामिनी।।
जे जैसेहिं तैसेहिं उटि धावहिं। बाल बृद्ध कहँ संग न लावहिं।।
एक एकन्ह कहँ बूझहिं भाई। तुम्ह देखे दयाल रघुराई।।
अवधपुरी प्रभु आवत जानी। भई सकल सोभा कै खानी।।
बहइ सुहावन त्रिबिध समीरा। भइ सरजू अति निर्मल नीरा।।
Harashi bharat kosalapur ae, samachar sab gurahi sunae
Puni mandir maham bat janai, avat nagar kusal raghurai
Sunat sakal jananin uthi dhaim, kahi prabhu kusal bharat samujhai
Samachar purabasinha pae, nar aru nari harashi sab dhae
Dadhi durba rochan phal phula, nav tulasi dal mangal mula
Bhari bhari hem thar bhamini, gavat chalin sindhu sindhuragamini
Je jaisehin taisehin uti dhavahin, bal briddha kaham sang na lavahin
Ek ekanha kaham bujhahin bhai, tumha dekhe dayal raghurai
Avadhapuri prabhu avat jani, bhai sakal sobha kai khani
Bahai suhavan tribidh samira, bhai saraju ati nirmal nira
4.2
Doha/soratha
हरषित गुर परिजन अनुज भूसुर बृंद समेत।
चले भरत मन प्रेम अति सन्मुख कृपानिकेत ॥3(क)॥
Harashit gur parijan anuj bhusur brind samet
Chale bharat man prem ati sanmukh kripaniket, 3(ka)
4.3
Doha/soratha
बहुतक चढ़ी अटारिन्ह निरखहिं गगन बिमान।
देखि मधुर सुर हरषित करहिं सुमंगल गान ॥3(ख)॥
Bahutak charhi atarinha nirakhahin gagan biman
Dekhi madhur sur harashit karahin sumangal gan, 3(kh)
4.4
Doha/soratha
राका ससि रघुपति पुर सिंधु देखि हरषान।
बढ़यो कोलाहल करत जनु नारि तरंग समान ॥3(ग)॥
Raka sasi raghupati pur sindhu dekhi harashan
Barhayo kolahal karat janu nari tarang saman, 3(ga)