UtshovDoha 19
19.1
Chaupai
सुनु सर्बग्य कृपा सुख सिंधो। दीन दयाकर आरत बंधो।।
मरती बेर नाथ मोहि बाली। गयउ तुम्हारेहि कोंछें घाली।।
असरन सरन बिरदु संभारी। मोहि जनि तजहु भगत हितकारी।।
मोरें तुम्ह प्रभु गुर पितु माता। जाउँ कहाँ तजि पद जलजाता।।
तुम्हहि बिचारि कहहु नरनाहा। प्रभु तजि भवन काज मम काहा।।
बालक ग्यान बुद्धि बल हीना। राखहु सरन नाथ जन दीना।।
नीचि टहल गृह कै सब करिहउँ। पद पंकज बिलोकि भव तरिहउँ।।
अस कहि चरन परेउ प्रभु पाही। अब जनि नाथ कहहु गृह जाही।।
Sunu sarbagya kripa sukh sindho, din dayakar arat bandho
Marati ber nath mohi bali, gayau tumharehi konchhen ghali
Asaran saran biradu sambhari, mohi jani tajahu bhagat hitakari
Moren tumha prabhu gur pitu mata, jaum kahan taji pad jalajata
Tumhahi bichari kahahu naranaha, prabhu taji bhavan kaj mam kaha
Balak gyan buddhi bal hina, rakhahu saran nath jan dina
Nichi tahal grih kai sab karihaum, pad pankaj biloki bhav tarihaum
As kahi charan pareu prabhu pahi, ab jani nath kahahu grih jahi
19.2
Doha/soratha
अंगद बचन बिनीत सुनि रघुपति करुना सींव।
प्रभु उठाइ उर लायउ सजल नयन राजीव ॥18(क)॥
Angad bachan binit suni raghupati karuna sinv
Prabhu uthai ur layau sajal nayan rajiv, 18(ka)
19.3
Doha/soratha
निज उर माल बसन मनि बालितनय पहिराइ।
बिदा कीन्हि भगवान तब बहु प्रकार समुझाइ ॥18(ख)॥
Nij ur mal basan mani balitanay pahirai
Bida kinhi bhagavan tab bahu prakar samujhai, 18(kh)