UtshovDoha 34
34.1
Chaupai
कीन्ह दंडवत तीनिउँ भाई। सहित पवनसुत सुख अधिकाई।।
मुनि रघुपति छबि अतुल बिलोकी। भए मगन मन सके न रोकी।।
स्यामल गात सरोरुह लोचन। सुंदरता मंदिर भव मोचन।।
एकटक रहे निमेष न लावहिं। प्रभु कर जोरें सीस नवावहिं।।
तिन्ह कै दसा देखि रघुबीरा। स्त्रवत नयन जल पुलक सरीरा।।
कर गहि प्रभु मुनिबर बैठारे। परम मनोहर बचन उचारे।।
आजु धन्य मैं सुनहु मुनीसा। तुम्हरें दरस जाहिं अघ खीसा।।
बड़े भाग पाइब सतसंगा। बिनहिं प्रयास होहिं भव भंगा।।
Kinha dandavat tinium bhai, sahit pavanasut sukh adhikai
Muni raghupati chhabi atul biloki, bhae magan man sake na roki
Syamal gat saroruh lochan, sundarata mandir bhav mochan
Ekatak rahe nimesh na lavahin, prabhu kar joren sis navavahin
Tinha kai dasa dekhi raghubira, stravat nayan jal pulak sarira
Kar gahi prabhu munibar baithare, param manohar bachan uchare
Aju dhanya main sunahu munisa, tumharen daras jahin agh khisa
Bare bhag paib satasanga, binahin prayas hohin bhav bhanga
34.2
Doha/soratha
संत संग अपबर्ग कर कामी भव कर पंथ।
कहहि संत कबि कोबिद श्रुति पुरान सदग्रंथ ॥33॥
Sant sang apabarga kar kami bhav kar panth
Kahahi sant kabi kobid shruti puran sadagranth