UtshovDoha 36
36.1
Chaupai
देहु भगति रघुपति अति पावनि। त्रिबिध ताप भव दाप नसावनि।।
प्रनत काम सुरधेनु कलपतरु। होइ प्रसन्न दीजै प्रभु यह बरु।।
भव बारिधि कुंभज रघुनायक। सेवत सुलभ सकल सुख दायक।।
मन संभव दारुन दुख दारय। दीनबंधु समता बिस्तारय।।
आस त्रास इरिषादि निवारक। बिनय बिबेक बिरति बिस्तारक।।
भूप मौलि मन मंडन धरनी। देहि भगति संसृति सरि तरनी।।
मुनि मन मानस हंस निरंतर। चरन कमल बंदित अज संकर।।
रघुकुल केतु सेतु श्रुति रच्छक। काल करम सुभाउ गुन भच्छक।।
तारन तरन हरन सब दूषन। तुलसिदास प्रभु त्रिभुवन भूषन।।
Dehu bhagati raghupati ati pavani, tribidh tap bhav dap nasavani
Pranat kam suradhenu kalapataru, hoi prasanna dijai prabhu yah baru
Bhav baridhi kumbhaj raghunayak, sevat sulabh sakal sukh dayak
Man sambhav darun dukh daray, dinabandhu samata bistaray
As tras irishadi nivarak, binay bibek birati bistarak
Bhup mauli man mandan dharani, dehi bhagati sansriti sari tarani
Muni man manas hans nirantar, charan kamal bandit aj sankar
Raghukul ketu setu shruti rachchhak, kal karam subhau gun bhachchhak
Taran taran haran sab dushan, tulasidas prabhu tribhuvan bhushan
36.2
Doha/soratha
बार बार अस्तुति करि प्रेम सहित सिरु नाइ।
ब्रह्म भवन सनकादि गे अति अभीष्ट बर पाइ ॥35॥
Bar bar astuti kari prem sahit siru nai
Brahma bhavan sanakadi ge ati abhishta bar pai