UtshovDoha 37
37.1
Chaupai
सनकादिक बिधि लोक सिधाए। भ्रातन्ह राम चरन सिरु नाए।।
पूछत प्रभुहि सकल सकुचाहीं। चितवहिं सब मारुतसुत पाहीं।।
सुनि चहहिं प्रभु मुख कै बानी। जो सुनि होइ सकल भ्रम हानी।।
अंतरजामी प्रभु सभ जाना। बूझत कहहु काह हनुमाना।।
जोरि पानि कह तब हनुमंता। सुनहु दीनदयाल भगवंता।।
नाथ भरत कछु पूँछन चहहीं। प्रस्न करत मन सकुचत अहहीं।।
तुम्ह जानहु कपि मोर सुभाऊ। भरतहि मोहि कछु अंतर काऊ।।
सुनि प्रभु बचन भरत गहे चरना। सुनहु नाथ प्रनतारति हरना।।
Sanakadik bidhi lok sidhae, bhratanha ram charan siru nae
Puchhat prabhuhi sakal sakuchahin, chitavahin sab marutasut pahin
Suni chahahin prabhu mukh kai bani, jo suni hoi sakal bhram hani
Antarajami prabhu sabh jana, bujhat kahahu kah hanumana
Jori pani kah tab hanumanta, sunahu dinadayal bhagavanta
Nath bharat kachhu punchhan chahahin, prasna karat man sakuchat ahahin
Tumha janahu kapi mor subhau, bharatahi mohi kachhu antar kau
Suni prabhu bachan bharat gahe charana, sunahu nath pranatarati harana
37.2
Doha/soratha
नाथ न मोहि संदेह कछु सपनेहुँ सोक न मोह।
केवल कृपा तुम्हारिहि कृपानंद संदोह ॥36॥
Nath na mohi sandeh kachhu sapanehun sok na moh
Keval kripa tumharihi kripanand sandoh