UtshovDoha 35
35.1
Chaupai
सुनि प्रभु बचन हरषि मुनि चारी। पुलकित तन अस्तुति अनुसारी।।
जय भगवंत अनंत अनामय। अनघ अनेक एक करुनामय।।
जय निर्गुन जय जय गुन सागर। सुख मंदिर सुंदर अति नागर।।
जय इंदिरा रमन जय भूधर। अनुपम अज अनादि सोभाकर।।
ग्यान निधान अमान मानप्रद। पावन सुजस पुरान बेद बद।।
तग्य कृतग्य अग्यता भंजन। नाम अनेक अनाम निरंजन।।
सर्ब सर्बगत सर्ब उरालय। बससि सदा हम कहुँ परिपालय।।
द्वंद बिपति भव फंद बिभंजय। ह्रदि बसि राम काम मद गंजय।।
Suni prabhu bachan harashi muni chari, pulakit tan astuti anusari
Jay bhagavant anant anamay, anagh anek ek karunamay
Jay nirgun jay jay gun sagar, sukh mandir sundar ati nagar
Jay indira raman jay bhudhar, anupam aj anadi sobhakar
Gyan nidhan aman manaprad, pavan sujas puran bed bad
Tagya kritagya agyata bhanjan, nam anek anam niranjan
Sarba sarbagat sarba uralay, basasi sada ham kahun paripalay
Dvand bipati bhav phand bibhanjay, hradi basi ram kam mad ganjay
35.2
Doha/soratha
परमानंद कृपायतन मन परिपूरन काम।
प्रेम भगति अनपायनी देहु हमहि श्रीराम ॥34॥
Paramanand kripayatan man paripuran kam
Prem bhagati anapayani dehu hamahi shriram